APOOCADIISI 6:1 - Wanaadi A'deddu

¹ Yaawä weneeaqueene Oweeja nnedö’cä wwä tooni ajoijo’jödö ajämjacaadö, yää aacä amoojatooto jimmä. Yaawä wetaaquene ñanno aacäicheea’como amoode’na’como jimmä wa’deuwödö; yeetötöömadö wa’cä cönäätaacä dha’deddu. —Ä’cäde; eneeta; quee cönä’döaacä.

APOOCADIISI 6:1 ပူးပေါင်းရင်းမြစ်များ

JUAN 1:29

Yää jenamma naadöje Juan cöneeneaacä Jesuuquidiito töwwadäädä yeejödö. Töwö Juan cönä’döaacä yaawä: —Eneetäcä, määdhä ñäädä Oweeja nnedö’cä nöngato, Wanaadi nanontädö, tameedä soto cone’nadiiyöcoomo coccanei.

DOSECHO 4:20

E’nomjajai’cha ñaa na töneene’jödö ecammajäätödö, töneeta’jödö mmaja; quee cönä’döa’to Peedhodo, Juan mmaja.

APOOCADIISI 11:19

Yaawä Wanaadi weichojo cönaata’ducai caju ña. Yää jatuuwa, ñeecamma’jödö imennaajä ewöötö, cönääneaacä Wanaadi weichojo taca. Cönäncucui yaawä; cadeemedu cönäätai chea; cöneetötöömai chea. Nono cönäätu’mei yaawä; i’chajö adai’jocoomo cönä’mei chea.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.

APOOCADIISI 14:2

Yaawä caju ña wecanta’ñänä wetaaquene; shoodö wa’cä cönäätaacä, yeetötöömadö wa’cä mmaja. Jantuuda yeu’cwadö nönge cönääta’dea.

APOOCADIISI 19:6

Yaawä wetaaquennea a’deu, jooja’como soto wa’deuwödööcomo nönge. Shoodö we’duccadö wa’cä cönäätaacä, cadeemedu töweiye naichö wa’cä mmaja. Edääje cönä’döa’to: Aadeduuya. Cädhaajotoncomo Wanaadi cajiichaanaje na; ñäädä mma töwö jäduujato.

APOOCADIISI 4:8

Ñanno aacäicheea’como amoode’na’como cönä’ja’to ta’denqueiñe, chääwaadäiñe tooni amoojato dhajä’saichomo. Dhajä’saichomo jäcä cönä’jaacä chäänuduucomo, jooje, ye’wä mmaja, dho’nä mmaja. Etaajö’da cönä’ja’to töweecanta’ñädööcomo, ano, cöijai’jödöödä. Edääje cöneecanta’ña’to: Aashichaato, aashichaato, aashichaato, Cajiichaana Wanaadi jäduujato, ñäädä jenaadä cönä’ja’dö, eduuwa naadö dea, äcuude na’dedö dea; quee cöneecanta’ña’to.

APOOCADIISI 5:1

Yaawä jajeeda imongajä weneeaqueene mude de’wä shuucu cönä’ja’dö enwawä, ämu’demjönö dö’se. Imennä’jödö cönä’jaacä dhaca, ye’wä mmaja. Tajoijo cönä’jaacä, aacä amoojatoode.

APOOCADIISI 5:12

Töcä’de cöna’deuwa’to; edääje cönä’döa’to: Ñäädä mma mä’dä Aashichaato, Oweeja nnedö’cä, ñäädä cönäämajoichö. Töwö ñäädä jäduujatooje tä’täämö, tönsomaacatooje tä’täämö mmaja, töseedujä’natooje täcammaamö mmaja. Ñäädä mma töwö tameedä tödööjaicho. Töwö na aashicha tödööto’me, o’jodhaatoje tä’täämöje mmaja, aashicha wa’deutojooje mmaja; quee cönä’döa’to.

APOOCADIISI 5:8

Yaawä jajeeda eiya’jäcä chäwwä, ñanno aacäicheea’como amoode’na’como mmaja, ñanno tooni sotooto de’wä aacäicheea’como inchoncomo mmaja, tä’mudhe cönä’döicho Oweeja nnedö’cä je’taca. Ñanno inchoncomo waadäiñe cönä’jaacä jantuuda, cancudu mmaja, oodo döaajä, juu shimi’jotoojo tödau’cwaamö dhaca. Yää juu shimi’jotoojo na töwwä Wanaadi sotoi wa’deuwödööcomo cu’tädö.

APOOCADIISI 6:3

Yaawä yää ’jejaato ajoijo’jödö ajämjaca’jäcä Oweeja nnedö’cä wwä, anejja amoode’naajä daja cöna’deuwöi chea yaawä; cönä’döaacä: —Ä’cäde; eneeta; quee cönä’döaacä.

APOOCADIISI 6:5

Yaawä aaduwaawoto ajoijo’jödö ajämjaca’jäcä Oweeja nnedö’cä wwä, cönäätai chea aaduwaawoto amoode’naajä wa’deuwödö; cönä’döaacä: —Ä’cäde; eneeta; quee cönä’döaacä. Weneeaqueene yaawä cawaayu juduumato. Ñäädä ye’wono cönä’jaacä oneejatoojo tänwawä.

APOOCADIISI 6:7

Yaawä aacäicheeato ajoijo’jödö ajämjaca’jäcä Oweeja nnedö’cä wwä, cönäätai chea yaawä aacäicheeato amoode’naajä wa’deuwödö. —Ä’cäde; eneeta; quee cönä’döaacä.

APOOCADIISI 8:1

Yaawä aacä amoojatooto ajoijo’jödö ajämjaca’jäcä Oweeja nnedö’cä wwä, cönsöötai yaawä caju ña, tooni shii wääseca’jödö.