CODOOSENSE 1:28 - Wanaadi A'deddu

²⁸ Näädä Quidiito töneecammajä’e ñaa weneene. Tameedä soto töwätuujaiñe ñaa weneene dea, tönoowanoomaiñe mmaja, chäänönge chäwwäiñe etaadö wetä, tameedä chäänönge yeichöcoomo wetä mmaja Quidiito jadä.

CODOOSENSE 1:28 ပူးပေါင်းရင်းမြစ်များ

MATEO 28:20

Owaanomaatäcä’de tameedä äwwäiñe manaanontätäänedö tödöödö jäcä. Öwö ajaadäiñe wa’de yeichöödäje, anooto wataamedö jonaane; quee cönä’döaacä Jesuuquidiito. Amén.

MATEO 3:7

Yaawä töwwä wautisaaje ä’döjo jooje jaadiseeo weejödööcomo eneea’jäcä Juan wwä, jooje saadhuseeo mmaja, töwö cönä’döaacä chäwwäiñe: —Äcääyu nönga’como änwanno. ¿Änääcö äwäätuujatääne awääwanaacadööcomo wetä conemjönö weejödö owaajo?

MATEO 5:48

Aashichaane eichäcä, Oomotoncomo caju ñano aashicha naadöje mmaja.

MAADOCO 6:34

Cudiiyada acanno Jesuuquidiito wä’ta’jäcä töwö cöneedantoicho ñanno jooja’como soto. Wentumje cöneene’ma’to, oweeja tädhaajäquemjöncomo nönge yeichomjäcä. Yaawä töwö cönoowanooma’to numa.

DUUCA 21:15

Öwööne wu’a’de äwwäiñe awa’deuto’como, asejjedööcomo mmaja, tameedä ätu’de’tännamo wwäiñe ä’cana’cajo’da aweicho’como. Tönwanno eccujo’tojo ’je’da naato’de yaawä.

DOSECHO 10:36

Töwö Wanaadi Isadaaeeda atöödö wwäiñe cöneecammai yää Jesuuquidiito ecamjödö que täncanoode’da weichojo, ñäädä tameedä Ädhaajäje naadö.

DOSECHO 11:20

Dhantawäiñe cönä’ja’to anejjacoomo Chiipede ñancomo, Sideene ñancomo mmaja. Ñanno Antiyooquía ña töwä’döa’comjäcä judhíojöncomo wwä mmaja cöneecammajäätöicho aashichaato wätunnä Cajiichaana Jesuuquidiito jäcoono.

DOSECHO 13:38

Änwanno jimmä, odhoowanääcäiñe tödöötäcä ñäädä Wanaadi nadonca’jödö eetö joi ocoone’nadiiyöcoomo encwanno’jotoojo wätääcammadö.

DOSECHO 17:18

Yäätä cönä’ja’to anejjacoomo eepicuudeo wätunnäichomo jäconcomo woowanoomadö, etoico wätunnäichomo jäconcomo woowanoomadö mmaja. Ñanno cöna’deuwa’to Paudo jadä. Dhantai cönä’döa’to: —¿Aaquene nä’döaanä määdhä töwentaame’cato? quee. Anejjacoomo ’quene cönä’döa’to: —Töwö necammajä’a anejjeja’como wanaadi jäcä; quee cönä’döa’to. Tönwanno yääje cönä’döa’to Jesuuquidiito jäcä Paudo wwä ecammajäätödö e’nei, töwäämaajo jonno waadoncanä jäcä ecammajäätödö e’nei mmaja.

DOSECHO 17:3

Wanaadi a’deddu imennaajä jäcä ecammajä’ancädä töwö cöneecammajä’acä chäwwäiñe jenaado’jä jonnoto’jödöödä Quidiito wäntunaanö’tojo dea yei’jödö, töwäämaajo jonno yaadoncatoojo mmaja. Töwö töwä’döe cönä’jaacä chäwwäiñe: —Ñäädä dea Jesuuquidiito, äwwäiñe töneecammajä’e wääneneedö, Äwaanacaaneije na; quee Paudo töwä’döe cönä’jaacä.

DOSECHO 20:31

Yääje yeijäcä äädai’chätääcä. Odhoowanääcäiñe aaduwaawä wedu ajaadäiñe weichö wadaadäädä waamodö que äwäätuujatäiñe wei’jödö ano, coijai mmaja.

DOSECHO 3:20

Töwö äwwadäädäiñe nanonta’de Jesuuquidiito, ñäädä Äwaanacaanei, jenaadä äwwadäädäiñe töwe’emööje e’taajä cönä’ja’dö.

DOSECHO 5:42

Tönwanno ane’nomja’da cöneiya’to anooto waadäi Jesuuquidiito jäcä ecammajäätödö, chääjäcä soto owaanomaadöcoomo mmaja Wanaadi weichojo taca, immaichomo waadäi mmaja.

DOSECHO 8:35

Yaawä Wanaadi a’deddu imennaajä ñäädä na’de’tä’jödö jäcä Jediipe cönaajäntäi chäwwä ecammajäätödö Jesuuquidiito jäcä.

DOSECHO 8:5

Yaawä Jediipe, ñanno yäämecanta’como jimmotoncomo, cöntämä Samaadiya ñano jataaca. Iiña soto wwäiñe Jesuuquidiito jäcä cöneecammajä’acä.

DOSECHO 9:20

Yaawä we’jummatoojo waadäi Saudo cönaajäntäi Wanaadi nnedööje Jesuuquidiito weichö ecammajäätödö.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

1 CODINTIYO 1:23

Yääje yeichaame ñaa töneecammajä’e weneene Quidiito, ñäädä cuduusa jäcoono wääma’jödö. Yää ecammajäätödö na judhío cone’da yä’döjooto’comooje, judhíojöncomo wwäiñe ’quene na i’jeta’jödö nönge.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

1 CODINTIYO 12:8

Anejja wwä Epíiditu Santo ai Wanaadi nu’a tösejjeque ya’deutojo; anejja wwä ’quene Wanaadi nu’a towaanojo’ne ya’deutojo, ñäädä dea Epíiditu Santo ai.

1 CODINTIYO 15:12

Quidiito töwäämaajo jonno yaadonca’jödö töneecammajä’e ñaa weichaame ¿ane’que’nei yääje töwä’döe määnetääne änwanno dhantai: “Töwäämaajo jonno waadoncanä ’je’da na;” quee?

1 CODINTIYO 2:15

Ñäädä Epíiditu Santo ’jano mmaane tameedä töntö’tamme’que weneene, anejjacoomo äntö’tammecö’da yeichaame töwö yeichö.

1 CODINTIYO 2:6

Sejje que töneecammajä’e ñaa weichaame mma’ne, ñanno ecamjödö jäcä chäänönge yä’döa’como wwä mmaane. Yaawääne’, edä nono de’wono sejje que’daane töneecammajä’e ñaa weneene, edä nono de’woncomo cajiichaanacoomo sejjedö que’da mmaja, ñanno töwaatameemöje töweiyaamoje naatoodö.

1 CODINTIYO 4:14

Ajöichojooto’comooje’da mädä wimenna, äwäätuujato’comoojeene, önnacoomo umjummadööje aweijäcäiñe.

2 CODINTIYO 10:14

Yääje yeijäcä mänseedä deja’da ñaa na’deuwa, adöiñaiñe tä’da ñaa wei’jödööjönö. Ñaa dajaane awa’deene ñaa cönä’döi adöiñaiñe Quidiito wätunnäi aashichaato dha’me.

2 CODINTIYO 11:2

Öwö Wanaadi nutuudu que mani’ñeimmaato. Quidiito wwä maneecammatääne chääjadoonoje aweichöcoomo wetä, tooniño dhanwa wwä ajei’choto’jaato ecammadö töweiye naichöje.

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

EUJEESIYO 5:27

Yaawä töwö Quidiito towaadäädä quedeiyentecoomo nödööaato’de aashicha yeichöcoomo ’je, conemjönö ’je’da mmaja, chäänöngemjönö ’je’da mmaja, tameedä yää nöngato ’je’da mmaja, tösoomaiñeene, chäänöngeiñe mmaja.

CODOOSENSE 1:22

Quidiito wäämadö que, yaawä sotooje cönä’ja’dawä cönäämaichö. Töwö Wanaadi mädääje ayöödötääne töwwonooje aweichöcoomo wetä, tösoomaiñe, conemjönö ’je’da mmaja, täcammajä’aamoje’da mmaja.

CODOOSENSE 2:10

Änwanno äwwäiñe chäänönge aweicho’como töweiye na Quidiito jadä aweichomjäcä. Töwö na tameedä jäduuja’como e’jodhe, cajiichaanacoomo e’jodhe mmaja, ñanno amoode.

CODOOSENSE 2:3

Quidiito ñäädä tameedä sejje edhaajä, towaanojo’ne weiñä edhaajä mmaja.

CODOOSENSE 3:16

Ätö’tajäätödööcomo acaadä Quidiito a’deddu tödöötäcä; yäätä ejannä’catääcä. Ajimmotoncomo owaanomaatäcä, yäätuujatääcäde tameedä asejjedööcomo que. Adheewanööcomo jäcä aashicha Wanaadi jäcä ätö’tajä’ancädäiñe adheecanta’ñätääcä saadomo jäcä, anejja wecanta’ñotoojo jäcä mmaja, ätö’tajäätödööcomo ai mmaja.

CODOOSENSE 4:12

Epaujada mmaja ta’deujödö nadääja dea, ñäädä Quidiito anoonö, ajimmotoncomo dea. Töwö weiñäje Wanaadi wwä töwa’deuwe weneene äjääcäiñe, ejääduqueejö’da aweichöcoomo wetä, chäänönge aweichöcoomo wetä mmaja, tameedä Wanaadi waanontädö tödööcoije aweichöcoomo wetä mmaja.

1 TEESADOONISENSE 4:6

Anejja conemjönö ännöi’che töweichacoono jiñamo jäcä. Cädhaajotoncomo nimaamincha’de tameedä yää nöngato conemjönö tödöönei. Mädääje dea töneecammajä’e ñaa töweiye cönä’jaacä äwwäiñe, äwäätuujadööcomooje.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

1 TIIMOTEO 3:2

Yääje yeijäcä ñäädä ansiyaano aashicha eijai ña, täcammajä’emööje’da töweichö wetä. Tooni mma ijiiñamo eijai ña; wataasheje’da’da mmaja töwö eijai ña dea, acu’shämje mmaja, dhanwaaje mmaja. Tödöiñano wä’döaajä aashicha tödööjai ña töwö. Dhowaanäcä eijai ña soto owaanomaadöcoomo.

EEWEDEO 10:14

Tooniye töwä’tudu que töwö Jesuuquidiito yeichöödäje chäänönge cönnöicho ñanno shooma’como.

EEWEDEO 13:21

Töwö Wanaadi chäänönge ayöödöaato, aashicha ayöödöaato dea tameedä aweichöcoomo jäcä, tumjummadö woije tödönnamooje aweichöcoomo wetä yaawä. Töwö Wanaadi Jesuuquidiito ni’wa’tädö que cödööato tumjummadö woije. Ñäädä Jesuuquidiito aashicha wa’deuto’me na yeichöödäje. Amén.

2 PEEDHODO 3:15

Odhoowanääcäiñe tödöötäcä cöwääwanaacato’comooje yeichö mädä Cädhaajotoncomo Jesuuquidiito wwä cönshinchädööcomo. Mädääje dea cöjimmotoncomo tujunnato Paudo cömmennäi äwwadäädäiñe, Wanaadi nutuudu tösejjedö woije.