CODOOSENSE 1:10 - Wanaadi A'deddu

¹⁰ Cajiichaana sotoi weichö nönge aweicho’como mmaja töne’ca’e ñaa weneene dea, imjummadö äwwäiñe tödöötojo mmaja, aashichaato ännödööcomo wejantojo mmaja, jooje’cä jeene Wanaadi odhoowanääcäiñe yä’dötoojo mmaja.

CODOOSENSE 1:10 ပူးပေါင်းရင်းမြစ်များ

JUAN 15:16

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

JUAN 15:8

Ännödööcomo wejanga’jäcä aashicha Jaaja weichö eneejojai maato; yaawä sootoi chäänönga’comooje äänejoojai maato.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

DOMAANO 1:13

Jimmä, edääje wä’dö’se wa äwwäiñe: Weiñäje adöiñaiñe öötä’se töweiye wä’jaaquennö’je, yaawääne’ eduuwa naadö jona tödööene täjai’cha töweiye wä’jaaquene. Adöiñaiñe öötä’se wäänene adhantawäiñe quedeiyenteje neewaacadö töweiye yei’she weijäcä, aneiñaja quedeiyenteje önnödö töweiye naadöje mmaja.

DOMAANO 4:12

Ñanno siicunsidaadoja’como adaichöje mmaja Aawadán weichaame mma’ne, ñanno tujuunucoomo jäcä siicunsidaadoja’como mmajöönööne, Wanaadi a’deddu ecaanö’nnamo deaane, siicunsidaadoje ä’dö’dadä cadai’choncomo Aawadán necamjo’jödö nönge ecaanö’nnamo.

DOMAANO 6:4

Wautisaaje cöwä’dödööcomo que Quidiito wääwaaca’jödö nönge mmaja cääwaacatääne dea; töwääma cä’ja’quene yaawä. Yaawä töwö Tumö jäduudu aashichaato woije töwäämaajo jonno cönaadoncai. Chääjadoonoje cöweijäcäiñe cönwanno mmaja caadoncatääne dea yaawä, eduuwaatoje cöweichöcoomo wetä.

2 CODINTIYO 2:14

Aashicha tä’tämje Wanaadi ña; töwö Jesuuquidiito ai ñaa e’se’tätä weneene, ñaa wwä e’jodheinchadö wetä. Ñaa ai töwö Wanaadi aashichaato wätunnä nemeecanta tameedä yeichö wa’cä, juu shimi’jotoojo jodö töweiye naichöje.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

2 CODINTIYO 5:9

Yääje yeijäcä Cajiichaana Jesuuquidiito a’cwaimadö encano’täjai caato, nudä cöweiya’comjäcä, töwääma cöweiya’comjäcä jeiñe mma.

2 CODINTIYO 9:8

Wanaadi tameedä aashichaato u’jai ña äwwäiñe, ewontancädä’da; yaawä chääwa’cä äwwäiñe na’de äwwäiñe tujunnato; chääwa’cä mmaja na’dede aashichaato tödööemööje.

EUJEESIYO 1:17

Wanaadi nödöödö jäcä asejjetaato’como töne’ca’e wäänene Cädhaajotoncomo Jesuuquidiito wwä. Tameedä Wanaadi nödöödö tö’tamme’tojo töne’ca’e wäänene dea; yaawä aashicha’cä jeene Wanaadi odhoowanääcäiñe eijai ña.

EUJEESIYO 2:10

Cönwanno caato Wanaadi nödöödöje; Jesuuquidiito jadä cöwä’dödööcomo que töwö cödöötäne aashichaato tödönnamooje, jenaadä töwö cöntö’tammecöichöje dea.

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

EUJEESIYO 4:13

Mädääje tameedä cönwanno äänönge ä’döjai caato cöneecamjödööcomo jäcä, Wanaadi nnedö cowaanäcäiñe cöweichöcoomo jäcä mmaja. Yaawä chäänönge yä’döaajä töweiye naichöje eijai caato, chäänönge Quidiito weichö nönge mmaja aatö’näjai caato dea.

EUJEESIYO 5:10

Äwwäiñe Cajiichaana a’cwaimatoojo jäcä oowanoomatääcä.

EUJEESIYO 5:15

Yääje yeijäcä odhoowadäädäiñe eichäcä aweichöcoomo jäcä; towaanojo’nemjöncomo nönge’da eichäcä, towaanojo’na’como nöngeene.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

JIDIIPENSE 1:11

Mädääje Jesuuquidiito ni’wa’tädö que aashichaato tödöödö ’je eijai maato. Yaawä tacaade eijai ña aashicha Wanaadi weichö; aashicha soto a’deujai ñaato yaawä chääjäcä.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

JIDIIPENSE 4:18

Chääwa’cä öwwä na yää änne’jo’jocoomo, ye’jodhe deja. Tameedä öwwä tujunnato töweiye na Epaujodiito wwä mene’jotäänedö que. Yää na juu shimi’jotoojo yau’cwaajä jodö töweiye naichö wa’cä, caado, saaquidiijiisiyo Wanaadi wacöötö töweiye naichöje mmaja.

CODOOSENSE 2:19

Ñäädä yääjato Quidiito jadä’da na, ñäädä iju’jäje naadö. Töwö Quidiito chääjö ju’jäje töweijäcä tameedä chääjö natö’nä’ja ewanshinchädö que; töwö dea chääjö nejoodöja chu’nädööcomo ai, Wanaadi nijummadö woije.

CODOOSENSE 2:6

Yääje yeijäcä Cajiichaana Jesuuquidiito mecaanö’täneedöje dea chääjadäädä eichäcä.

CODOOSENSE 3:20

Änwanno mudeeshi’chä, oomotoncomo woije eichäcä, aanötoncomo woije mmaja, ya’deuwödööcomo waadäi; yääje weiñä Cajiichaana wacö’je na.

CODOOSENSE 4:5

Odhoowadäädäiñe eichäcä quedeiyentejöncomo jadä aweichawäiñe. Anooto mma mämmacuudätäi’che.

1 TEESADOONISENSE 2:12

Edääje äwäätuujatäiñe ñaa cönä’jaacä: “Wanaadi sotoi weichö nönge deaane eichäcä, ñäädä tösootoije adhe’täneichomo’jödö, aashicha töweichö enennamooje adhe’täneichomo’jödö mmaja;” quee töwä’döe ñaa cönä’jaacä äwwäiñe.

1 TEESADOONISENSE 4:1

Änwanno jimmä, edääje äwwäiñe töwä’dö’se ñaa na, äwäätuujadööcomooje, Cädhaajotoncomo Jesuuquidiito eetö joi: Ñaa odhoowanoomatääne Wanaadi wacö’je weiñä jäcä, mädä maatoodö. Yääje yeichaame jooje’cä jeene mädä tödööjo’se ñaa na äwwäiñe.

2 TIIMOTEO 2:4

Ñäädä töweewänä’täämö anejja dödö jäcä ääjönca’da töweiye nai, töweewänä’täämöje täwaacanei’jödö nanontädö tödööcoije töweichö wetä.

TIITO 3:1

Quedeiyente chö’tamme’jocooto acu’shäna woije yeichöcoomo wetä, cajiichaanacoomo woijeiñe mmaja, ñaanontädööcomo woije yeichöcoomo wetä, tameedä aashichaato tödööemö tödö’se yeichöcoomo wetä mmaja.

TIITO 3:14

Quedeiyentecoomo näämu’ca’ña’to aashichaato tödöödö jäcä, a’ca’como i’wa’tädööcomo jäcä mmaja, tödööneije’da mma ei’ñoto.

EEWEDEO 11:5

Ecamjödö que mmaja ääma’da Enooco cönaatadoojoi anejja töweichojo ña; a’que soto cunuujicho yaawä Wanaadi wwä adä’jödö weijäcä. Wanaadi a’deddu imennaajä chääcadö necamma töwaatadoojodö jonaane Wanaadi a’cwaima’jödö chäwwä.

EEWEDEO 13:16

Aashichaato tödöödöje dea eichäcä; äwwäiñe naadö que anejjacoomo i’wa’tätääcä. Mädääjato saaquidiijiisiyo Wanaadi wacö’je na.

EEWEDEO 13:21

Töwö Wanaadi chäänönge ayöödöaato, aashicha ayöödöaato dea tameedä aweichöcoomo jäcä, tumjummadö woije tödönnamooje aweichöcoomo wetä yaawä. Töwö Wanaadi Jesuuquidiito ni’wa’tädö que cödööato tumjummadö woije. Ñäädä Jesuuquidiito aashicha wa’deuto’me na yeichöödäje. Amén.

2 PEEDHODO 1:8

Tameedä mädoocomo äwwäiñe yeiya’jäcä, äjääcäiñe yeejanga’jäcä mmaja, töwäädämma’da aweichöcoomo na’de, aweicho’me’da’da mmaja na’dede mädä Jesuuquidiito odhoowanääcäiñe naadö.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.

1 JUAN 3:22

Tameedä cöne’catäädöcoomo töwö u’jai ña yaawä, ñaanontä’jödö tönnöe cöweijäcäiñe, yaacötö tönnöe cöweijäcäiñe mmaja.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

3 JUAN 1:6

Eetä, quedeiyente we’jumma’como netaadöcoomoje tönwanno adheecammajä’neto wä’jummanä ’je aweichö. Chäänönge i’wa’täjaiñe ma ecammajä’e iichädööcomo jäcä, Wanaadi wwä tödöödö töweiye naichöje dea.