APOOCADIISI 3:3 - Wanaadi A'deddu

³ Yääje yeijäcä ätö’tacä owoowanooma’jödö jäcä; yää tödööcä eduuwa; ätö’tajäätödö sha’duminchacä. Äädai’chä’da aweiya’jäcä adöiña wöta’de tämeenato wötäädö töweiye naichöje, ätö’tajäätödö ’nawä.

APOOCADIISI 3:3 ပူးပေါင်းရင်းမြစ်များ

MATEO 25:13

Edääje mmaja Jesuuquidiito cönä’döa’dea yaawä: —Yääje yeijäcä äädai’chätääcä, odhoowanääcäiñe’da yeijäcä Soto nnedö we’tojo anooto cu’nädö.

MAADOCO 13:33

“Yääje yeijäcä odhoowoinchadäiñe’da eichäcä; äädai’chätääcä; Wanaadi wwä adha’deutäcä, odhoowanääcäiñe’da yeijäcä yää cu’nädö.

MAADOCO 13:36

Äädai’chätääcä, jadheedä ye’a’jäcä wönö’näje mma moojodööjoto’no.

1 TEESADOONISENSE 5:2

Änwanno odhoowanääcäiñe na Cajiichaana we’tojo ätö’tajäätödööcomo ’nawä, coijai tämeenato weejödö töweiye naichöje.

1 TIIMOTEO 6:20

Tiimoteo, tösoomaane shoomacä yää äwwä cönä’tuichö. Edä nono de’wono wewäätunnäichanä wwadäädä ijaanata’da eichä, iiña mmädooto wätunnä wwadäädä mmaja. Chäänönge’da yää weichaame towaanojo’ne weiñäje soto töne’tä weneeneto.

2 TIIMOTEO 1:13

Yää chäänönge monoowanoomaneedö woije eichä, ecamjödö ’je aweiyancädä, wä’jummanä ’je mmaja, yää Jesuuquidiito jadä weiñä que naadö.

EEWEDEO 2:1

Yääje yeijäcä aashichaane ijaanataajai caato yää wätunnä queetatäänedö jäcä, choojonno mma cösaadijanto’no.

2 PEEDHODO 1:13

Chäänönge öwwä chö’tadö na nudä waadawäädä äwäätuujadööcomooje weichö, ätö’tamme’jodööcomo que,

2 PEEDHODO 3:1

Jimmä umjummadö, edä aacädeeto jajeeda wimenna äwwadäädäiñe. A’nädä ömmennädö aca ätö’tajäätödööcomo wemjaca ätö’tamme’jodööcomo que.

2 PEEDHODO 3:10

Cajiichaana we’tojo anooto ne’a’de yoomocöödö ’nawä, coijai tämeenato weejödö töweiye naichöje. Yaawä caju nataamea’de shoodö töwääta naichö wa’cä. Tameedä caju ña naadö niyaatua’de; nono mmaja niyaatua’dede, tameedä ye’wä naatoodö mmaja.

APOOCADIISI 16:15

“Etaatäcä’ma; öwö weejödö na’de ätö’tajäätödööcomo ’nawä, tämeenato weejödö töweiye naichöje. Ta’cwaiñe eijai ña ñäädä towoinchadämjönö, ñäädä töwonconaato, töwonque’da’da yeichö wetä yaawä, töjöiye yeichö queiñe.”

APOOCADIISI 2:25

Yää äwwäiñe naadö mmaane täijeene ajäichäcä, adöiña öötädö wa’cä.

APOOCADIISI 2:5

Yääje yeijäcä ätö’tacä awa’deene awei’jödö jäcä, yää choojonno töwe’ducca maadö. Ätö’tajäätödö sha’duminchacä; tönnöe mä’jaaquennö mmaja tödööcäde. Ecooneca’da aweiya’jäcä öwö adöiña wöta’de; adhaawa äwwä naadö que manenwajiiña’de, ätö’tajäätödö änsa’dumincha’da aweiya’jäcä.

APOOCADIISI 22:7

—Eduuwa mma wöta adöiña. Ta’cwaiñe eijai ña ñäädä edä a’deu jajeeda jäcä imennaajä naadö chäänönge tödöönei.

APOOCADIISI 3:11

Eduuwa mma wöta adöiña. Täijeene ajäichä yää äwwä naadö, adheeje’jödö que mma mätänwajiiñajo’no.

APOOCADIISI 3:19

Tameedä umjummadö wiyäätuujaato; wichuuseijaato dea. Yääje yeijäcä ta’neene eichä; ätö’tajäätödö sha’duminchacä.

APOOCADIISI 3:2

Äädai’chäcä. Chäänönge ajäichä yää äwwä naadö, yää mmaja manencwanno’jo’node. Chäänönge ataadawaajui aneedantä’da weiya Waanadiiyö owaadäädä.