DOMAANO 1:25 - Wanaadi A'deddu

²⁵ Tönwanno weshi’jonä mma cöneecamjöicho, Wanaadi chäänöngato aneecamjö’da töweichöcoomo wetä. Wanaadi namoode’nädö mma tädhaajotoncomooje tönnöe weneeneto, tönwa’deme’que mmaja, Wanaadi jaiñoone änwa’demeecö’da töweichaameiñe, ñäädä yeichöödäje aashicha wa’deuto’me naadö. Amén.

DOMAANO 1:25 ပူးပေါင်းရင်းမြစ်များ

MATEO 10:37

“Ñäädä öwö jummadö e’jodhe’cä tumö, senö ijummanei, sootoije eijai’cha na. Ñäädä öwö jummadö e’jodhe’cä tönnedö ijummanei, sootoije eijai’cha mmaja.

MATEO 6:24

“Aacä tädhaajä tödööjai’cha weiña nai. Yääje tödööa’jäcä tooni mma ijummajai ña ñäädä yaawä, yeichacoono ämjumma’da mma. Yeichacoono jadä aashicha etaadawa’cajoojai ña; yeichacoono ’quene chiiñeme’jai. Mädääje mmaja änwanno, a’nädäncädä ijummajai’cha maato, Wanaadi mmaja, mösooma mmaja.

JUAN 2:8

Yaawä Jesuuquidiito cönä’döaacä: —Anaanöntäcä eduuwa tuna ewöötö acanno; adäätäcä äwanshi ejoodödö edhaajä wwadäädä; quee cönä’döaacä. Tönwanno cönnöicho ñaanontä’jödö woije.

DOMAANO 1:18

Töwö Wanaadi caju ñanno neneeja chäänöngemjöncomo jäcä cone’da töweichö, ñanno conemjöncomo, töcoone’nadiiyöcoomo que chäänöngato wätunnä etaatannä’cannamo.

DOMAANO 1:23

Tönwanno Wanaadi weichö aashichaato töwaatamemjönö cöninwacaamaicho soto töwaatameemö cu’taajä töwwäiñe tödöödö wetä, tadiiñemö cu’taajä mmaja, äcääyu cu’taajä mmaja, odoocojaato cu’taajä mmaja.

DOMAANO 9:5

Ñanno iisadaaediitacoomo naato ñaa adaichö atöödöje. Ñanno atöödöje mmaja Äwaanacaanei cönennui, ñäädä Wanaadi, tameedä Ädhaajä, yeichöje aashicha wa’deutojooje naadö. Amén.

2 CODINTIYO 11:31

Cädhaajotoncomo Jesuuquidiito Wanaadiyö, ñäädä Yuumö, dhowaanäcä na wäätäncu’tädööje’da yeichö mädääje wä’dödö; ñäädä Wanaadi ña yeichöödäje aashicha wa’deutojooje.

EUJEESIYO 3:21

Quedeiyente jäcäinchädäiñe, Jesuuquidiito jäcäinchädä mmaja, Wanaadi aashicha wa’deutojooje na, yeichöödäje. Amén.

1 TEESADOONISENSE 1:9

Tönwanno dea töneecammajä’e weneeneto aashicha äwwäiñe ñaa dö’jödö, äwwäiñe chu’taajä jummadö e’nomja’jödö mmaja Wanaadi ijummadö wetä, shootoije äwä’dödööcomo wetä, ñäädä nudooto, chäänöngato mmaja.

1 TIIMOTEO 1:11

Yää chäänöngato woowanoomanä na Wanaadi aashichaato wätunnäi woije, yää täcammajä’emööje öwwä tu’e naadö.

1 TIIMOTEO 1:17

Yääje yeijäcä aashicha tödööto’me na ñäädä Cajiichaana yeichöödoto, aashicha wa’deutojooje mmaja yeichöödäje. Töwäämamjönö töwö, töwäänemjönö mmaja, ñäädä mma Wanaadi, töseedujä’nato. Amén.

2 TIIMOTEO 3:4

Tönwanno yääjönö wa’co’como wätäncu’tädööje mmaja naato’dede, tönnecoone’da mmaja, töweewacööma mmaja. Tönwanno töshiiye weiñä nijummaato’de Wanaadi ämjumma’da tödööene.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.