APOOCADIISI 7:9 - Wanaadi A'deddu

⁹ Yää ’jeje weneeaquento jooje soto, ime’cu’tädö e’jodhe jooje yeichöcoomo. Jiidi cönä’ja’to mude je’taca, Oweeja nnedö’cä je’taca. Ñanno soto cönä’jato tameedä nono weichö de’woncomo’jödö, tameedä soto weichöcoomo wa’cä, tameedä jata waadoinchomo’jödö, tameedä aata’deucwemjöncomo’jödö. Yoomöcoomo cönä’jaacä tajääde’deiñe; wasai adö dha’me cönä’jato.

APOOCADIISI 7:9 ပူးပေါင်းရင်းမြစ်များ

DUUCA 12:1

Yaawä jooje soto cöne’jummaicho yäätä, ime’cu’tädö e’jodhe, töwaatadiimajä’eene. Jesuuquidiito cönaajäntäi yaawä ñanno soto netaadöcoomoje töwa’deuwödö tönoowanoomadö wwäiñe. Töwö cönä’döaacä: —Äädai’chätääcä jaadiseeo nummannä’cato’como jäcä, yää yääjönö wa’cä töwäänejo weiñä.

DUUCA 21:36

Yaaje yeijäcä äädai’chätääcä yeichöje; Wanaadi wwä adha’deutäcä weiñäje, tameedä mädä töweeja’dä’emö jonno määwanaacatäiye’de, Soto nnedö je’taca mä’dötäiye’de; quee cönä’döaacä Jesuuquidiito chäwwäiñe.

JUAN 12:13

Tönwanno wasai adö cönaacä’jätöicho; yää dha’me Jesuuquidiito wwadäädä cöntonto, edääje töcä’tömjä’ancädäiñe: —Aashichaato ñäädä Wanaadi. Aashichaato määdhä Cädhaajotoncomo eetö joiño we’ajä. Aashichaato määdhä iisadaaediitacoomo Cajiichaanaichomo; quee cönä’döa’to.

DOMAANO 11:25

Änwanno jimmä, edä owaanojöönö’jödö odhoowanääcäiñe yei’she wa, o’jodhe ätö’tajäätödööcomo queiñe: Ñanno iisadaaediitacoomo dhantai cöntäijamöicho, ñanno judhíojöncomo Wanaadi sotoije töwä’döaamo yääwanaacadööcomo wa’cä mma.

EUJEESIYO 6:13

Yääje yeijäcä tameedä tödöötäcä Wanaadi nutuudu owoowontoto’como, conemjönö cu’nädaawä jäduuje meichäiye. Yaawä tameedä äwwäiñe tödööemö tödööa’jäcä, yäätäädä eijai maato.

EEWEDEO 11:12

Mädääje ñäädä Aawadán, äämajai täwä’dö’jödö weichaame, jooje dhatöödö cöneejamöicho, shidiichä naatoodö wa’cä, cashiishi töweiye naichodö wa’cä mmaja.

EEWEDEO 12:22

Siyon ’jödö wwadäädääne me’täne, Wanaadi jataacäi mmaja, yää caju ñano Jeduusadén ñanoi’chädö. Jooja’como amoode we’jumma’como wwadäädäiñe mmaja me’täne dea, ñanno Wanaadi jäcä aashicha töwa’deuwaamo,

APOOCADIISI 11:15

Yaawä aacä amoojatooto amoode töjaanau’cwai cöneetöi. Wa’deunä cönäätaacä yaawä caju ña, jooje. Edääje ya’deuwödööcomo cönäätaacä: Tameedä nono de’woncomo, ñanno cajiichaanacoomo sotoi, naato eduuwa Cädhaajotoncomo sotoije, dhanoonö Quidiito sotoije mmaja. Töwö Cajiichaanaje na’de yeichöödäje; quee cönäätaacä.

APOOCADIISI 22:3

A’que na’de cone’da täcammaamö. Yäätä na’de Wanaadi mudei, Oweeja nnedö’cä mudei mmaja; shootoi niya’deme’caato’de.

APOOCADIISI 3:18

Yääje yeijäcä edääje mänwätuuja: Öwwä ane’ca’cä oodo, wa’to que choonecaajä, äwwä töweiye yeichö wetä. Owoomö tajääde’dato mmaja ane’ca’cäde, aweewontotoojo, töwonque’da aweichö mma täne ei’ño, töjöiye mma mei’ño yaawä. Adheejichö mmaja ane’ca’cäde öwwä, adheenudu ejiichö’totoojo, töneene mä’döiye.

APOOCADIISI 4:4

Cajiichaana mudei awoodhecääcä cönä’jaacä anejja mude mmaja, tooni sotooto de’wä aacäichea. Yää de’wä shuucu weneeaquento tooni sotooto de’wä aacäichea inchoncomo, tajääde’dato awäiñe. Iju’jocoomo de’wä cönä’jaacä canaanadi, oodo döaajä.

APOOCADIISI 5:11

Wene’maaquene yaawä; jooja’como amoode a’dedducoomo wetaaquene, ñanno mude awoodhecääcä cönä’ja’todö, aacäicheea’como amoode’na’como awoodhecääcäiñe mmaja, inchoncomo awoodhecääcäiñe mmaja. Jooje cönä’ja’to ñanno amoode, wanna, ime’cu’tädööcomo cho’na’da.

APOOCADIISI 5:9

Edääje cöneecanta’ña’to; eduuwaato wecanta’ñotoojo jäcä: Ñäädä mma amäädä aashichaato, jajeeda eijaicho, ajoijo’jödö ajämjacaajaicho mmaja. Mädä tödööjai ma äwääma’jödö weijäcä, adhaaquiyö que Wanaadi sotoije ñaa ejeema’jödö weijäcä mmaja, tameedä soto weichöcoomo wa’cä, tameedä aata’deucwemjöncomo’jödö, tameedä jata weichö waadoinchomo’jödö, tameedä nono weichö de’woncomo’jödö.

APOOCADIISI 6:11

Yaawä chääwaadäiñe cönä’tui yoomöcoomo tajääde’da’como. Edääje cönäätäcammai chäwwäiñe: —Äädeetatääcä a’dhe, chääwa’cä ñanno ajimmotoncomo wä’jajoodöcoomo wa’cä, ñanno Quidiito sotoi, äwä’jajo’jocoomo nönge töwä’ja’aamo; quee chäwwäiñe cönäätäcammai.

APOOCADIISI 7:8

Saawudón weichö madaaca’ño’jocoomo cönä’ja’to amoojadooto de’wä aacä miide. José weichö madaaca’ño’jocoomo cönä’ja’to amoojadooto de’wä aacä miide. Wemjamín weichö madaaca’ño’jocoomo cönä’ja’to amoojadooto de’wä aacä miide. Yää wa’cä cönä’ja’to ñanno yä’madaaca’ño’jocoomo.