DOMAANO 1:1 - Wanaadi A'deddu

¹ Öwö, Paudo, Jesuuquidiito anoonö, anontaajäje Wanaadi ne’tädö; Wanaadi chea yaanontäne ta’deddu ecammajä’e, yää aashichaato wätunnä.

DOMAANO 1:1 ပူးပေါင်းရင်းမြစ်များ

MAADOCO 1:14

Yääje mma yaawä jedeesoje Juan wä’döja’jäcä, Jesuuquidiito cöntämä Caadideea ña, aashichaato wätunnä ecammajä’ancädä Wanaadi töcaajichaanaije tödöödö jäcä.

JUAN 12:26

Ñäädä sootoije töwei’shato waanontädö woije nödö’ñojo; öwö weichö dö’tä mmaja sootoi ña’de. Ñäädä öwö woije tödöönei jäcä Jaaja nödööa’de aashichaato.

JUAN 15:15

Yaanonööje adhe’tätäiñe’da wa eduuwa. Dhanoonö dhowaanäcä’da töweiye nai tädhaajä wwä tödöötojo. Jimmäjeene mane’taato eduuwa, äwwäiñe ecamma’jödö weijäcä tameedä Jaaja wwä neeta’jödö.

JUAN 15:20

Ätö’tatääcä äwwäiñe wa’deuwö’jödö jäcä: Dhanoonö tädhaajä e’jodhe’da töweiye nai; quee wä’dö’jödö jäcä. Ñanno öwö maaminchaneetodö, amaaminchatantäi’chede; ñanno ya’deddu etannamo’jödö, adha’dedducoomo mmaja netaato’dede.

DOSECHO 13:9

Yaawä Saudo, Paudoje mmaja chäätö cönä’ja’dö, Epíiditu Santo jäduudu ’je cönä’jaacä; yäätäädä cöneene’maacä ñäädä jöwai;

DOSECHO 20:24

Cone’da yöödö’da na mädääje yeichö; oowontä’da mmaja wa dea. Ta’cwaiñe wä’ca’se mmaane wa öwwä tödööemö jäcä, yää Cajiichaana Jesuuquidiito taadawaajuije cuntuichö, aashichaato wätunnä ecammajäätödö aashicha Wanaadi weichö jäcä.

DOSECHO 21:40

Töwö suddau edhaajotoncomo cönä’döaacä yaawä: —Adha’deucwä yääje yeiya’jäcä; quee. Yaawä Paudo cönä’jaacä cadeeda de’wä; töwö tamäädö eneejojäätödö que soto cöneeta’jöichajoicho yaawä. Yeeta’jöa’comjäcä Paudo cönä’deuwöi chäwwäiñe eewedeeo a’deucwe. Töwö cönä’döaacä:

DOSECHO 22:21

Töwö cönä’döaacä öwwä: “Äjääne, amoinche manaanonta eetonno, judhíojöncomo döiñaiñe;” quee cönä’döaacä yaawä öwwä; quee cönä’döaacä Paudo ñanno Jeduusadén ñancomo wwä.

DOSECHO 22:7

Nono jo ye’duccane yaawä; a’deu wetaaquene: “Saudo, Saudo, ¿ane’cotoojo cuyuunacaanä?” quee cönäätaacä.

DOSECHO 26:1

Yääje mma yaawä Aaquidiipa cönä’döaacä Paudo wwä: —Awa’deuwö’se aweiya’jäcä adha’deucwä; quee. Yaawä tamäädö eneejojäätödö que Paudo soto cöneeta’jöichajoicho; cönä’döaacä:

DOSECHO 26:14

Yaawä nono jo ñaa cöne’duccai tameedä. Eewedeeo a’deucwe wa’deunä wetaaquene yaawä; cönä’döaacä: “Saudo, Saudo, ¿ane’cotoojo cuyuunacaanä? Amäädä dea adheecone’ma, ñäädä jaaca tuju’yu’motoojo töjoosa’dato etaaja’jäcä chäwwä töwoije dea töwäätunui’chä töweiye naichöje mmaja;” quee cönä’döaacä.

DOSECHO 27:23

Edä coijaichawä amoode näänejoi öwwä, Waanadiiyö anoonö, ñäädä shootoije waadö.

DOSECHO 9:15

Yaawä Cajiichaana cönä’döaacä: —Äjääneene; öwö weiñä ñäädä ya’deddu ecammaneije töweiyemööje tameedä soto wwäiñe, cajiichaanacoomo wwä, iisadaaediitacoomo wwä mmaja.

DOMAANO 1:16

Aashichaato wätunnä jöichajo’da na yää Wanaadi töjääduduuje tönnöe yeijäcä tameedä ecaanö’nnamo ewaanacaato’comooje, judhío ewaanacaato’comooje awa’de, judhíojöncomo ewaanacaato’comooje mmaja.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 1:9

Tödö’se weichö que Wanaadi wwä tönnöe wäänene, mädä Iiñedö jäcä aashichaato wätunnä töneecammajä’e wääneneedö. Töwö Wanaadi dhowaanäcä na weiñäje töwwä töwa’deuwe weichö.

DOMAANO 11:13

Edääje wä’dö’se wa äwwäiñe, änwanno judhíojöncomo. Judhíojöncomo wwadäädäiñe anontaajäje weijäcä aashicha mädä taadawaajui tödö’se wäänene.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

DOMAANO 15:29

Yoowanääcä na adöiñaiñe ööta’jäcä Quidiito nutuudu aashichaato dha’me täjai weichö.

DOMAANO 16:18

Ñanno yääja’como Cädhaajotoncomo Jesuuquidiito anoonöje’da naato; tumjummadööcomo woije mma weneeneto. Tönwanno towoinchado’como tönencu’täiñe weneeneto aashichaato wa’coto ta’dedducoomo que, wäämu’nä’nä que mmaja.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

1 CODINTIYO 1:1

Öwö Paudo, Wanaadi woije Jesuuquidiito nanontädööje e’taajä, cöjimmotoncomo Sootene acä ñaa

1 CODINTIYO 9:1

Anontaajä dajaane öwö, tameedä anonta’como tönnöe weneenetoodö tödööjaicho mmaja, öwwä mmajaane Cädhaajotoncomo Jesuuquidiito eneetö’da. Änwanno mmaja maatoodö naane’ taadawaajui’jödö, yää Cajiichaana wwonooje tönnöe wääneneedö.

2 CODINTIYO 1:1

Öwö Paudo, Wanaadi woije Jesuuquidiito nanontädö, cöjimmotoncomo Tiimoteeo acä ñaa nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo; tameedä Wanaadi sotoi Acaaya ña naatoodö wwadäädä mmaja ñaa nimenna dea.

2 CODINTIYO 11:5

Ñanno anonta’comooje tönwacööma määnetäänedö o’näiñe’da wa öwö.

2 CODINTIYO 11:7

¿Chäänöngemjönö ja ca’ yää cönä’jaacä täje’da aashichaato wätunnä äwwäiñe wecammajä’aquennö? Öwö odho’näiñato nönge töweiye wä’jaaquene, ye’jodhe aweichöcoomo wetä.

2 CODINTIYO 12:11

Cujeeje mädääje ya’deuwöi, mädä wä’wa’demeecödö jäcä; änwanno owoija’como mädä. Änwannoone jääcä aashicha a’deujai aweichaameiñe. Öwö a’que weichaame ñanno o’näiñe’da wa, ñanno anonta’como aashicha’como wa’cä äwwäiñe chö’tadö weneenetoodö.

2 CODINTIYO 2:12

Quidiito wätunnäi aashichaato ecammajäätödö wetä Todoowa ña wä’döa’jäcä Cajiichaana tadaawaajui dötoojo wedantäneedö’je;

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

CAADATA 1:1

Öwö Paudo, anontaajä, soto nanontädööcomoojönö, soto ne’tädööcomoojönö mmaja, Jesuuquidiito nanontädööne, Cumöötoncomo Wanaadi nanontädö mmaja, ñäädä yäämaajo jonno Jesuuquidiito adoncanei’jödö.

EUJEESIYO 1:1

Öwö Paudo, Wanaadi woije Jesuuquidiito nanontädö, äwwadäädäiñe wimenna, änwanno Wanaadi sotoi Eujeeso ñancomo, Jesuuquidiito ecaanö’nnamo.

EUJEESIYO 1:13

Yaawä äcuude änwanno mmaja chäänöngato wätunnä metaatäne dea, yää aashichaato wätunnä eduuwa äwääwanaacato’comooje naadö. Yää etaadö’jo Quidiito mecaanö’täne, chääjadoonoje mä’dötääne dea. Yaawä Wanaadi sotoije aweichöcoomo adheene’ju’to’comooje Epíiditu Santo que mä’madaaca’ñojootäne, ñäädä Wanaadi necamma’jödö.

EUJEESIYO 4:11

Töwö Quidiito cöwaadaiñe cuntui cöweicho’como; anejjacoomo wwä cuntui anonta’comooje yeicho’como, anejjacomo ’quene Wanaadi nutuudu woije ecammajä’nnamooje yeicho’como, anejjacoomo ta’deddu adännamooje, anejjacoomo quedeiyentecoomo es’e’tännamooje, owaanomannamooje mmaja.

JIDIIPENSE 1:1

Öwö Paudo, Tiimoteo mmaja, Jesuuquidiito anoonö, edä ñaa nimenna äwwadäädäiñe, änwanno tameedä quedeiyentecoomo Jidiipo ñancomo, Wanaadi sotoi, Jesuuquidiito jadoncomo; ansiyaano wwadäädäiñe mmaja ñaa nimenna dea, diyaacono wwadäädäiñe mmaja.

JIDIIPENSE 2:11

tameedä Jesuuquidiito Cajiichaanaje e’täiyetoode. Mädääje Cumöötoncomo Wanaadi aashicha wa’deutojooje eijai ña.

CODOOSENSE 1:1

Öwö Paudo, Wanaadi woije Jesuuquidiito nanontädö, cöjimmotoncomo Tiimoteo acä

CODOOSENSE 1:25

Öwö wa quedeiyentecoomo anoonöje, äjääcäinchädäiñe taadawaajui Wanaadi nutuudu woije, tameedä Wanaadi a’deddu ecammajäätödö wetä öwwä,

1 TEESADOONISENSE 2:2

Äwwäiñe tacaade na Jidiipo ña ñaa wätä’maminchajo’jödö, ñaa wäntunamjö’jödö mmaja. Yääje yeichaame Wanaadi ñaa ’wa’täne tösaade’da ñaa wwä ecammajäätödö wetä äwwäiñe Wanaadi wätunnäi aashichaato, jooje ñaa tu’de’tätaame anejjacoomo wwä.

1 TEESADOONISENSE 2:8

Ñaa ajummatääne jooje; yääje yeijäcä Wanaadi wätunnäi aashichaato mmajöönö ñaa cuntui äwwäiñe, töweichö jadä’jödöödä, ñaa wwä tujunne aweijäcäiñe.

1 TEESADOONISENSE 2:9

Änwanno jimmä, odhoowanääcäiñe na jooje töwäntunamjödö que töweetadaawa’cajo ñaa wei’jödö, täwanshiñö cana’catoojo ejoodödö jäcä. Töweetadaawa’cajo ñaa cönä’jaacä ano, coijai’jödöödä, ännödööcomo anaatameecö’da ñaa weichö wetä, ñaa wwä Wanaadi wätunnäi aashichaato ecammajäätödaawä äwwäiñe.

1 TIIMOTEO 1:1

Öwö Paudo, Jesuuquidiito nanontädö, Cäwaanacaaneichomo Wanaadi nanontä’jödö woije, Cajiichaana Jesuuquidiito woije mmaja, ñäädä cönwomoocödööcomooje naadö.

1 TIIMOTEO 2:7

Yää ecammajä’neije tödööajääje wa öwö, anontaajäje mmaja, judhíojöncomo owaanomaadöcoomo wetä chäänöngato ecamjödö jäcä. Chäänöngato mädä Quidiito owaadäädä wecammaadö, weeshi’jodööjönö.

2 TIIMOTEO 1:11

Wanaadi yeewaacane anontaajäje, aashichaato wätunnä ecammajä’neije mmaja, judhíojöncomo owaanomaaneichomooje mmaja.

TIITO 1:1

Öwö Paudo, Wanaadi anoonö, Jesuuquidiito nanontädö mmaja. Töwö yaanontäne Wanaadi neichö necamjödööcomo yoomanö’neije, Wanaadi woije weiñä jäcä owaanomaaneichomooje mmaja,

EEWEDEO 5:4

Töwoije mmädä Wanaadi wwono wa’deuwödööje ääwaaca’da weiñä nai; Wanaadi ne’tädö woije deaane, Aadón cönä’ja’döje mmaja.

EEWEDEO 7:26

Cöwwäiñe tujunne töweiye cönä’jaacä yääjato cöjääcäinchädäiñe Wanaadi wwä töwa’deuwemö. Aashichaato töwö, conemjönö ’jemjönö mmaja, conemjönö dönnamo jonnoto wä’sancwajaajä mmaja, tameedä caju ñancomo e’jodhaato mmaja.

SANTIYAACO 1:1

Öwö Santiyaaco, Wanaadi anoonö, Cajiichaana Jesuuquidiito anoonö mmaja, ya’deujödö wadääja äwwadäädäiñe, änwanno iisadaaediitacoomo, amoojadooto de’wä aacä adhaadai’choncomo naadö, tameedä nono weichö wa’cä äwäämecanta’como maatoodö.

1 PEEDHODO 4:17

Eduuwa nä’döi wäntunaanö’nä waajontotoojo cu’nädö aca, Wanaadi sotoi jäcäiñe naajäntaadö naane’. ¿Aaquene mmaja aneemaichädööto deeade’ ñanno Wanaadi wätunnäi aashichaato ännöjöncomo, cöjääcäiñede naajäntaane’?

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.

APOOCADIISI 1:1

Edä yää Jesuuquidiito neneejo’jödö, Wanaadi nutuudu chäwwä, tanoonö wwäiñe eneejodö wetä, eduuwa mma töweeja’dä’emö. Töwö Jesuuquidiito tamoodedö cönaanontäi tanoonö Juan wwä ecammajä’e.

APOOCADIISI 22:6

Yaawä ñäädä amoode cönä’döaacä öwwä: —Chäänöngato a’deu mädä, täcaanö’emje mmaja. Cajiichaana Wanaadi, ñäädä ta’deddu ecammannamo tö’tajäätödö edhaajä, tamoodedö cönaanontäi tanoonö wwäiñe eneejo yää eduuwa mma töweeja’dä’emö; quee cönä’döaacä.

APOOCADIISI 22:9

Yaawä töwö cönä’döaacä öwwä: —Ng’jn; mädääje’daane. Wanaadi anoonö öwö dea, anöngato mmaja, ajimmotoncomo nönga’como mmaja, ñanno Wanaadi wa’deuwödö ecammannamo, edä jajeedä jäcä naadö tödönnamo. Wanaadiiñe ya’deme’cä; quee cönä’döaacä ñäädä amoode öwwä.