APOOCADIISI 8:5 - Wanaadi A'deddu

⁵ Yaawä ñäädä amoode juu shimi’jotoojo ewöötö cönannäjöi. Wa’to que cuntu’cannäjöi, yää saaquidiijiisiyo dötoojo de’wä cönä’ja’dö que. Cömje’moi yaawä nono de’cäi. Cöneetötöömai yaawä; cadeemedu cönäätai chea; cönäncucui chea; nono cönäätu’mei chea.

APOOCADIISI 8:5 ပူးပေါင်းရင်းမြစ်များ

MATEO 24:7

Sotoocomo newäänä’taato’de, acu’shänääcomo mmaja. Yaawä ämi ’je na’de, cädäi mmaja, nono wätu’medö mmaja, aneetaja’cäcäiñene’jödöödä.

DUUCA 12:49

“Wa’to nöngato emjannä we’ne edä nono de’cäi. Eduuwaane wätuudinchänääjeene yei’she wa.

DOSECHO 16:26

Yaawä jadheedä nono cönäätu’mei jooje, jedeeso ewöötö’tädö o’wadö tu’mejoone. Yaawä tameedä mönaatata cönaata’ducaajätöi, tameedä jedeesoja’como imööjä’a’como cöneesacaajätöi chea.

DOSECHO 4:31

Yää ’jeje töwa’deuwödööcomo jäcä töwä’ca’comjäcä conäätu’mei yaawä ye’jumma’como dö’tä. Tameedä tönwanno Epíiditu Santo jäduudu ’je cönä’döicho; tösaade’da Wanaadi a’deddu cöneecammajä’a’to.

APOOCADIISI 11:13

Yaawä dea mma nono cönäätu’mei jooje. Dhantai maa yää jataawono cönaata’dojoojätöi; 7,000 soto cönä’jajoicho yää nono wätu’medö canaadöje. Yaawä ñanno yä’ja’jöncomo’jödö cönääcatoncaicho jooje; Wanaadi caju ñano o’jodhaatoje cöne’ta’to yaawä.

APOOCADIISI 11:19

Yaawä Wanaadi weichojo cönaata’ducai caju ña. Yää jatuuwa, ñeecamma’jödö imennaajä ewöötö, cönääneaacä Wanaadi weichojo taca. Cönäncucui yaawä; cadeemedu cönäätai chea; cöneetötöömai chea. Nono cönäätu’mei yaawä; i’chajö adai’jocoomo cönä’mei chea.

APOOCADIISI 4:5

Yaawä Cajiichaana mudei acanno yäncucuudu cöneeja’caacä, yeetötöömadö mmaja, cadeemedu mmaja. Mude je’taca cönä’jaacä aacä amoojato adhaawa emjannäjä’ajä, ñanno aacä amoojato’como Epíiditu cu’tädö.

APOOCADIISI 6:12

Yaawä tooni amoojatooto ajoijo’jödö ajämjaca’jäcä Oweeja nnedö’cä wwä, weneeaqueene yaawä joojato nono wätu’medö. Shii cöntööjamöi yaawä, camiisha juduumato wa’cä; nuunä jenwaajä munuuje cönääneaacä.

APOOCADIISI 8:3

Anejja amoode daja cöneejä yaawä juu shimi’jotoojo tödau’cwaamö ewöötö dha’me, oodo döaajä. Cöneedennai yaawä saaquidiijiisiyo dötoojo dö’tä. Chäwwä cönä’tui yaawä jooje juu shimi’jotoojo tödau’cwaamö, chäwwä oimadö wetä tameedä Wanaadi sotoi chäwwä ya’deuwödööcomo jadä, tödöödö wetä yaawä saaquidiijiisiyo dötoojo de’wä, yää oodo döaajä, mude dö’tä cönä’ja’dö.