APOOCADIISI 7:15 - Wanaadi A'deddu

¹⁵ Yääje yeijäcä Wanaadi mudei je’taca naato. Wanaadi wwä netaadawa’cajaato ano, coijai mmaja, töwö yeichojo taca. Ñäädä mude de’wä naadö niñeejontaato’de.

APOOCADIISI 7:15 ပူးပေါင်းရင်းမြစ်များ

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

1 CODINTIYO 3:16

¿Odhoowanääcäiñe’da ca’ nai Wanaadi weichojooje aweichöcoomo, Epíiditu Santo ataacaiñe yeichö mmaja?

2 CODINTIYO 6:16

¿Aaquene mmaja Wanaadi weichojo oojodöödö deeade’ chu’taajä acä? Änwanno Wanaadi nudooto weichojooje maato. Töwö Wanaadi chea cönä’döaacä: Öwö yo’tacaiñe wa’de; chääjadäiñe wäämannä’a’de. Yaanadiiyöcoomoje wa’de; tönwanno naato’de sootoije; quee Wanaadi cönä’döaacä.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

EEWEDEO 8:1

Edääje wä’dö’se weichö mädä: Cöwwäiñe töweiye na wecammaadöjaato cöjääcäinchädäiñe Wanaadi wwä töwa’deuwemö. Töwö caju ña na Wanaadi mudei yö’tä yaatajiimaajä, ämu’demjönö dö’se.

APOOCADIISI 11:19

Yaawä Wanaadi weichojo cönaata’ducai caju ña. Yää jatuuwa, ñeecamma’jödö imennaajä ewöötö, cönääneaacä Wanaadi weichojo taca. Cönäncucui yaawä; cadeemedu cönäätai chea; cöneetötöömai chea. Nono cönäätu’mei yaawä; i’chajö adai’jocoomo cönä’mei chea.

APOOCADIISI 13:6

Ñäädä odoocojaato cone’da cöna’deuwöi yaawä Wanaadi jäcä, Wanaadi weichojo ämääajä jäcä mmaja, caju ñancomo jäcä mmaja.

APOOCADIISI 20:10

Yaawä ñäädä odo’sha, ñanno encu’täneichomo’jödö cönäätämaajoi jiyooto comootödö ña, odoocojaato naadö döiña, ecammajä’nei chäänöngemjönö naadö döiña mmaja. Iiña nätä’maminchajaato’de ano, coijai’jödöödä, yeichöödäje. Iiña wedeinchä nengaato’de, acuudajaada dhatu’jödö jodö joqque.

APOOCADIISI 21:22

Wanaadi weichojo amääajä ’je’da weneeaqueene yää jata, ñäädä Cajiichaana Wanaadi jäduujato maaje yeijäcä, Oweeja nnedö’cä mmaja.

APOOCADIISI 22:3

A’que na’de cone’da täcammaamö. Yäätä na’de Wanaadi mudei, Oweeja nnedö’cä mudei mmaja; shootoi niya’deme’caato’de.

APOOCADIISI 22:5

Coijaicho ’je’da na’de yaawä. Adhaawa tujunne’da na’de chäwwäiñe, shii tujunne’da mmaja, Cajiichaana Wanaadi niyeijodö nataawä yeijäcäiñe. Tönwanno cajiichaanaje naato’de yeichöödäje.

APOOCADIISI 4:4

Cajiichaana mudei awoodhecääcä cönä’jaacä anejja mude mmaja, tooni sotooto de’wä aacäichea. Yää de’wä shuucu weneeaquento tooni sotooto de’wä aacäichea inchoncomo, tajääde’dato awäiñe. Iju’jocoomo de’wä cönä’jaacä canaanadi, oodo döaajä.

APOOCADIISI 4:8

Ñanno aacäicheea’como amoode’na’como cönä’ja’to ta’denqueiñe, chääwaadäiñe tooni amoojato dhajä’saichomo. Dhajä’saichomo jäcä cönä’jaacä chäänuduucomo, jooje, ye’wä mmaja, dho’nä mmaja. Etaajö’da cönä’ja’to töweecanta’ñädööcomo, ano, cöijai’jödöödä. Edääje cöneecanta’ña’to: Aashichaato, aashichaato, aashichaato, Cajiichaana Wanaadi jäduujato, ñäädä jenaadä cönä’ja’dö, eduuwa naadö dea, äcuude na’dedö dea; quee cöneecanta’ña’to.

APOOCADIISI 4:9

Weiñäje ñanno amoode’na’como aashicha na’deuwaato ñäädä mude de’wä shuucu naadö jäcä, ñäädä Yeichöödoto. Tönwanno o’jodhaatoje ne’taato, iiñödö niya’deme’caato dea.

APOOCADIISI 7:9

Yää ’jeje weneeaquento jooje soto, ime’cu’tädö e’jodhe jooje yeichöcoomo. Jiidi cönä’ja’to mude je’taca, Oweeja nnedö’cä je’taca. Ñanno soto cönä’jato tameedä nono weichö de’woncomo’jödö, tameedä soto weichöcoomo wa’cä, tameedä jata waadoinchomo’jödö, tameedä aata’deucwemjöncomo’jödö. Yoomöcoomo cönä’jaacä tajääde’deiñe; wasai adö dha’me cönä’jato.