Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




APOOCADIISI 5:9 - Wanaadi A'deddu

9 Edääje cöneecanta’ña’to; eduuwaato wecanta’ñotoojo jäcä: Ñäädä mma amäädä aashichaato, jajeeda eijaicho, ajoijo’jödö ajämjacaajaicho mmaja. Mädä tödööjai ma äwääma’jödö weijäcä, adhaaquiyö que Wanaadi sotoije ñaa ejeema’jödö weijäcä mmaja, tameedä soto weichöcoomo wa’cä, tameedä aata’deucwemjöncomo’jödö, tameedä jata weichö waadoinchomo’jödö, tameedä nono weichö de’woncomo’jödö.

အခန်းကိုကြည့်ပါ။ ကော်ပီ




APOOCADIISI 5:9
41 ပူးပေါင်းရင်းမြစ်များ  

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.


Edä yää yaaquiyö, chäänönge Wanaadi necamma’jödö yeichö ene’ju’tojo, jooja’como soto jäcäinchädäiñe töja’emö, choone’nadiiyöcoomo choccatoojoje.


Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.


Wanaadi wwä täjeema maato täjeeto que. Yääje yeijäcä Wanaadi nijummadö woije tödöötäcä adheejöcoomo que, ätö’tajäätödööcomo que mmaja, a’nädä Wanaadi wwonooje yeijäcä.


Wanaadi wwä täjeema maato täjeeto que; yääje yeijäcä adheedhajootoncomo neeneje soto tödööjai’cha maato.


Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.


Änwannoje dea Cajiichaana jäcä töwa’deujä’e eichäcä, chäwwonooje töweecanta’ñä mmaja, saadomo jäcä, anejja wecanta’ñotoojo jäcä mmaja; aashicha Cajiichaana miya’deme’täiye, adheewanööcomo jadäädä.


Ñäädä Iiñedö cäwaanacaatäne töwäämadö que; töwö cöcoone’nadiiyöcoomo cönencwanno’joi.


Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.


Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.


Mädääja’como wä’dödö nääne’ju’jaato töjaatadööcomo neene tönencano’tä töweichöcoomo.


Jenaadä ecammajä’nnamo chäänöngemjöncomo töweiye cönä’ja’to iisadaaediita antawäiñe. Mädääje mmaja adhantawäiñe naato’dede owaanomannamo chäänöngemjöncomo. Tönwanno jo’wadootoje wecoone’matoojo wätunnä nejoodöaato’de. Tädhaajotoncomo jadä’jödöödä nijoome’daato’de, ñäädä Täwaanacaaneichomo. Mädääje jadheedoto töwännanö’to’como nejoodöaato’de.


Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.


Töwö Jesuuquidiito na saaquidiijiisiyooje, cöcoone’nadiiyöcoomo choccatoojoje; cönwanno cöcoone’nadiiyöcoomo choccatoojo mmajöönö, tameedä edä nono de’woncomo cone’nadiiyöcoomo mmajaane.


Edääje cönäätäcammai yaawä öwwä: —Jooje soto jäcäiñe ecammajo’tojo äwwä na, Wanaadi nutuudu woije, ñanno tameedä jata waadoinchomo’jödö, ñanno aata’deucwemjöncomo’jödö jäcäiñe, chaajichaanaichomo jäcäiñe mmaja; quee cönäätäcammai öwwä.


Yaawä jooje soto nene’maato’de ñanno aaco’como ecammajä’nnamo’jödö equeejödööcomo, tameedä jata waadoinchomo, tameedä soto weichöcoomo wa’cä, tameedä aata’deucwemjöncomo, tameedä nono weichö de’woncomo. Chääquejöödöcoomo aneewaacajo’da naato’de aacäicheeato anoototo annai.


Chäwwä u’ajä cönä’jaacä Wanaadi sotoi jadäiñe yeewänä’totoojo, e’jodheinchato’como mmaja. Chäwwä u’ajä cönä’ja’dea tameedä soto weichöcoomo cajiichaanaichomooje yeichojo, ñanno tameedä jata waadoinchomo, aata’deucwemjöncomo mmaja, tameedä nono weichö waadoinchomo.


Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.


Weneeaqueene yaawä anejja amoode waiñömöödö caju dacääcä. Yeichöödoto aashichaato wätunnä dha’me cönä’jaacä nono de’woncomo wwäiñe täcammajä’emö, tameedä soto weichöcoomo wwäiñe täcammajä’emö, ñanno tameedä nono weichö de’woncomo, aata’deucwemjöncomo, tameedä jata waadoinchomo.


Tönwanno cöneecanta’ña’to Oweeja nnedö’cä wecanta’ñotoojo jäcä, Moisé wecanta’ñotoojo jäcä mmaja, ñäädä Wanaadi anoonö. Edääje cöneecanta’ña’to: Adai’joto tönnöe määnene, tönoiñato mmaja, amäädä Cajiichaana Wanaadi jäduujato. Chäänönge töweiye määnene amäädä, aashicha mmaja, amäädä soto cajiichaanaichomo.


Edääje mmaja cönä’döa’dea öwwä: —Yää tuna meneeannö, ye’wä wodi masuuduijato wataajimaajä nä’jannö, jooje soto weichöcoomo cu’tädööje nä’jaanä, jooje soto aata’deucwemjöncomo, ñanno nono weichö wa’concomo, tameedä jata waadoinchomo.


Ñäädä mma amäädä Cajiichaana Wanaadi; aashicha wa’deutojooje ma, aashicha tödööto’me mmaja ma dea, jäduujatooje täcammaamöje mmaja, tameedä tödöönei’jödööje aweijäcä. Amäädä ämjummadö woije cönaamodeetai tameedä naadö; quee cöneecanta’ña’to.


Töcä’de cöna’deuwa’to; edääje cönä’döa’to: Ñäädä mma mä’dä Aashichaato, Oweeja nnedö’cä, ñäädä cönäämajoichö. Töwö ñäädä jäduujatooje tä’täämö, tönsomaacatooje tä’täämö mmaja, töseedujä’natooje täcammaamö mmaja. Ñäädä mma töwö tameedä tödööjaicho. Töwö na aashicha tödööto’me, o’jodhaatoje tä’täämöje mmaja, aashicha wa’deutojooje mmaja; quee cönä’döa’to.


Yaawä inchoncomo antawäiñe weneeaqueene Oweeja nnedö’cä, jiidi, amiiñä’caajä nönge. Cajiichaana mudei yö’tä töwö cönä’jaacä, ñanno aacäicheea’como amoode’na’como dö’täiñe mmaja. Yeetai cönä’jaacä aacä amoojato, aacä amoojato mmaja chäänudu. Yää chäänudu na aacä amoojato’como Epíiditu cu’tädö, tameedä nono weichö wa’cä Wanaadi nanontädö naatoodö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ