DOMAANO 1:13 - Wanaadi A'deddu

¹³ Jimmä, edääje wä’dö’se wa äwwäiñe: Weiñäje adöiñaiñe öötä’se töweiye wä’jaaquennö’je, yaawääne’ eduuwa naadö jona tödööene täjai’cha töweiye wä’jaaquene. Adöiñaiñe öötä’se wäänene adhantawäiñe quedeiyenteje neewaacadö töweiye yei’she weijäcä, aneiñaja quedeiyenteje önnödö töweiye naadöje mmaja.

DOMAANO 1:13 ပူးပေါင်းရင်းမြစ်များ

JUAN 12:24

Chäänönge yääje wä’döa äwwäiñe, äiña adöödö ñaatö’taajä e’mo’da yeiya’jäcä a’tajai’cha na yaawä. Dha’da ye’moa’jäcä yaawääne a’tajai ña; jooje chääjedöödö töweiye na yaawä.

JUAN 15:16

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

JUAN 4:36

Ñäädä natö amu’nei’jödö täjeema töweiye nai. Töwö ñi’jumma’jödö yeichöödoto yeichojooje na. Yaawä a’nädä ta’cwaiñe eijai ñaato, ñaatö’tänei’jödö acä amu’nei’jödö.

DOSECHO 1:15

Yaawä Peedhodo cönammöi quedeiyente antawäiñe; ñanno cönä’ja’to ijaatoodea sotooto de’wä tooni soto. Töwö Peedhodo cönä’döaacä chäwwäiñe:

DOSECHO 14:27

Yaawä Antiyooquía ña töwä’döa’comjäcä Quidiito sotoi cöni’jummaicho; chäwwäiñe cöneecammajäätöicho tameedä Wanaadi nödö’jödö töjääcäiñe. Cöneecammajäätöicho dea judhíojöncomo wwä Cajiichaana wwä utu’jödö ta’deddu etaatojo, ecamjödö wetä chäwwäiñe.

DOSECHO 15:12

Yaawä tameedä ñanno cöneeta’jöjäätöicho; cöneeta’to yaawä Waanawé wwä ecammajäätödö Wanaadi nödö’jödö aashichaato töjääcäiñe; Paudo wwä ecammajäätödö cöneeta’to dea. Ñanno Paudo, Waanawé cöneecammajäätöicho Wanaadi wwä ene’ju’tojo tödööjo’jödö töwwäiñe judhíojöncomo neneedöcoomoje.

DOSECHO 19:21

Yää ’jeje Paudo töötä’se cönä’jaacä Maasedooniya ña, Acaaya ña mmaja, Jeduusadén ña töötädö wetä yaawä. Edääje cöntö’tajä’acä: Jeduusadén ña ööta’jäcä Dooma ña täjai wa yaawä; quee.

DOSECHO 21:19

Ñanno a’dejja’comjäcä Paudo cöneecammajäätöi tameedä Wanaadi nödööjo’jödö töwwä judhíojöncomo jäcäiñe.

DOSECHO 28:14

Yäätä quedeiyentecoomo ñaa cöneejodöi. Ñanno tödöiñaiñe ñaa amonno’joneeto; chääjadäiñe ñaa cönä’jaacä tooni semaana. Yää ’jeje ñaa cönääma’täi Dooma ña.

DOMAANO 1:12

Yaawä äämetaacai quejäädu’taato’de yää dea cöneecamjödööcomo que.

DOMAANO 11:25

Änwanno jimmä, edä owaanojöönö’jödö odhoowanääcäiñe yei’she wa, o’jodhe ätö’tajäätödööcomo queiñe: Ñanno iisadaaediitacoomo dhantai cöntäijamöicho, ñanno judhíojöncomo Wanaadi sotoije töwä’döaamo yääwanaacadööcomo wa’cä mma.

DOMAANO 7:1

Änwanno jimmä, waanontänä dhowaanäco’como, ¿odhoowanääcäiñe jönca nai waanontänä soto anontäjai yeichö nudä yeichö dea mma?

1 CODINTIYO 1:10

Jimmä, Cädhaajotoncomo Jesuuquidiito eetö joi mänwätuujaato; aata’deucwe eichäcä, äätu’de’tä’daane. Aashichaane eichäcä ääjäcä, yää dea ätö’tajäätödööcomo weiyancädä, yää dea adha’dedducoomoje tödööancädä mmaja.

1 CODINTIYO 10:1

Jimmä, ätö’tatääcä cadai’choncomo wei’jocoomo jäcä; tameedä tönwanno ca’dutu o’nä töötä töweiye cönä’ja’to; tameedä cöne’dätoicho Dama Seweichato wenwa’duaajä ai.

1 CODINTIYO 12:1

Jimmä, cöwaadäiñe Epíiditu Santo nu’jätöödö jäcä odhoowanääcäiñe yei’she wa.

1 CODINTIYO 14:20

Jimmä, mude’cä’cä nönge’da ätö’tajä’täcä. Conemjönö tödöödö jäcä mmaane mude’cä’cä nönge eijai maato; tö’tajä’nä jäcä ’quene inchomo nönge eijai maato.

1 CODINTIYO 14:26

Mädääje na jimmä; awe’jummadaawäiñe awaadäiñe tödööjai maato. Anejja wecanta’ñänä dha’me eijai ña, anejja ’quene woowanoomanä dha’me, anejja mmaane töwwä Wanaadi neneejodö, anejja a’deucwe wa’deunä jeiñe mma, yää ecammajo’tojo jeiñe mma. Tameedä yää tödööjai maato quedeiyentecoomo wä’jädu’toto’comooje.

1 CODINTIYO 9:2

Anejja wwä anontaajäjemjönö wa’cä tö’ta’jäcä, änwanno mmaane yääje chö’tajä’jai’cha maato. Änwanno ñanno anontaajäje weichö yeene’ju’jonnamo, mädä Cajiichaana Jesuuquidiito ecaanö’nnamooje maatoodö.

2 CODINTIYO 1:8

Jimmä, odhoowanääcäiñe yei’she wa Aasiya ña ñaa wäntunamjö’jödö. Ñaa wwä shinchädö e’jodhe deja ñaa maminchaneeto; äämajaicho wa’cä ñaa cöntö’taacä yaawä.

2 CODINTIYO 2:14

Aashicha tä’tämje Wanaadi ña; töwö Jesuuquidiito ai ñaa e’se’tätä weneene, ñaa wwä e’jodheinchadö wetä. Ñaa ai töwö Wanaadi aashichaato wätunnä nemeecanta tameedä yeichö wa’cä, juu shimi’jotoojo jodö töweiye naichöje.

CAADATA 3:15

Jimmä, yö’seeno joi wecammajäätö’ñojo eduuwa äwwäiñe, weiñä joi. Soto wääcamma’jödö imennaajä naichö naane’, anejja töwäädämmatooje tödööjai’cha, ye’wä mmaja ecammajai’cha.

CAADATA 6:18

Jimmä, Cädhaajotoncomo Jesuuquidiito nutuudu aashichaato äwwäiñe yei’she wa. Amén.

JIDIIPENSE 1:22

Nudä dea weiya’jäcä jooje’cä taadawaajui’jödö eijai ña. Yääje yeijäcä yoowanääcä’da na umjummadö.

JIDIIPENSE 4:17

Jödaata äntuiyeto eduuwa öwwä, quee öucwadööje’da yääje wä’döa, ännö’jocoomo eje’jödö ’je yei’she weijäcääne.

CODOOSENSE 1:10

Cajiichaana sotoi weichö nönge aweicho’como mmaja töne’ca’e ñaa weneene dea, imjummadö äwwäiñe tödöötojo mmaja, aashichaato ännödööcomo wejantojo mmaja, jooje’cä jeene Wanaadi odhoowanääcäiñe yä’dötoojo mmaja.

CODOOSENSE 1:6

Yää aashichaato wätunnä, äwwäiñe cönäätäcammaichö, tameedä yeichö wa’cä wäämecantänääje na eduuwa, wäädhe’manääje mmaja, äjääcäiñe weneenedööje dea. Mädääje äjääcäiñe aashichaato wätunnä cönaatö’näjöi awa’deene aashicha Wanaadi weichö jäcä metaatäneedö jonnoto’jödöödä, chäänönge yeichö metaatäneedö jonnoto’jödöödä mmaja.

1 TEESADOONISENSE 2:18

Adöiñaiñe töötaamo ñaa cönä’ja’dö’je, öwö Paudo wannade wäämu’däjä’ne, öötä’sato’jödö; töwäädä Caajuushawa ñaa adoojo’da cöneiya’ne’.

1 TEESADOONISENSE 4:13

Änwanno jimmä, odhoowanääcäiñe yei’she ñaa na ñanno yä’ja’a’como jäcä, wentumje aweichöcoomo queiñe, quedeiyentejöncomo weneenetoodöje; tönwanno naato a’que inwomoocödööcomo.

2 TEESADOONISENSE 2:7

Töweiye yeichaame eduuwa conemjönö, yää ääne’da ijäädudu weneenedö, chu’nädö aca ä’dö’da deaane na. Yää mma a’que na eduuwa, ñäädä aneenejoojönö eseecadö mma;

2 TIIMOTEO 4:17

Cajiichaana mmaane jaadä cönä’jaacä; töwö jäädudu cuntui tacoichaane ta’deddu ecammajäätödö wetä öwwä judhíojöncomo netaadöcoomoje. Mädääje Cajiichaana yeewanaacane mado jonno;