APOOCADIISI 4:8 - Wanaadi A'deddu

⁸ Ñanno aacäicheea’como amoode’na’como cönä’ja’to ta’denqueiñe, chääwaadäiñe tooni amoojato dhajä’saichomo. Dhajä’saichomo jäcä cönä’jaacä chäänuduucomo, jooje, ye’wä mmaja, dho’nä mmaja. Etaajö’da cönä’ja’to töweecanta’ñädööcomo, ano, cöijai’jödöödä. Edääje cöneecanta’ña’to: Aashichaato, aashichaato, aashichaato, Cajiichaana Wanaadi jäduujato, ñäädä jenaadä cönä’ja’dö, eduuwa naadö dea, äcuude na’dedö dea; quee cöneecanta’ña’to.

APOOCADIISI 4:8 ပူးပေါင်းရင်းမြစ်များ

DOSECHO 20:31

Yääje yeijäcä äädai’chätääcä. Odhoowanääcäiñe aaduwaawä wedu ajaadäiñe weichö wadaadäädä waamodö que äwäätuujatäiñe wei’jödö ano, coijai mmaja.

2 CODINTIYO 6:18

Öwö oomotoncomooje wa’de; änwanno önnacoomoje maato’de; quee nä’döa Cajiichaana O’jodhaato; quee Wanaadi cönä’döaacä.

1 TEESADOONISENSE 2:9

Änwanno jimmä, odhoowanääcäiñe na jooje töwäntunamjödö que töweetadaawa’cajo ñaa wei’jödö, täwanshiñö cana’catoojo ejoodödö jäcä. Töweetadaawa’cajo ñaa cönä’jaacä ano, coijai’jödöödä, ännödööcomo anaatameecö’da ñaa weichö wetä, ñaa wwä Wanaadi wätunnäi aashichaato ecammajäätödaawä äwwäiñe.

1 TIIMOTEO 4:16

Odhoowadäädä eichä aweichö jäcä, owaanomaadö jäcä mmaja; jäduuje eichä tameedä mädä nöngato jäcä. Mädääje aweiya’jäcä määwanaaca’de, tameedä adheetannamo’jödö mewaanacaato’dede.

2 TIIMOTEO 4:2

Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.

EEWEDEO 13:8

Jesuuquidiito chäänöngeedä weneene; jenaadä cönä’ja’döje dea na eduuwa, yeichöödäje.

APOOCADIISI 1:4

Öwö Juan, äwwadäädäiñe wimenna, änwanno Aasiya ñancomo quedeiyentecoomo, aacä amoojato ajaatadööcomo naadö. Aashichaato, täncanoode’da aweicho’como mmaja äwwäiñe yei’she wa, Wanaadi nutuudu, ñäädä eduuwa naadö, jenaadä cönä’ja’dö dea, äcuude na’dedö dea, ñanno aacä amoojato’como Epíiditu nutuudu mmaja, ñanno Wanaadi mudei o’wawä naatoodö,

APOOCADIISI 1:8

“Öwö ñäädä yaajäntä’jödö, yä’cadö mmaja;” quee nä’döa Cajiichaana jäduujato, ñäädä eduuwa naadö, jenaadä cönä’ja’dö dea, äcuude na’dedö dea.

APOOCADIISI 11:17

cönä’döa’to: Aashichaatoje ñaa na’deuwa äwwä, Cajiichaana, Wanaadi jäduujato, amäädä eduuwa maadö, jenaadä mä’jaaquennö dea, äcuude ma’dedö dea, äjäädudu eneejodö awaajäntä’jödö weijäcä, Cajiichaanaje äwä’dö’jödö weijäcä mmaja.

APOOCADIISI 14:11

Yeichöödäje wedeinchä näänea’de, yää yäätä’maminchajooto’como wedeimödö. Ñanno odoocojaato ya’deme’nnamo’jödö, odoocojaato cu’taajä ya’deme’nnamo’jödö mmaja, yäädeetato’como ’je’da na’de yeichöje, ano, coijai’jödöödä, tameedä ñanno odoocojaato eetö que yä’madaaca’ñäja’como’jödö.

APOOCADIISI 14:3

Wecanta’ñotoojo eduuwaato jäcä cöneecanta’ña’to mude je’taca, ñanno aacäicheea’como amoode’na’como je’tacaiñe mmaja, inchoncomo je’tacaiñe mmaja. Anejja oowanoomajai’cha cönä’jaacä yää wecanta’ñotoojo jäcä; ñanno 144 miide mmaane, ñanno nono de’woncomo antawonnoiñe yääwanaaca’como.

APOOCADIISI 15:3

Tönwanno cöneecanta’ña’to Oweeja nnedö’cä wecanta’ñotoojo jäcä, Moisé wecanta’ñotoojo jäcä mmaja, ñäädä Wanaadi anoonö. Edääje cöneecanta’ña’to: Adai’joto tönnöe määnene, tönoiñato mmaja, amäädä Cajiichaana Wanaadi jäduujato. Chäänönge töweiye määnene amäädä, aashicha mmaja, amäädä soto cajiichaanaichomo.

APOOCADIISI 15:7

Yaawä ñanno aacäicheea’como amoode’na’como jimmä cuntui aacä amoojato’como amoode wwäiñe aacä amoojato cancudu, oodo döaajä, tooni chääwaadäiñe. Yää cancudu acaano cönä’jaacä Wanaadi Yeichöödoto wwä tumjunne’da wätä’maminchajoonä cu’tädö.

APOOCADIISI 16:14

Ñanno cönä’ja’to odo’shancomo. Tönwanno ene’ju’tojo tönnöe cönä’ja’to. Cajiichaanacoomo wwadäädä cöntonto tameedä nono weichö wa’cä, i’jummaiñe, töweewänä’tädööcomo wetä Wanaadi jäduujato nichu’nä’tä’jödö anootoi’chädö awä.

APOOCADIISI 16:7

Yaawä saaquidiijiisiyo dötoojo dö’tä anejja a’deu daja wetaaquene. Edääje cönäätaacä: —Chäänöngato dämma amäädä, Cajiichaana, Wanaadi jäduujato. Chäänönge soto mimaaminchaato; quee cönäätaacä.

APOOCADIISI 19:15

Ñäädä cawaayu de’wä cönä’ja’dö ntai cöneeja’caacä sauda dhejiiyajä, sotoocomo töja’to’como. Töwö chäädhajootoncomooje na’de, sejaadadi döaajä töwaichadööje. Töwö soto nimaaminchaato’de, eccucaatojo aca chääjedöödö etaajajä’nei töweiye naichöje. Chäwwäiñe nemja’de chääjedöödö eccudu, yää Wanaadi jäduujato wwä wätä’maminchajoonä cu’tädö.

APOOCADIISI 19:4

Yaawä ñanno tooni sotooto de’wä aacäicheea’como inchoncomo, ñanno aacäicheea’como amoode’na’como mmaja, tä’mudhe cönä’döicho; cönääje’duicho yaawä nono wwadäädä Wanaadi je’taca, ñäädä mude de’wono je’taca. Tönwanno cönwa’deme’ca’to; cönä’döa’to: —Amén. Aadeduuya; quee.

APOOCADIISI 21:22

Wanaadi weichojo amääajä ’je’da weneeaqueene yää jata, ñäädä Cajiichaana Wanaadi jäduujato maaje yeijäcä, Oweeja nnedö’cä mmaja.

APOOCADIISI 3:7

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Jiidadeujiya ñancomo quedeiyente edai’chäneichomo wwadäädä: “Edääje nä’döa ñäädä aashichaato, chäänöngato, Dawí jataadö yaawi’chädö edhaajä. Töwö ñaaducaadö anejja a’dujai’cha na; töwö ña’dudu anejja a’ducaajai’cha mmaja.

APOOCADIISI 4:4

Cajiichaana mudei awoodhecääcä cönä’jaacä anejja mude mmaja, tooni sotooto de’wä aacäichea. Yää de’wä shuucu weneeaquento tooni sotooto de’wä aacäichea inchoncomo, tajääde’dato awäiñe. Iju’jocoomo de’wä cönä’jaacä canaanadi, oodo döaajä.

APOOCADIISI 4:6

Mude je’taca cönä’ja’dea dama nöngato. Ta’dawaane cönääneaacä, jeteiya wa’cä, widiiqui töweiye naichöje mmaja. Mude dö’tä, dhawoodhecääcä mmaja, cönä’ja’to aacäichea amoode’na’como. Tönwanno cönä’ja’to tänuuqueiñe eese mmaja, inchadheedäiñe mmaja, wanna chäänuduucomo.

APOOCADIISI 4:9

Weiñäje ñanno amoode’na’como aashicha na’deuwaato ñäädä mude de’wä shuucu naadö jäcä, ñäädä Yeichöödoto. Tönwanno o’jodhaatoje ne’taato, iiñödö niya’deme’caato dea.

APOOCADIISI 5:6

Yaawä inchoncomo antawäiñe weneeaqueene Oweeja nnedö’cä, jiidi, amiiñä’caajä nönge. Cajiichaana mudei yö’tä töwö cönä’jaacä, ñanno aacäicheea’como amoode’na’como dö’täiñe mmaja. Yeetai cönä’jaacä aacä amoojato, aacä amoojato mmaja chäänudu. Yää chäänudu na aacä amoojato’como Epíiditu cu’tädö, tameedä nono weichö wa’cä Wanaadi nanontädö naatoodö.

APOOCADIISI 6:1

Yaawä weneeaqueene Oweeja nnedö’cä wwä tooni ajoijo’jödö ajämjacaadö, yää aacä amoojatooto jimmä. Yaawä wetaaquene ñanno aacäicheea’como amoode’na’como jimmä wa’deuwödö; yeetötöömadö wa’cä cönäätaacä dha’deddu. —Ä’cäde; eneeta; quee cönä’döaacä.

APOOCADIISI 6:6

A’deu wetaaquene yaawä ñanno aacäicheea’como amoode’na’como do’tacaiñe; edääje cönäätaacä: —Tooni ecauwö’jödö uu, tooni anooto wetaadawa’cajoojä ’cäwa’cä täje yeichö. Aacä ecauwö’jödö äiña, tooni anooto wetaadawa’cajoojä ’cäwa’cä täje yeichö. Chaatö mmaane mämmacuudäi, chääjedöödö eccudu mmaja; quee a’deu cönäätaacä.

APOOCADIISI 7:11

Tameedä amoode cönä’ja’to jiidi mude awoodhecääcä, inchoncomo awoodhecääcäiñe mmaja, ñanno aacäicheea’como amoode’na’como awoodhecääcäiñe mmaja. Tä’mudhe cönä’döicho mude je’taca, Wanaadi wa’demeecödööje.

APOOCADIISI 7:15

Yääje yeijäcä Wanaadi mudei je’taca naato. Wanaadi wwä netaadawa’cajaato ano, coijai mmaja, töwö yeichojo taca. Ñäädä mude de’wä naadö niñeejontaato’de.