APOOCADIISI 3:4 - Wanaadi A'deddu

⁴ Yääje yeichaame iiña Saadisi ña töweiye naato adhantawäiñe anejjacoomo töwoomöcoomo oncodoimajöncomo; ñanno näämannä’aato’de jaadä tajääde’dato yoomöcoomoje, aashicha’comooje yeichomjäcä.

APOOCADIISI 3:4 ပူးပေါင်းရင်းမြစ်များ

MATEO 10:11

“Jataaca äwä’döa’comjäcä aneedantätääcä’de soto aashichaato. Ñäädä mmai chaca eichäcä’de aneiñaja äätädööcomo wa’cä.

MAADOCO 16:5

Äwa aca töwoomonga’comjäcä yäätä ääjömaanö cöneedantoicho shuucu, ämu’demjönö dö’se. Nuwaato awä cönä’jaacä, tajääde’de. Jooje cönääcatoncaicho yaawä.

DUUCA 20:35

Ñanno mmaane, aashicha töwei’jocoomo weijäcä caju ña naato’dedö, ñanno töwäämaajo jonno yaadonca’como, ijööta’da naato’de, tönnacontoncomo aniiñonoojo’da mmaja.

DUUCA 21:36

Yaaje yeijäcä äädai’chätääcä yeichöje; Wanaadi wwä adha’deutäcä weiñäje, tameedä mädä töweeja’dä’emö jonno määwanaacatäiye’de, Soto nnedö je’taca mä’dötäiye’de; quee cönä’döaacä Jesuuquidiito chäwwäiñe.

DOSECHO 1:15

Yaawä Peedhodo cönammöi quedeiyente antawäiñe; ñanno cönä’ja’to ijaatoodea sotooto de’wä tooni soto. Töwö Peedhodo cönä’döaacä chäwwäiñe:

2 TEESADOONISENSE 1:5

Yääje aweichöcoomo neneeja chäänönge Wanaadi tönnöe yeichö. Mädä miyeetuncaatoodö Wanaadi sotoije aweichöcoomo adheene’ju’jaato. Yääje yeijäcä mäntunaanö’aato.

JUUDHA 1:23

Anejjacoomo ’quene ewaanacaatäcä, wa’to o’wawonno ijiiñadö töweiye naichöje. Anejjacoomo mmaane wentumje ene’matääcä, odhoowadäädäiñe aweiyancädäiñeene, yoomöcoomo jadä’jödöödä ñontancädä, yää conemjönö iiñödööcomo que yeecodoimaajä.

APOOCADIISI 1:11

Edääje cönäätaacä: —Öwö ñäädä awa’deeto, yaatameedö mmaja. Yää meneea’dedö imennäcä’de jajeeda jäcä; adoojocä’de yaawä Aasiya ñancomo quedeiyentecoomo wwadäädä, ñanno aacä amoojato ijaatadööcomo naadö, ñanno Eujeeso ñancomo, Eesimiidana ñancomo mmaja, Peecamo ñancomo mmaja, Tiiyatiida ñancomo mmaja, Saadisi ñancomo mmaja, Jiidadeujiya ñancomo mmaja, Daodiseea ñancomo wwadäädäiñe mmaja imennaajä adoojocä’dede; quee cönäätaacä a’deu.

APOOCADIISI 11:13

Yaawä dea mma nono cönäätu’mei jooje. Dhantai maa yää jataawono cönaata’dojoojätöi; 7,000 soto cönä’jajoicho yää nono wätu’medö canaadöje. Yaawä ñanno yä’ja’jöncomo’jödö cönääcatoncaicho jooje; Wanaadi caju ñano o’jodhaatoje cöne’ta’to yaawä.

APOOCADIISI 14:4

Ñanno naato masuuduijemjöncomo’jödö, wodi jadä eijöncomo’jödö. Tönwanno nötaato Oweeja nnedö’cä jadä, iichotoojo waadäi. Yääwanaaca’como tönwanno soto antawonnoiñe, awa’deena’como Wanaadi sotoije eiya’como, Oweeja nnedö’cä sotoije eiya’como mmaja.

APOOCADIISI 19:14

Shootoi caju ñancomo inchäcä cönta’to cawaayu tajääde’da’como de’wä, iiñataaja’como yoomöcoomoje, camiisha aashichaato döaajä, tajääde’deiñe.

APOOCADIISI 19:8

Chäwwä u’ajä na camiisha tajääde’dato döaajä awä yeewontotoojo. Iiñataaje yoomö na, weijotä; quee cönä’döa’to ñanno caju ñancomo. Aashicha Wanaadi sotoi nödö’jocoomo cu’tädö yää camiisha tajääde’dato.

APOOCADIISI 3:18

Yääje yeijäcä edääje mänwätuuja: Öwwä ane’ca’cä oodo, wa’to que choonecaajä, äwwä töweiye yeichö wetä. Owoomö tajääde’dato mmaja ane’ca’cäde, aweewontotoojo, töwonque’da aweichö mma täne ei’ño, töjöiye mma mei’ño yaawä. Adheejichö mmaja ane’ca’cäde öwwä, adheenudu ejiichö’totoojo, töneene mä’döiye.

APOOCADIISI 3:5

Ñäädä e’jodheinchanei’jödö tajääde’dato yoomöje na’de; chäätö anaajuudä’da wa’de weichojo jajeedai’chädö jäconno. Öwö wecamma’de sootoije yeichö Jaaja wwä, Jaaja amoodedö netaadöcoomoje mmaja.

APOOCADIISI 4:4

Cajiichaana mudei awoodhecääcä cönä’jaacä anejja mude mmaja, tooni sotooto de’wä aacäichea. Yää de’wä shuucu weneeaquento tooni sotooto de’wä aacäichea inchoncomo, tajääde’dato awäiñe. Iju’jocoomo de’wä cönä’jaacä canaanadi, oodo döaajä.

APOOCADIISI 6:11

Yaawä chääwaadäiñe cönä’tui yoomöcoomo tajääde’da’como. Edääje cönäätäcammai chäwwäiñe: —Äädeetatääcä a’dhe, chääwa’cä ñanno ajimmotoncomo wä’jajoodöcoomo wa’cä, ñanno Quidiito sotoi, äwä’jajo’jocoomo nönge töwä’ja’aamo; quee chäwwäiñe cönäätäcammai.

APOOCADIISI 7:9

Yää ’jeje weneeaquento jooje soto, ime’cu’tädö e’jodhe jooje yeichöcoomo. Jiidi cönä’ja’to mude je’taca, Oweeja nnedö’cä je’taca. Ñanno soto cönä’jato tameedä nono weichö de’woncomo’jödö, tameedä soto weichöcoomo wa’cä, tameedä jata waadoinchomo’jödö, tameedä aata’deucwemjöncomo’jödö. Yoomöcoomo cönä’jaacä tajääde’deiñe; wasai adö dha’me cönä’jato.