APOOCADIISI 3:8 - Wanaadi A'deddu

⁸ Yoowanääcä na tameedä ännödö. Odhoowajo mönaatata wata’ducaajä wödööa; anejja a’dujai’cha na äwwä. Jäduuje’daiche aweichaame ya’deddu ane’nomja’da meiyaqueene; joome’dä’da meiyaquennea.

APOOCADIISI 3:8 ပူးပေါင်းရင်းမြစ်များ

DUUCA 12:9

Ñäädä soto netaadöcoomoje joome’dänei mmaane, öwö mmaja wijoome’da’dede Wanaadi amoodedö netaadöcoomoje.

JUAN 15:20

Ätö’tatääcä äwwäiñe wa’deuwö’jödö jäcä: Dhanoonö tädhaajä e’jodhe’da töweiye nai; quee wä’dö’jödö jäcä. Ñanno öwö maaminchaneetodö, amaaminchatantäi’chede; ñanno ya’deddu etannamo’jödö, adha’dedducoomo mmaja netaato’dede.

JUAN 17:6

“Aashicha aweichö öwö weneejone ñanno edä nono de’woncomo antawonnoiñe öwwä mu’netoodö wwäiñe. Amäädä äwwoncomooje cönä’ja’to; öwwä mu’neto yaawä. Tönwanno adha’deddu woije cönnöicho.

DOSECHO 14:27

Yaawä Antiyooquía ña töwä’döa’comjäcä Quidiito sotoi cöni’jummaicho; chäwwäiñe cöneecammajäätöicho tameedä Wanaadi nödö’jödö töjääcäiñe. Cöneecammajäätöicho dea judhíojöncomo wwä Cajiichaana wwä utu’jödö ta’deddu etaatojo, ecamjödö wetä chäwwäiñe.

1 CODINTIYO 16:9

eetä jooje Cajiichaana tadaawaajui öwwä tödööemö yeijäcä, chäänönge ä’döjaicho; jooje mmaja tu’de’tännamo naato.

2 CODINTIYO 2:12

Quidiito wätunnäi aashichaato ecammajäätödö wetä Todoowa ña wä’döa’jäcä Cajiichaana tadaawaajui dötoojo wedantäneedö’je;

JIDIIPENSE 4:13

Tameedä tödööjai wa ñäädä jäädu’tänei Quidiito ni’wa’tädö que.

CODOOSENSE 4:3

Ñaa jäcä mmaja chäwwä adha’deutäcä, ñaa wwä ta’deddu ecammajo’tojo Cajiichaana äntuiye, Quidiito jäcä owaanojöönö’jödö ñaa wwä ecammajo’tojo äntuiyede, yää chääjäcäinchädä jedeesoje waadö.

1 TIIMOTEO 5:8

Ñäädä töjimmä ani’wa’täjöönö, töwä’jimmä’tädö ani’wa’täjöönö mmaja, töneecamjödö nijoome’da, quedeiyentejöönö o’näde na töwö.

2 TIIMOTEO 4:7

Chäänönge yeewänä’täne; yeemadö jonno shaadijaamö’da wa; chäänönge neecamjödö wödööne.

JUUDHA 1:4

Anejjacoomo Wanaadi woijemjöncomo tacaade’da cantawäiñe yääwaaca’como töweiye naato. Jenaadä dea ñanno wännanö’to’como cönäätäcammai Wanaadi a’deddu imennaajä jäcä. Tönwanno aashicha Wanaadi weichö tönnöe weneeneto conemjönö tönnöto’comooje. Ñäädä Wanaadi, tooniyaano Cädhaajotoncomo, tömjo’ma weneeneto, Cädhaajotoncomo Jesuuquidiito mmaja.

APOOCADIISI 2:13

Yoowanääcä na tameedä ännödö; ajaatadö mmaja yoowanääcä na dea, Caajuushawa waanontotoojo dö’tä yeichö. Yääje yeichaame ye’nomja’da ma amäädä. Ñanno soto Caajuushawa weichojo dö’tä Antipa cöneemaicho, ñäädä ya’deddu ecammajä’nei, yaanonö chäänöngato mmaja. Ñäädä emaadawä chäwwäiñe yeecamjödö omjome’dä’da meiyaqueene.

APOOCADIISI 2:2

Yoowanääcä na tameedä ännödö, jooje ataadawaajui weichö mmaja, aashicha tönshinchä aweichö mmaja, conemjöncomo etaajai’cha aweichö mmaja. Amäädä mene’ju’neto ñanno anontaajäja’como wätä’tädö, ñannojöönö töweichaameiñe. Töwä’duna’comooje yeichöcoomo medantäneeto.

APOOCADIISI 22:7

—Eduuwa mma wöta adöiña. Ta’cwaiñe eijai ña ñäädä edä a’deu jajeeda jäcä imennaajä naadö chäänönge tödöönei.

APOOCADIISI 3:1

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Saadisi ñancomo quedeiyente edai’chäneichomo wwadäädä: “Edääje nä’döa ñäädä aacä amoojato’como Epíiditu edhaajä, aacä amoojato’como shidiichä edhaajä mmaja: Yoowanääcä na tameedä ännödö. Töwääma dajaane ma, nudä adheecadö weichaame.

APOOCADIISI 3:10

Ya’deddu woije aashicha tönshinchä awei’jödö weijäcä, öwö adhentunaanö’jo’da wa’de yeetunu eneedö cu’nädaawä, yää yeetunu tameedä nono de’woncomo neneeaato’dedö.

APOOCADIISI 3:15

Yoowanääcä na tameedä ännödö. Tucuuna’semjönö amäädä, ta’ne’da mmaja. Tucuuna’seene awei’she wa, ta’ne jeiñe mma.

APOOCADIISI 3:7

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Jiidadeujiya ñancomo quedeiyente edai’chäneichomo wwadäädä: “Edääje nä’döa ñäädä aashichaato, chäänöngato, Dawí jataadö yaawi’chädö edhaajä. Töwö ñaaducaadö anejja a’dujai’cha na; töwö ña’dudu anejja a’ducaajai’cha mmaja.