CODOOSENSE 2:2 - Wanaadi A'deddu

² Tötö’tajäätödööcomo jäcä yä’jädu’tä’seiñe wa, äänönge töwä’jummancädäiñe. Chäwwäiñe yeejamö’se wa ecamjödö chäänöngato, yää towaanojo’ne weiñawä töweiye naichö. Quidiito dhowaanäcäiñe yei’she wa dea, ñäädä Wanaadi woije jenaadä owaanäcä’da cönä’ja’dö.

CODOOSENSE 2:2 ပူးပေါင်းရင်းမြစ်များ

MATEO 11:25

Yääje mma yaawä Jesuuquidiito cönä’döaacä: —Ta’cwaiñe wäänene äjääcä Jaaja, amäädä caju Edhaajä, nono Edhaajä mmaja, edä anaawanaanö’ca’da awei’jödö weijäcä towaanojo’na’como wwä, töseedujä’na’como wwä mmaja. Mudeeshi’chä nönga’como wwä mmaane mawaananö’cane.

MATEO 11:27

Yääje mma yaawä Jesuuquidiito cönä’döaacä soto wwäiñe: —Jaaja cuntui öwwä cajiichaanaje weichojo. Anejja owaanäcä’da na Iiñedö; Yuumö mmaane dhowaanäcä. Yuumö owaanäcä’da mmaja; Iiñedo mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö.

MATEO 13:11

Töwö cöneccujä’a’to: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Chäwwäiñe mmaane etaatojo ’je’da na.

DUUCA 1:1

Jooje anejjacoomo cönoonejaicho wätunnä imennädö, yää ñaa antawä cöneeja’dätäichö jäcä.

JUAN 10:30

Öwö mmaja, Jaaja mmaja, ñäädä dea ñaa; quee cönä’döaacä Jesuuquidiito.

JUAN 10:38

Dha’da Jaaja nödöödö nönge mmaja öwwä tödööa’jäcä önnödööne ecaanö’jai maato, öwö ya’deddu aneecamjö’da aweichaameiñe. Mädääje odhoowanääcäiñe eijai ña Jaaja yaaca yeichö, öwö dhaca weichö mmaja; quee cönä’döaacä Jesuuquidiito chäwwäiñe.

JUAN 16:15

Tameedä Jaaja wwono öwwonooje mmaja na dea; yääje yeijäcä yääje wä’döaanä: Öwwono wu’a’de Epíiditu Santo wwä, yää äwwäiñe töwö neneeja’de; quee wä’döannö.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 5:17

Yaawä Jesuuquidiito cönä’döaacä chäwwäiñe: —Yääje yeichaame Jaaja tönnöe dea; öwö mmaja tödöödöje dea eijai wa; quee.

JUAN 5:23

Yääje yeijäcä tameedä soto tönoiñe eneejai ñaato ñäädä Iiñedö, Yuumö nontädö wa’cä mmaja. Ñäädä Iiñedö ñontäneijönö Yuumö onnontä’da mmaja na dea, ñäädä Iiñedö anontänei’jödö.

JUAN 6:69

Ñaa maneecanö’a; ñaa owaanäcä na Äwaanacaaneije aweichö, Wanaadi nudooto nnedööje aweichö; quee cönä’döaacä Simón Peedhodo Jesuuquidiito wwä.

DOSECHO 4:32

Tameedä ñanno ecaanö’nnamo aata’deucwe töweiye cönä’ja’to, tooni chö’tajäätödööcomo cönä’ja’dea. Tönnödööcomo töjääcäjeene töwwoncomooje ane’tä’da cönä’ja’to; tameedäädotoojeene tönnöe cönä’ja’to.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

DOMAANO 2:4

¿Aashicha Wanaadi weichö ca michiiñeme’canä’, ocoone’nadiiyö tönshinchä yeichö mmaja? ¿Mädä tönshinchä yeichö ätö’tajäätödö sha’duminchatoojoje yeichö äntö’tammecö’da ca manä?

1 CODINTIYO 14:31

Mädääje awaadäiñe tooni nshai ecammajä’jai maato, änwanno Wanaadi nutuudu woije ecammajä’nnamo, tameedäädääne moowanoomatäiye, mä’jädu’tätäiyede.

1 CODINTIYO 2:12

Cönwanno cöwwäiñe cönä’tui edä nono de’wonoojönö tö’tajo’tojo, Epíiditu Santoone, ñäädä Wanaadi dö’sennoto we’ajä. Ñäädä Epíiditu Santo cöwwäiñe cönä’tui Wanaadi nutuudu aashichaato cöwwäiñe naadö cowaanäcäiñe yeichö wetä.

CAADATA 3:28

Quidiito jadä weiñä töweiye nai judhíoje’da, quidiiyeecoje’da mmaja, tädhaajäque weiñä ’je’da mmaja, töwö daja weiñä ’je’da mmaja; wodiije weiñä a’que mmaja, dhanwaaje weiñä a’que mmaja. Jesuuquidiito jadä äwä’dödööcomo que tameedä änwanno äänöngeiñe maato.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

EUJEESIYO 3:16

Wanaadi wwä we’ca’a töwwä aashichaato naadö que odo’tadööcomo wejäädu’totoojo Epíiditu Santo ai, ñäädä Wanaadi jonnoto we’ajä.

EUJEESIYO 3:3

Töwö Wanaadi öwwä cöneenejoi yää owaanojöönö’jödö, chääjäcä joojede’da’cä wimennäichö.

JIDIIPENSE 2:1

Yääje yeijäcä, Quidiito äjäädu’tätäiñe yeiya’jäcä, töwö inchudu wä’jummanä awa’dätäiñe yeiya’jäcä mmaja, Epíiditu Santo ’je aweiya’comjäcä mmaja, tujunne äneetä aweiya’comjäcä, wentumje äneetä mmaja,

JIDIIPENSE 3:8

Tameedäädä töja’emje yeichö wichö’tamme’ne Yeedhajä Jeduuquidiito yoowanääcä tödöödö jäcäinchädä, yää aashichaato jaiñoone. Quidiito junnei tameedä yää wöja’ne, chääta’jödö nönge na eduuwa öwwä, Quidiito chaana’cadö wetä öwwä,

CODOOSENSE 1:26

ecaademeecödö wetä mmaja yää owaanojöönö’jödö, yaajäntä’jödö jonnoto’jödöödä tacaade’da töweiye cönä’ja’dö. Eduuwaane töwö Wanaadi yää owaanojöönö’jödö cöneecadeeme’joi tösootoi wwäiñe.

CODOOSENSE 1:27

Töwö tösootoi wwäiñe ecaademe’jo’se cönä’jaacä joojato aashichaato tönnödö judhíojöncomo jäcäiñe. Edä yää owaanojöönö’jödö wecammaadö: Quidiito ataacaiñe yeichö. Yää na aashichaato äwwäiñe töweiyemö onwomo’to’comooje.

CODOOSENSE 1:9

Yääje yeijäcä yääje aweichöcoomo ñaa wwä eta’jödö jonnoto’jödöödä Wanaadi wwä äjääcäiñe töwa’deuwödö ane’nomja’da ñaa na. Töne’ca’e ñaa weneene Wanaadi woijato odhoowanääcäiñe yeichojo, Wanaadi nödöödö jäcä tösejjeque aweicho’como mmaja, towaanojo’ne aweicho’como mmaja.

CODOOSENSE 2:19

Ñäädä yääjato Quidiito jadä’da na, ñäädä iju’jäje naadö. Töwö Quidiito chääjö ju’jäje töweijäcä tameedä chääjö natö’nä’ja ewanshinchädö que; töwö dea chääjö nejoodöja chu’nädööcomo ai, Wanaadi nijummadö woije.

CODOOSENSE 3:14

Tameedä mädä de’wä mmaja jeene töwä’jummaane eichäcä. Yää wä’jummanä na tameedä chäänönge ejoodöjoojä’neije.

CODOOSENSE 4:3

Ñaa jäcä mmaja chäwwä adha’deutäcä, ñaa wwä ta’deddu ecammajo’tojo Cajiichaana äntuiye, Quidiito jäcä owaanojöönö’jödö ñaa wwä ecammajo’tojo äntuiyede, yää chääjäcäinchädä jedeesoje waadö.

CODOOSENSE 4:8

Yääje yeijäcä adöiñaiñe wanonta, odhoowanääcäiñe yeichö wetä sadä weichö, äjäädu’täneichomooje mmaja.

1 TEESADOONISENSE 1:5

Ñaa wwä aashichaato wätunnä ecammajä’a’jäcä äwwäiñe, ecammajäätödö que mma’da ñaa cöneecammajäätöi, Epíiditu Santo jäduudu que mmajaane, chäänönge yeichö ñaa owaanäcä yeiyancädä mmaja. Odhoowanääcäiñe na äjääcäinchädäiñe aashicha adhantawäiñe ñaa wei’jödö.

1 TEESADOONISENSE 3:2

Adöiñaiñe ñaa cönaanontäi töweichacoono Tiimoteo. Töwö na Wanaadi anoonöje, ñaa jadoono wetaadawa’cajoodö Quidiito wätunnäi aashichaato ecammajäätödö jäcä. Yääje yeijäcä ñaa cönaanontäi adöiñaiñe, äjäädu’täneichomooje, äwäätuujaneichomooje mmaja ecamjödö jäcä,

1 TEESADOONISENSE 5:14

Jimmä, edääje mmaja ñaa äwäätuujaato dea: Yootuujatääcä ñanno töquiiña’como. Wentumja’como tö’tajäätödö ya’dätääcä; jäduujemjöncomo i’wa’tätääcä. Äätömaacoije’da eichäcä tameedä soto jäcäiñe.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

EEWEDEO 10:22

Yääje yeijäcä Wanaadi wwadäädä cöötätäiye chäänönge cötö’tajäätödööcomo yeiyancädä, chäänönge ecaanö’ancädä mmaja, conemjönö jonno cötö’tajäätödööcomo chocca’jödö weijäcä chäwwä, cäjööcomo chocca’jödö weijäcä mmaja tuna aashichaato que.

EEWEDEO 6:11

Mädääje dea tameedä aweichonse ñaa na, yaatameedö jonaane, chäänönge äwwäiñe yä’dödö wa’cä yää onwomoocödööcomooje naadö.

2 PEEDHODO 1:10

Yääje yeijäcä jimmä, jooje’cä jeene ä’jädu’tätääcä, chäänönge odhoowanääcäiñe yeichö wetä Wanaadi na’dejjadööje aweichöcoomo, ñe’ta’jödööje aweichöcoomo mmaja. Yää tödööa’jäcä äwwäiñe shaadijaamö’da eijai maato yeichöje.

2 PEEDHODO 1:3

Töwö Wanaadi töjäädudu que cöwwäiñe cuntui tameedä aashicha cöweicho’comooje tujunnato, tameedä töwoije cöweicho’comooje mmaja. Töwö mädä cönnöi ca’dejjaneichomo’jödö cöwwäiñe ecaademeecödö que, ñäädä aashicha töweichö woije ca’dejjatäänedö, jäduuje töweichö woije mmaja.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.

1 JUAN 3:19

Mädääje ene’ju’jai caato chäänöngato woije cöweichöcoomo, töjöiye’da cöweichöcoomo wetä Wanaadi owaadäädä.

1 JUAN 5:7

Aaduwaawä naato yää ecammannamo caju ña; ñanno naato Cumöötoncomo, ñäädä A’deu mmaja, Epíiditu Santo mmaja. Tönwanno naato tooni mma.