APOOCADIISI 7:17 - Wanaadi A'deddu

¹⁷ Oweeja nnedö’cä tädai’chäneichomooje yeijäcä, ñäädä mude dö’tä naadö. Töwö nadääaato’de acuuwena judu wwadäädä, yää weichojo tuna. Wanaadi nichocca’de yaawä tameedä chäänacuuducoomo; quee cönä’döaacä inchomo öwwä.

APOOCADIISI 7:17 ပူးပေါင်းရင်းမြစ်များ

MATEO 2:6

Yää Wedén ñano jata, Judhá nonoodö’jödö de’wono, she’caasa yeichaame edä nono de’wono jata antawäiñe, töquiiñeme’quemje’da na. Yäätä nennua’de Cajiichaana, sootoi edhaajotoncomooje töweiyemö, ñanno iisadaaediitacoomo; quee imennaajä na; quee cönä’döa’to Edoodhe sotoi.

MATEO 5:4

“Ta’cwaiñe eijai ñaato ñanno töwaamo’como; tönwanno nä’wa’däjaato’de.

JUAN 10:11

Öwö ñäädä oweeja edai’chäneichomo aashichaato. Edai’chänei aashichaato töweichö nu’a oweeja jäcäinchädäiñe.

JUAN 10:14

“Öwö ñäädä oweeja edai’chäneichomo aashichaato. Jaaja owaanäcä wa öwö; öwö mmaja Jaaja yoowanääcä na dea. Mädääje mmaja sootoi, ñanno oweeja nönga’como; yoowanääcä naato dea, öwö dhowaanäcäiñe mmaja wa dea. Chääjäcäinchädäiñe weichö wu’a’de.

JUAN 4:10

Yaawä Jesuuquidiito cöneccujä’acä: —Wanaadi nutuudu odhoowanääcä ei’jo, äwwä tuna ne’ca’aadö odhoowanääcä ei’jo mmaja, amäädääne e’catäädö meiya öwwä, öwö utuudu weiya yaawä äwwä weichojo tuna; quee cönä’döaacä Jesuuquidiito wodi wwä.

JUAN 4:11

Yaawä ñäädä wodi cönä’döaacä: —Tuna anöntojo ’je’da dajaane ma; sö’je mmaja mädä tuna weja’catoojo. ¿Äshannoto yää weichojo tuna manammödö deeade’ ?

JUAN 4:14

Öwö untudu ennei mmaane emjätö’se’da na’de yaawä yeichöje. Öwö untudu na’de tuna weja’catoojo nönge yo’taca, yeichöödäje yeichojooje; quee cönä’döaacä Jesuuquidiito.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

1 PEEDHODO 5:2

Edääje wä’dö’se wa äwwäiñe: Edai’chätääcä Wanaadi sotoi, äwwäiñe ñeedai’chojoodö, oweeja edai’chänei täcöönö töneedai’chä töweiye naichöje. Owoijeiñe’da’da edai’chätääcä, owoijeiñeene, Wanaadi nijummadö woije; ane’cä’cä cana’cadö wetä’da mmaja, tödö’se aweichöcoomo que mmädääne.

APOOCADIISI 14:4

Ñanno naato masuuduijemjöncomo’jödö, wodi jadä eijöncomo’jödö. Tönwanno nötaato Oweeja nnedö’cä jadä, iichotoojo waadäi. Yääwanaaca’como tönwanno soto antawonnoiñe, awa’deena’como Wanaadi sotoije eiya’como, Oweeja nnedö’cä sotoije eiya’como mmaja.

APOOCADIISI 21:22

Wanaadi weichojo amääajä ’je’da weneeaqueene yää jata, ñäädä Cajiichaana Wanaadi jäduujato maaje yeijäcä, Oweeja nnedö’cä mmaja.

APOOCADIISI 21:23

Yää jataawä shii niyeijodö tujunne’da na’de, nuunä niyeijodö tujunne’da mmaja, Wanaadi nnataadö yeijoneije yeijäcä. Oweeja nnedö’cä dhawaadöje na’de.

APOOCADIISI 21:4

Töwö Wanaadi nichocca’de tameedä chäänacuuducoomo. Wäämanä ’je’da na’de yaawä, wentumje weiñä ’je’da mmaja; waamonä ’je’da na’dede, se’neiñe weiñä ’je’da mmaja, awa’deenato weiñä wataame’jödö weijäcä; quee cönäätaacä a’deu.

APOOCADIISI 21:6

Yaawä töwö cönä’döaacä öwwä: —Tödööe na. Öwö ñäädä awa’deeto, yaatameedö mmaja. Ñäädä emjätö’sato wwä täje’da wänu’a’de weichojo tunai’chädö, yää acuuwena weja’cadö.

APOOCADIISI 22:1

Yaawä ñäädä amoode öwwä cöneenejoi weichojo tunai’chädö, Wanaadi mudei dö’tonnoto weja’cadö, Oweeja nnedö’cä mudei dö’tonnoto mmaja. Yää tuna cönä’jaacä acuuwena; ta’dawaane cönääneaacä, widiiqui töweiye naichö wa’cä.

APOOCADIISI 4:11

Ñäädä mma amäädä Cajiichaana Wanaadi; aashicha wa’deutojooje ma, aashicha tödööto’me mmaja ma dea, jäduujatooje täcammaamöje mmaja, tameedä tödöönei’jödööje aweijäcä. Amäädä ämjummadö woije cönaamodeetai tameedä naadö; quee cöneecanta’ña’to.

APOOCADIISI 5:6

Yaawä inchoncomo antawäiñe weneeaqueene Oweeja nnedö’cä, jiidi, amiiñä’caajä nönge. Cajiichaana mudei yö’tä töwö cönä’jaacä, ñanno aacäicheea’como amoode’na’como dö’täiñe mmaja. Yeetai cönä’jaacä aacä amoojato, aacä amoojato mmaja chäänudu. Yää chäänudu na aacä amoojato’como Epíiditu cu’tädö, tameedä nono weichö wa’cä Wanaadi nanontädö naatoodö.