APOOCADIISI 4:4 - Wanaadi A'deddu

⁴ Cajiichaana mudei awoodhecääcä cönä’jaacä anejja mude mmaja, tooni sotooto de’wä aacäichea. Yää de’wä shuucu weneeaquento tooni sotooto de’wä aacäichea inchoncomo, tajääde’dato awäiñe. Iju’jocoomo de’wä cönä’jaacä canaanadi, oodo döaajä.

APOOCADIISI 4:4 ပူးပေါင်းရင်းမြစ်များ

MATEO 19:28

Jesuuquidiito cönä’döaacä chäwwäiñe: —Chäänönge yääje wä’döa äwwäiñe, yaawä tameedä eduuwaatoje yenwacaama’jäcä, Soto nnedö tumuudei ye’wä nataajima’de o’jodhaatoje. Yaawä änwanno, jaadoncomo’jödö, mude de’wä mmaja mataajimaato’dede iisadaaediitacoomo cajiichaanaichomooje, ñanno amoojadooto de’wä aacä iju’jä naatoodö.

DUUCA 22:30

Jaadä määwashinchaato’de yaawä cajiichaanaje weichö; mude de’wä mmaja mataajimaato’dede ñanno Iisadaaeeda weichö cajiichaanaichomooje, ñanno amoojadooto de’wä aaco’como iju’jä naatoodö; quee cönä’döaacä Jesuuquidiito.

2 TIIMOTEO 4:8

Yääje yeijäcä öwwonooje yeeje’jödö tösooma na, yää chäänönge wei’jödö eje’jödö. Cajiichaana yää nu’a’de öwwä yää anooto awä, ñäädä chäänönge emmencanei. Öwwä mma’da yää nu’a’de, tameedä ñanno ijummadö que yeejö’sa’como’jödö wwäiñe mmajaane.

APOOCADIISI 11:16

Yaawä ñanno tooni sotooto de’wä aacäicheea’como inchoncomo, Wanaadi je’taca tumuudeichomo de’wä cönä’ja’todö, nono wwadäädä cönääje’dujäätöicho. Tönwanno Wanaadi cönwa’deme’ca’to;

APOOCADIISI 14:3

Wecanta’ñotoojo eduuwaato jäcä cöneecanta’ña’to mude je’taca, ñanno aacäicheea’como amoode’na’como je’tacaiñe mmaja, inchoncomo je’tacaiñe mmaja. Anejja oowanoomajai’cha cönä’jaacä yää wecanta’ñotoojo jäcä; ñanno 144 miide mmaane, ñanno nono de’woncomo antawonnoiñe yääwanaaca’como.

APOOCADIISI 19:14

Shootoi caju ñancomo inchäcä cönta’to cawaayu tajääde’da’como de’wä, iiñataaja’como yoomöcoomoje, camiisha aashichaato döaajä, tajääde’deiñe.

APOOCADIISI 19:4

Yaawä ñanno tooni sotooto de’wä aacäicheea’como inchoncomo, ñanno aacäicheea’como amoode’na’como mmaja, tä’mudhe cönä’döicho; cönääje’duicho yaawä nono wwadäädä Wanaadi je’taca, ñäädä mude de’wono je’taca. Tönwanno cönwa’deme’ca’to; cönä’döa’to: —Amén. Aadeduuya; quee.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.

APOOCADIISI 20:4

Yaawä weneeaqueene wanna mude, ye’woncomo wataajimaadö mmaja. Chäwwäiñe u’ajä cönä’jaacä soto emmencato’como. Weneeaquento dea ñanno Jesuuquidiito a’deddu ecammajäätödö jo’tädööja’como ijöncä’jä’a’como’jödö ecaatocoomo, ñanno Wanaadi a’deddu jo’tädööja’como wä’jajo’jocoomo, ñanno odoocojaato änwa’deme’jöncomo’jödö, chu’taajä mmaja. Ñanno dea cönä’ja’to odoocojaato wwä töjaawäiñe ä’madaaca’ñäjoojöncomo’jödö, tamäädöcoomo jäcä mmaja. Ñanno waadoncadööcomo weneeaqueene. Cajiichaanaje naato’de 1,000 wedu Quidiito jadä.

APOOCADIISI 3:18

Yääje yeijäcä edääje mänwätuuja: Öwwä ane’ca’cä oodo, wa’to que choonecaajä, äwwä töweiye yeichö wetä. Owoomö tajääde’dato mmaja ane’ca’cäde, aweewontotoojo, töwonque’da aweichö mma täne ei’ño, töjöiye mma mei’ño yaawä. Adheejichö mmaja ane’ca’cäde öwwä, adheenudu ejiichö’totoojo, töneene mä’döiye.

APOOCADIISI 4:10

Yääje ya’deuwödööcomo waadäi, ñanno tooni sotooto de’wä aacäicheea’como inchoncomo tä’mudhe nä’döaato ñäädä mude de’wä shuucu naadö je’taca; niya’deme’caato ñäädä Yeichöödoto. Töcaananaadiyööcomo mude o’wawä tödöödö’jo edääje necanta’ñaato:

APOOCADIISI 4:6

Mude je’taca cönä’ja’dea dama nöngato. Ta’dawaane cönääneaacä, jeteiya wa’cä, widiiqui töweiye naichöje mmaja. Mude dö’tä, dhawoodhecääcä mmaja, cönä’ja’to aacäichea amoode’na’como. Tönwanno cönä’ja’to tänuuqueiñe eese mmaja, inchadheedäiñe mmaja, wanna chäänuduucomo.

APOOCADIISI 5:11

Wene’maaquene yaawä; jooja’como amoode a’dedducoomo wetaaquene, ñanno mude awoodhecääcä cönä’ja’todö, aacäicheea’como amoode’na’como awoodhecääcäiñe mmaja, inchoncomo awoodhecääcäiñe mmaja. Jooje cönä’ja’to ñanno amoode, wanna, ime’cu’tädööcomo cho’na’da.

APOOCADIISI 5:14

Ñanno aacäicheea’como amoode’na’como cönä’döa’to yaawä: —Mädääje na; quee. Ñanno tooni sotooto de’wä aacäicheea’como inchoncomo tä’mudhe cönä’döicho yaawä; cönwa’deme’ca’to ñäädä Yeichöödoto.

APOOCADIISI 5:6

Yaawä inchoncomo antawäiñe weneeaqueene Oweeja nnedö’cä, jiidi, amiiñä’caajä nönge. Cajiichaana mudei yö’tä töwö cönä’jaacä, ñanno aacäicheea’como amoode’na’como dö’täiñe mmaja. Yeetai cönä’jaacä aacä amoojato, aacä amoojato mmaja chäänudu. Yää chäänudu na aacä amoojato’como Epíiditu cu’tädö, tameedä nono weichö wa’cä Wanaadi nanontädö naatoodö.

APOOCADIISI 5:8

Yaawä jajeeda eiya’jäcä chäwwä, ñanno aacäicheea’como amoode’na’como mmaja, ñanno tooni sotooto de’wä aacäicheea’como inchoncomo mmaja, tä’mudhe cönä’döicho Oweeja nnedö’cä je’taca. Ñanno inchoncomo waadäiñe cönä’jaacä jantuuda, cancudu mmaja, oodo döaajä, juu shimi’jotoojo tödau’cwaamö dhaca. Yää juu shimi’jotoojo na töwwä Wanaadi sotoi wa’deuwödööcomo cu’tädö.

APOOCADIISI 6:11

Yaawä chääwaadäiñe cönä’tui yoomöcoomo tajääde’da’como. Edääje cönäätäcammai chäwwäiñe: —Äädeetatääcä a’dhe, chääwa’cä ñanno ajimmotoncomo wä’jajoodöcoomo wa’cä, ñanno Quidiito sotoi, äwä’jajo’jocoomo nönge töwä’ja’aamo; quee chäwwäiñe cönäätäcammai.

APOOCADIISI 7:11

Tameedä amoode cönä’ja’to jiidi mude awoodhecääcä, inchoncomo awoodhecääcäiñe mmaja, ñanno aacäicheea’como amoode’na’como awoodhecääcäiñe mmaja. Tä’mudhe cönä’döicho mude je’taca, Wanaadi wa’demeecödööje.

APOOCADIISI 7:9

Yää ’jeje weneeaquento jooje soto, ime’cu’tädö e’jodhe jooje yeichöcoomo. Jiidi cönä’ja’to mude je’taca, Oweeja nnedö’cä je’taca. Ñanno soto cönä’jato tameedä nono weichö de’woncomo’jödö, tameedä soto weichöcoomo wa’cä, tameedä jata waadoinchomo’jödö, tameedä aata’deucwemjöncomo’jödö. Yoomöcoomo cönä’jaacä tajääde’deiñe; wasai adö dha’me cönä’jato.

APOOCADIISI 9:7

Ñanno cödaatai wäänedööcomo cönä’jaacä wänä döeeje cawaayu coneeca’como töweiye naichodööje. Iju’jocoomo de’wä cönä’jaacä canaanadi nöngato, oodo döaajä. Ijeedöcoomo cönä’jaacä soto jedö nönge.