APOOCADIISI 4:1 - Wanaadi A'deddu

¹ Yääje mma yaawä caju ña weneeaqueene mönaatata, ta’duque’da. Yää a’deu, janau’cwa wäätadö nönge awa’de öwwä cönäätaichö mmaja, cönäätai chea yaawä; edääje cönäätaacä: —Sadä adhäänu’cä, äwwä weneejoiye äcuude töweeja’dä’emö; quee cönäätaacä.

APOOCADIISI 4:1 ပူးပေါင်းရင်းမြစ်များ

MATEO 3:16

Wautisaaje töwä’dö’jeje Jesuuquidiito cönäncui yaawä na’cwacanno. Jadheedä caju cönaata’ducai yaawä. Jesuuquidiito cöneeneaacä yaawä Epíiditu Santo wä’tädö töjääcä, jaduuma nönge, yäätäädä yeedennaajä.

MAADOCO 1:10

Na’cwacanno töwäncudaawä Jesuuquidiito cöneeneaacä yaawä caju wata’ducaadö. Epíiditu Santo wä’tädö cöneedantäi yaawä jaduuma nönge, töde’wä yä’tädö.

DUUCA 3:21

Yääje mma yaawä tameedä soto wautisaaje yä’döja’comjäcä, Jesuuquidiito mmaja wautisaaje cönä’döjoi chea. Yaawä Wanaadi wwä ya’deuwödaawä caju cönaata’ducai.

JUAN 16:13

Yaawääne’, Epíiditu Santo we’a’jäcä, ñäädä chäänöngato a’deu edhaajä, töwö odhoowanoomaato’de chäänöngato a’deu jäcä. Töwö töjääcä mma a’deuwö’da na’de; töneeta’jödö queene na’deuwa’de. Töwö odhoowanoomaato’de tameedä töweeja’dä’emö jäcä.

DOSECHO 10:11

Töwö caju cöneeneaacä töwaata’duca; cawonno saawana nöngato wä’tädö cöneedantäi yaawä, ijootödö waadäi inchö’dajä’ajä.

DOSECHO 7:56

Yaawä Eteewa cönä’döaacä: —Caju wata’ducaadö eneetäcä. Soto nnedö näänea jiidi Wanaadi nnäcä, ämu’demjönö dö’se; quee cönä’döaacä.

APOOCADIISI 1:10

Yaawä dominco awä, Epíiditu Santo woije wäädantäne; öncadheedä a’deu cönäätai yaawä töcä’de, janau’cwa etöödö wa’cä.

APOOCADIISI 1:12

Wä’jedennacaane yaawä eneedö wetä, ¿änääcö öwwä na’deuwanä? quee öucwadööje. Yaawä wä’jedennaca’jäcä, yäätä wedantäne aacä amoojato adhaawa a’täi, oodo döaajä.

APOOCADIISI 1:19

Aneene’jödö imennäcä’de, eduuwa weiñä naadö jäcä, äcuude weiñä na’dedö jäcä mmaja; quee cönä’döaacä ñäädä öwwä.

APOOCADIISI 11:12

Yaawä ñanno ecammajä’nnamo waadonca’como a’deu cöneetaicho caju ña. Jooje cönäätaacä: —Sadä adhäänu’täcä; quee. Tönwanno cönäncuicho yaawä caju ña, ca’dutu de’cäi, tutu’de’tännamo’jödö neneedöcoomoje.

APOOCADIISI 11:19

Yaawä Wanaadi weichojo cönaata’ducai caju ña. Yää jatuuwa, ñeecamma’jödö imennaajä ewöötö, cönääneaacä Wanaadi weichojo taca. Cönäncucui yaawä; cadeemedu cönäätai chea; cöneetötöömai chea. Nono cönäätu’mei yaawä; i’chajö adai’jocoomo cönä’mei chea.

APOOCADIISI 16:17

Yaawä aacä amoojatooto amoode töcancudui acaano cöni’chomoi jejeichä ai. Yaawä a’deu cönäätaacä mude dö’tä, yää Wanaadi weichojo caju ñano taca cönä’ja’dö. Jooje cönäätaacä; cönä’döaacä: —Tödööe na; quee.

APOOCADIISI 19:11

Yaawä weneeaqueene caju wata’ducaadö. Yäätä cönääneaacä cawaayu, tajääde’de. Ye’wono eetö cönä’jaacä Aashichaatoje, Chäänöngatooje mmaja, chäänönge tönemmenca yeijäcä, töweewänä’tä mmaja.

APOOCADIISI 22:6

Yaawä ñäädä amoode cönä’döaacä öwwä: —Chäänöngato a’deu mädä, täcaanö’emje mmaja. Cajiichaana Wanaadi, ñäädä ta’deddu ecammannamo tö’tajäätödö edhaajä, tamoodedö cönaanontäi tanoonö wwäiñe eneejo yää eduuwa mma töweeja’dä’emö; quee cönä’döaacä.