DOMAANO 1:5 - Wanaadi A'deddu

⁵ Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 1:5 ပူးပေါင်းရင်းမြစ်များ

JUAN 1:16

Mädä aashichaato töwääde’camjönö chäwwä naadö töwö cuntui cöwwäiñe. Ääde’wä aashichaato tunu’e weneene cöwwäiñe, aashichaato tuntu’jödö de’wä mmaja.

DOSECHO 1:25

Juudha nwacaanoje anontaajäje eiye yaawä. Ñäädä Juudha conemjönö tödö’jödö jo’tädööje anontaajäje töweichö jonno cönäätu’cajoi, töweichojo döiña töötädö wetä; quee Wanaadi wwä cöna’deuwa’to.

DOSECHO 15:14

Simón Peedhodo cöwwäiñe necammajäätöi awa’deene judhíojöncomo wentumje ene’jödö Wanaadi wwä, tösootoije töweiyaamoje ei’jocoomo mmaja chäwwä.

DOSECHO 6:7

Yaawä Cajiichaana Jesuuquidiito a’deddu jooje cöneejangacä. Wanna soto quedeiyenteje cönä’döjoicho Jeduusadén ña; Wanaadi wwä töwa’deuwaamo jadä’jödöödä cöneecamjöicho.

DOSECHO 9:15

Yaawä Cajiichaana cönä’döaacä: —Äjääneene; öwö weiñä ñäädä ya’deddu ecammaneije töweiyemööje tameedä soto wwäiñe, cajiichaanacoomo wwä, iisadaaediitacoomo wwä mmaja.

DOMAANO 12:3

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

DOMAANO 16:26

Eduuwaane ñäädä Wanaadi yeichöödoto yää wätunnä cöneecadeeme’joi töwa’deuwödö ecammajä’nnamo nimenno’jocoomo ai. Yää cöneecadeeme’joi tameedä soto weichöcoomo wa’cä, tameedä ecamjöiyeto, Wanaadi woije eiyetoode yaawä.

DOMAANO 3:29

Judhíocoomo Wanaadiyö mmajöönö ñäädä Wanaadi, judhíojöncomo Wanaadiyö mmajaane,

1 CODINTIYO 15:10

Yääje yeichaame anontaajäje wa aashicha Wanaadi weichö woije. Yää aashichaato inchudu öwwä töwäädämma’da cöneiyacä; anejjacoomo anonta’como e’jodheiñe yeetadaawa’cajoone; öwööjönö weichaame, Wanaadiiñe jaadä weneene, aashicha töweichö woije.

1 CODINTIYO 9:2

Anejja wwä anontaajäjemjönö wa’cä tö’ta’jäcä, änwanno mmaane yääje chö’tajä’jai’cha maato. Änwanno ñanno anontaajäje weichö yeene’ju’jonnamo, mädä Cajiichaana Jesuuquidiito ecaanö’nnamooje maatoodö.

EUJEESIYO 1:12

Töwö mädääje cödöötäne aashicha töweichö jäcä töwa’deuwaamoje cöweichöcoomo wetä. Awa’deene ñaa dea Quidiito ñaa cöneecamjöi.

EUJEESIYO 1:6

Yääje yeijäcä aashicha ca’deuto’ñojo Wanaadi jäcä, joojato iiñödö’jödö jäcäinchädä; yää aashichaato cöjääcäiñe Wanaadi cönnöi Tönnedö tumjummadö jadä cöweichomjäcä.

EEWEDEO 5:9

Chäänönge töwä’döa’jäcä töwö Jesuuquidiito wääwanaacatoojo yeichöödoto u’neije cönä’döi yaawä, tameedä ta’deddu woije tödönnamo wwä.