APOOCADIISI 4:9 - Wanaadi A'deddu

⁹ Weiñäje ñanno amoode’na’como aashicha na’deuwaato ñäädä mude de’wä shuucu naadö jäcä, ñäädä Yeichöödoto. Tönwanno o’jodhaatoje ne’taato, iiñödö niya’deme’caato dea.

APOOCADIISI 4:9 ပူးပေါင်းရင်းမြစ်များ

EEWEDEO 7:25

Yääje yeijäcä töwö yeichöödäje ewaanacaajai ñaato ñanno töjoinchomo Wanaadi wwadäädoncomo wötäädö, yeichöödäje nudä töweijäcä; chääjäcäinchädäiñe töwö töwa’deuwe weneene Wanaadi wwä.

EEWEDEO 7:8

Ñanno Dewí atöödö, jödaata que töwääjemaajo wecammaatoodö, töwä’ja’aamoje mma naato. Ñäädä Mequiisedeeque mmaane Wanaadi a’deddu imennaajä necamma nudooto nönge dea.

APOOCADIISI 1:18

Öwö ñäädä nudooto; wääma’jödö weichaame nudä wa eduuwa yeichöödäje. Wäämanä edhaajä öwö dea, yä’ja’a’como weicho’como edhaajä mmaja.

APOOCADIISI 10:6

Töwö cöna’deuwöi yaawä ñäädä Yeichöödoto eetö joi, ñäädä caju tödöönei’jödö, nono mmaja, dama mmaja, tameedä dhacaiñe naatoodö tödöönei’jödö mmaja. Ñäädä eetö joi cöna’deuwöi näädä amoode; edääje cönä’döaacä: —Eduuwa mma yeeja’do’tojo na.

APOOCADIISI 15:7

Yaawä ñanno aacäicheea’como amoode’na’como jimmä cuntui aacä amoojato’como amoode wwäiñe aacä amoojato cancudu, oodo döaajä, tooni chääwaadäiñe. Yää cancudu acaano cönä’jaacä Wanaadi Yeichöödoto wwä tumjunne’da wätä’maminchajoonä cu’tädö.

APOOCADIISI 21:5

Yaawä ñäädä mude de’wä shuucu cönä’ja’dö cönä’döaacä: —Eneecä’ma, eduuwaatoje wödööa tameedäädä; quee cönä’döaacä. Edääje mmaja cönä’döa’dea: —Imennäcä, chäänöngeene mädä a’deu yeiyajä, täcaanö’emje mmaja; quee cönä’döaacä.

APOOCADIISI 4:2

Yaawä dea caju ña wataadojoone, Epíiditu Santo woije. Iiña weneeaqueene Cajiichaana mudei; yää mude de’wä cönä’jaacä soto wataajimaajä.

APOOCADIISI 4:8

Ñanno aacäicheea’como amoode’na’como cönä’ja’to ta’denqueiñe, chääwaadäiñe tooni amoojato dhajä’saichomo. Dhajä’saichomo jäcä cönä’jaacä chäänuduucomo, jooje, ye’wä mmaja, dho’nä mmaja. Etaajö’da cönä’ja’to töweecanta’ñädööcomo, ano, cöijai’jödöödä. Edääje cöneecanta’ña’to: Aashichaato, aashichaato, aashichaato, Cajiichaana Wanaadi jäduujato, ñäädä jenaadä cönä’ja’dö, eduuwa naadö dea, äcuude na’dedö dea; quee cöneecanta’ña’to.

APOOCADIISI 5:1

Yaawä jajeeda imongajä weneeaqueene mude de’wä shuucu cönä’ja’dö enwawä, ämu’demjönö dö’se. Imennä’jödö cönä’jaacä dhaca, ye’wä mmaja. Tajoijo cönä’jaacä, aacä amoojatoode.

APOOCADIISI 6:16

Tönwanno cönä’döa’to jöö wwä, täju wwä mmaja: —Adheejuccacä ñaa de’cäi, ñaa nejoonöje, aneene’da ñaa eiye mude de’wä naadö jedö, Oweeja nnedö’cä wwä ñaa wätä’maminchajo’node; quee cönä’döa’to.

APOOCADIISI 7:15

Yääje yeijäcä Wanaadi mudei je’taca naato. Wanaadi wwä netaadawa’cajaato ano, coijai mmaja, töwö yeichojo taca. Ñäädä mude de’wä naadö niñeejontaato’de.