DOMAANO 1:8 - Wanaadi A'deddu

⁸ Edääje wä’dö’se wa awa’de: Jesuuquidiito joi aashicha töwa’deuwe wäänene Waanadiiyö wwä äjääcäinchädäiñe, tameedä yeichö wa’cä tacaade aweijäcäiñe Wanaadi töneecanö’e aweichöcoomo.

DOMAANO 1:8 ပူးပေါင်းရင်းမြစ်များ

MATEO 24:14

Aashichaato wätunnä, yää Wanaadi töcaajichaanaije tödöödö jäcoono, nätääcammajä’a’de tameedä jata weichö wa’cä, tameedä sotoocomo netaadöcoomoje. Yaawä jeene na’de anooto wataamedö.

DUUCA 2:1

Yaawä acu’shänä Awuutu tameedä jata weichö wa’cä soto cömme’cu’täja’to, chäätöcoomo tömennä.

DOSECHO 11:28

Dhantawäiñe cönä’jaacä Aacawo täätö. Ñäädä cönammöi dhantawäiñe; Epíiditu Santo woije cöneecammai tameedä nono weichö wa’cä ämi weichojo. Yää ämi cöneeja’dätäi yaawä Cadaudiyo acu’shänääje yeichö.

DOSECHO 28:22

Eta’se ñaa na äwäätunnäi. Tacaade ñaa wwä na tameedä yeichö wa’cä cone’da töwa’deuwe yeichöcoomo mädä eduuwaatoje weichojo jäcä; quee cönä’döa’to.

DOMAANO 10:18

¿Aashichaato wätunnä ecammajäätödö aneeta’da ca iisadaaediitacoomo naicho, yääje yeiya’jäcä? Ng’jn, aneeta’da’da. Edääje Wanaadi a’deddu imennaajä nä’döa: Ñeecammajäätödööcomo töwäämecantä na tameedä nono weichö wa’cä; dha’dedducoomo mmaja töwääta na tameedä nono juntaichomo weichö wa’cä; quee imennaajä nä’döa.

DOMAANO 16:19

Chäänönge tönnöe aweichöcoomo tacaade na tameedä yeichö wa’cä; yääje yeijäcä ta’cwaiñe wa äjääcäiñe. Töweesomaajä’e aweichonse wa aashichaato tödöödö jäcä; conemjönö tödöödö jäcä mmaane odhoowoinchadäiñe aweichonse wa.

DOMAANO 6:17

Jenaadä conemjönö anoonöje mä’ja’quene; eduuwa mmaane tödö’se aweichöcoomo que owoowanooma’jocoomo woije maato, yää chääque towaanoma maatoodö. Yääje yeijäcä aashicha Wanaadi tä’tämje na.

1 CODINTIYO 1:4

Weiñäje aashicha töwa’deuwe wäänene Wanaadi wwä äjääcäinchädäiñe Wanaadi nutuudu aashichaato äwwäiñe naadö weijäcä, yää Jesuuquidiito jäcäinchädä äwwäiñe cuntuichö.

2 CODINTIYO 2:14

Aashicha tä’tämje Wanaadi ña; töwö Jesuuquidiito ai ñaa e’se’tätä weneene, ñaa wwä e’jodheinchadö wetä. Ñaa ai töwö Wanaadi aashichaato wätunnä nemeecanta tameedä yeichö wa’cä, juu shimi’jotoojo jodö töweiye naichöje.

EUJEESIYO 1:15

Yääje yeijäcä, Cajiichaana Jesuuquidiito töneecanö’e aweichöcoomo öwwä eta’jödö jonnoto’jödöödä, tameedä Wanaadi sotoi tumjumma aweichöcoomo eta’jödö jonnoto’jödöödä mmaja,

EUJEESIYO 1:16

äjääcäinchädäiñe aashicha Wanaadi wwä wa’deuwödö ane’nomja’da wa, chäwwä äjääcäiñe wa’deuwödö waadäi.

EUJEESIYO 3:21

Quedeiyente jäcäinchädäiñe, Jesuuquidiito jäcäinchädä mmaja, Wanaadi aashicha wa’deutojooje na, yeichöödäje. Amén.

EUJEESIYO 5:20

Cädhaajotoncomo Jesuuquidiito eetö joi aweichöcoomoje aashicha adha’deutäcä Cumöötoncomo Wanaadi wwä, tameedä äjääcäiñe töweeja’dä’e weneenedö jäcä.

JIDIIPENSE 1:11

Mädääje Jesuuquidiito ni’wa’tädö que aashichaato tödöödö ’je eijai maato. Yaawä tacaade eijai ña aashicha Wanaadi weichö; aashicha soto a’deujai ñaato yaawä chääjäcä.

JIDIIPENSE 1:3

Äjääcäiñe tö’tadö waadäi Wanaadi wwä aashicha töwa’deuwe wäänene.

CODOOSENSE 1:3

Äjääcäiñe Wanaadi wwä töwa’deuwödö waadäi aashicha töwa’deuwe ñaa weneene chäwwä, ñäädä Cädhaajotoncomo Jesuuquidiito umö wwä,

1 TEESADOONISENSE 1:2

Aashicha Wanaadi wwä töwa’deuwe ñaa weneene äjääcäinchädäiñe; chäwwä töwa’deuwödö waadäi adhe’tätäiñe ñaa weneene.

1 TEESADOONISENSE 2:13

Ñaa wwä Wanaadi a’deddu ecammajäätödö eta’jäcä äwwäiñe soto wätunnäije ane’tä’da mä’ja’quene; Wanaadi a’deddujeene me’tätääne. Chäänönge me’tätääne, Wanaadi a’dedduune yeiyajä. Yää, Wanaadi a’deddu, aashicha ayöödöaato, änwanno ecaanö’nnamo. Yääje yeijäcä yeichöje aashicha töwa’deuwe ñaa weneene Wanaadi wwä.

2 TEESADOONISENSE 1:3

Änwanno jimmä, yeichöje Wanaadi wwä aashicha a’deujai ñaa na äjääcäinchädäiñe, jooje aneecamjödööcomo wejaamödö weijäcä, äwwäädäiñe äwä’jummadööcomo wejaamödö weijäcä mmaja.

2 TIIMOTEO 1:3

Äjääcä Wanaadi wwä wa’deuwödö waadäi aashicha töwa’deuwe wäänene Wanaadi wwä, ano, coijai mmaja, ñäädä aashicha tö’tajäätödö yeiyancädä dhanoonöje waadö, yaadai’chomo cönä’ja’todööje mmaja.

JIIDEMÓN 1:4

Wanaadi wwä wa’deuwödö waadäi aashicha chäwwä töwa’deuwe wäänene äjääcäinchädä,

EEWEDEO 13:15

Yääje yeijäcä yeichöödäje Wanaadi quiiya’deme’täiye Jesuuquidiito eetö joi. Mädääjatoone saaquidiijiisiyo tödööjai caato cönwanno, yää aashicha Wanaadi jäcä cöwa’deuwödööcomo.

1 PEEDHODO 2:5

Änwanno mmaja täju yeichöödoto töweiye naichöje maato. Wanaadi woije oojodö’täcä Epíiditu Santo ewöötöje aweichöcoomo wetä, maa amääajä töweiye naichöje, Wanaadi wwä töwa’deuwaamo shooma’comooje aweichöcoomo wetä mmaja. Yaawä Jesuuquidiito ai Wanaadi wwono saaquidiijiisiyo aashichaato u’jai maato, Wanaadi wacö’je.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.