APOOCADIISI 9:21 - Wanaadi A'deddu

²¹ Tötö’tajäätödööcomo änsa’dumincha’da cöneiya’to dea soto töneema töweichöcoomo jonno, tö’waichöcoomo jonno mmaja, tömaasuduichadööcomo jonno mmaja, tämeene töweichöcoomo jonno mmaja.

APOOCADIISI 9:21 ပူးပေါင်းရင်းမြစ်များ

MATEO 15:19

Soto tö’tajäätödö acaano weja’caajääne conemjönö weiyajä, yää cone’da tö’tajä’nä, soto emaadö mmaja, anejja jiñamo ajoojodö mmaja, masuuduichanä mmaja, wemeenönnä mmaja, jönaawä soto ementädö mmaja, wätunnä dha’me weiñä mmaja.

2 CODINTIYO 12:21

Adöiñaiñe ööta’jäcä Wanaadi odhoowadäädäiñe cone’da yöödöjoojai chö’tadö na, aamojai tö’ta yaawä ñanno jenaadä conemjönö tödöödö jäcä cönaajäntoichodö jäcä, töcoone’nadiiyöcoomo ane’nomja’da yeichomjäcä, yää masuuduije yeichöcoomo.

CAADATA 5:20

chu’taajä jummadö mmaja, jöwaije weiñä mmaja, wä’tu’de’tänä mmaja, wata’deutänä mmaja, wätö’neimmanä mmaja, äätömaacoije weiñä mmaja, töwö mma töwei’she weiñä mmaja, ootowoije’da weiñä mmaja, aata’deucone’da weiñä mmaja,

APOOCADIISI 13:13

Töwö adai’jä ene’ju’tojo cönnöaacä, caju ñanno wa’to tönne’jo’jödöödä nono de’cäi, soto neneedöcoomoje.

APOOCADIISI 13:15

Ñäädä odoocojaato wwä u’ajä cönä’jaacä awa’deeto odoocojaato cu’taajä nudä tödöötojo, a’deudeme’jotoojo mmaja, änwa’deme’jöncomo töja’to’como mmaja.

APOOCADIISI 13:7

Chäwwä u’ajä cönä’jaacä Wanaadi sotoi jadäiñe yeewänä’totoojo, e’jodheinchato’como mmaja. Chäwwä u’ajä cönä’ja’dea tameedä soto weichöcoomo cajiichaanaichomooje yeichojo, ñanno tameedä jata waadoinchomo, aata’deucwemjöncomo mmaja, tameedä nono weichö waadoinchomo.

APOOCADIISI 14:8

Anejja amoode daja inchäcä cönta’dea; cönä’döaacä: —Nataamei, Waawidooniya ñano nataamei, yää jata tacaadato. Töwö tameedä soto wä’dacuuducoomo wetä chäwwäiñe tönemjo cönä’jaacä töneejodöödö chääjedöödö eccudu, yää jooje imaasuduichadö cu’tädö; quee cönä’döaacä ñäädä amoode.

APOOCADIISI 16:6

Tönwanno osootoi cömjajoicho, adha’deddu ecammajä’nnamo mmaja. Yääje yeijäcä munu mmaja chäwwäiñe memjoi eduuwa. Chäänönge mejeemaicho; quee cönä’döaacä ñäädä amoode.

APOOCADIISI 17:2

Ñäädä jadä edä nono de’woncomo cajiichaanacoomo cömmasuuduichaicho. Edä nono de’woncomo soto cönä’dacuicho chääjedöödö eccudu inchudu que, yää imaasuduichadö cu’tädö; quee cönä’döaacä ñäädä amoode öwwä.

APOOCADIISI 17:4

Ñäädä wodi cönä’jaacä jiyeichä eccuduujato awä, seweichato awä mmaja. Töwö töwensoma’tä cönä’jaacä oodo que, yaamante que mmaja, mayuudu que mmaja. Chänwawä cönä’jaacä cancudu, oodo döaajä. Yää cancudu tu’que cönä’jaacä, choone’nadiiyö cu’tädööje, imaasuduichadö cu’tädööje mmaja.

APOOCADIISI 17:5

Ijaawä chäätö imennaajä cönä’jaacä, owaanojöönö. Edääje cönä’jaacä: “Waawidooniya ñano tacaadato, masuuduija’como dhenö, tameedä nono de’wono conemjönö edhaajä;” quee chäätö cönä’jaacä.

APOOCADIISI 18:3

Tameedä sotoocomo ñeejodöödö que cönä’dacuicho, yää chääjedöödö eccudu. Yää cönä’jaacä imaasuduichadö cu’tädö. Edä nono de’woncomo cajiichaanacoomo chääjadä cömmasuuduichaicho. Edä nono de’woncomo töwäätätöijaamo cöninshomaatajäätöicho iiñödö joojato que; quee cönä’döaacä ñäädä amoode jäduujato.

APOOCADIISI 19:2

chäänönge soto tönemmencaiñe yeijäcä. Töwö wodi nimaaminchai, ñäädä masuuduijato, tacaadato’jödö, ñäädä tömaasuduichö que nono de’woncomo cone’maneichomo’jödö. Töwö Wanaadi nijo’täi tanoonö jajo’jocoomo chäwwä; quee cönä’döa’to caju ñancomo.

APOOCADIISI 21:8

Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.

APOOCADIISI 22:15

Aneecanö’jöncomo mmaane jödo’na naato’de, jöwaiñamo mmaja, masuuduija’como mmaja, soto emannamo mmaja, chu’taajä ya’deme’nnamo mmaja, tameedä äncu’tännamo mmaja.

APOOCADIISI 9:20

Ñanno soto, yääcomo awä ä’ja’jöncomo’jödö, tötö’tajäätödööcomo änsa’dumincha’da dea cöneiya’to; aneetöma’da cöneiya’to dea conemjönö tönnödööcomo. Odo’shancomo wa’demeecödö mmaja ane’nomja’da cöneiya’to dea, chu’taajä wa’demeecödö mmaja, yää oodo döaajä, jödaata döaajä mmaja, sejaadadi döaajä mmaja, täju döaajä mmaja, dee döaajä mmaja; yää aneenejöönö, aneetajöönö mmaja, oojoimajöönö mmaja.