DOMAANO 1:17 - Wanaadi A'deddu

¹⁷ Yää aashichaato wätunnä necamma ecamjödö jäcäinchädä mma Wanaadi töjaadonooje cödöötäiñe yeichö, anejja jäcäinchädä’da. Edääje Wanaadi a’deddu imennaajä jäcä nä’döa: “Ñäädä Wanaadi jadoono töneecamjödö jäcäinchädä töweichö neneea’de;” quee.

DOMAANO 1:17 ပူးပေါင်းရင်းမြစ်များ

JUAN 3:36

Ñäädä Iiñedö ecaanö’nei, yeichö töwaatamemjönö töweiye na. Ñäädä Iiñedö ecamjö’semjönö ’quene, töweichö aneene’da na’de; Wanaadi wwä töwäätä’maminchajoomöje mma na.

DOMAANO 10:3

Tönwanno dhowaanäcäiñe’da na Wanaadi wwä töjaadonooje soto tödöötojo. Tönwanno Wanaadi necammadö woije chääjadoonoje töwä’dö’seiñe’da naato; tumjummadööcomo woije mma Wanaadi jadoonoje töwä’dö’seiñe naato.

DOMAANO 3:21

Eduuwa cowaanäcäiñe na yää Wanaadi jadoonoje wä’dönä ecamjödö que mma yeichö, waanontänä tödöödö que’da yeichö mmaja. Mädääje dea waanontänä imennaajä jäcä cönäätäcammai jenaadä; Wanaadi wa’deuwödö ecammannamo’jödö mädääje cömmennoicho dea.

DOMAANO 3:22

Jesuuquidiito ecamjödö jäcäinchädä Wanaadi töjaadonooje soto nödööaato, tameedä ecaanö’nnamo. Anejjeja anejja soto weichojo ’je’da na.

DOMAANO 3:3

Yääje yeichaame dhantai aneecamjö’da cöneiya’to. ¿Chäänönge Wanaadi weichö ca ninwacaamanto, yääje yeiya’jäcä, aneecamjö’da töweichöcoomo que?

DOMAANO 9:30

¿Aaquene yaawä, quee ’ja? Ñanno judhíojöncomo Wanaadi jadoonoje töwä’dödööcomo anuuji’cha töwei’jocoomo weichaame cöneejodöicho. Tönwanno cöneejodöicho ecamjödö que.

2 CODINTIYO 3:9

Yää wäämatoojodä aashichaato eneejancädä cönä’ja’ne’; töwääcö’je mma mädä Wanaadi jadä wä’dönä ecammatoojo.

2 CODINTIYO 5:21

Quidiito conemjönö ännö’da cöneiyacä; yääje yeichaame cöjääcäinchädäiñe Wanaadi Jesuuquidiito cönnöi conemjönö nönge, töwö Quidiito jadä cöwä’dödööcomo que Wanaadi weichö aashichaato cöwwäiñe töweiye yeichö wetä yaawä.

CAADATA 3:11

Owaanäcä na jenaado’jä waanontänä tödöödö jäcäinchädä Wanaadi jadoonoje soto ä’döjai’cha yeichö. Edääje Wanaadi a’deddu imennaajä nä’döa: “Ñäädä Wanaadi jadoono töneecamjödö jäcäinchädä töweichö neneea’de;” quee.

JIDIIPENSE 3:9

chääjadä weiye yaawä, aashicha weichö jenaado’jä waanontänä jäcäinchädooto que’da, Quidiito ecamjödö jäcäinchädooto queene. Yää aashicha weiñä Wanaadi tunu’e tameedä täcaanö’nei wwä.

EEWEDEO 10:38

Ñäädä öwö jaadono töneecamjödö jäcäinchädä töweichö neneea’de. Yaawääne’, iiña mmaja yennaca’jäcä ta’cwaiñe’da wa’de chääjäcä; quee nä’döa Wanaadi a’deddu.