APOOCADIISI 3:18 - Wanaadi A'deddu

¹⁸ Yääje yeijäcä edääje mänwätuuja: Öwwä ane’ca’cä oodo, wa’to que choonecaajä, äwwä töweiye yeichö wetä. Owoomö tajääde’dato mmaja ane’ca’cäde, aweewontotoojo, töwonque’da aweichö mma täne ei’ño, töjöiye mma mei’ño yaawä. Adheejichö mmaja ane’ca’cäde öwwä, adheenudu ejiichö’totoojo, töneene mä’döiye.

APOOCADIISI 3:18 ပူးပေါင်းရင်းမြစ်များ

MATEO 13:44

“Wanaadi töcaajichaanaije tödöödö na dhanwa wwä audaajä awä täjeeto etoone’taajä edantädö nönge. Yää täjeeto ta’due mma na’dua yaawä. Ta’cwaiñe töweijäcä tameedä töwwono nu’jä’a yaawä jödaata eichojooje, yää audaajä ejeematoojoje. Yää nejeema yaawä töneedantä’jödö jäcäinchädä.

MATEO 25:9

Yaawä tösejjeca’como cöneccujä’a’to; cönä’döa’to: “Ng’jn, u’jai’cha ñaa na. Äwwäiñe u’a’jäcä ñaa wwä mäntä dea mma ñaa dhawaadö unque’jä’jai ña, änwanno adhaawadööcomo mmaja. Täjeemaane aneejemaatantäcä töwäätätöijaamo döiñaiñe;” quee cönä’döa’to ñanno tösejjeca’como.

DUUCA 12:21

Mädääje töweiye nai ñäädä töwwoodono wensoma’tädö, Wanaadi emjataawä mmaane tönsomaaque’da töwö; quee cönä’döaacä Jesuuquidiito.

2 CODINTIYO 5:3

Yää cöwwäiñe na’de töwonque’da töweichö queiñe camiisha awä wewontänä töweiye naichöje.

2 CODINTIYO 8:9

Odhoowanääcäiñe aashicha Cädhaajotoncomo Jesuuquidiito nödö’jödö. Tameedä töwwä yei’jödö weichaame töwö äjääcäinchädäiñe a’cato nönge cönä’döjoi, tameedä äwwäiñe töweiye yeichö wetä yaawä töwö a’cato nönge yä’döjo’jödö que.

1 TIIMOTEO 6:18

Ñanno tönsomaaca’como yäätuujacooto, aashichaato tödöiyeto; aashichaato tödöödö queene ninshomaata’ña’to. Tamääne’da nei’ña’tode, u’coijeene.

SANTIYAACO 2:5

Etaatäcä, jimmä umjummadö. Ñanno edä nono de’wono que tönsomaaquemjöncomo Wanaadi cöneicho jooje ecamjödö chäwwäiñe töweiyaamoje. Ñanno Wanaadi sotoije naato’de, tujummannamo weicho’como ñeecamma’jödö nönge dea.

1 PEEDHODO 1:7

Yää wäntunaanö’nä aneecamjödööcomo noneeja, chäänönge yeichö eneejodö wetä. Oodo töweiye naichö naane’, töwaatameemöje yeichaame wa’to que choonecaadö. Töwaacö’je aneecamjödööcomo, oodo e’jodhe’cä täje yeiyajä. Chäänönge aneecamjödööcomo wääneja’jäcä Wanaadi äjääcäiñe aashicha na’deuwa’de yaawä, awa’deme’cato’dede, aashicha ayöödöaato’dede, Jesuuquidiito wääneja’jäcä.

APOOCADIISI 16:15

“Etaatäcä’ma; öwö weejödö na’de ätö’tajäätödööcomo ’nawä, tämeenato weejödö töweiye naichöje. Ta’cwaiñe eijai ña ñäädä towoinchadämjönö, ñäädä töwonconaato, töwonque’da’da yeichö wetä yaawä, töjöiye yeichö queiñe.”

APOOCADIISI 19:8

Chäwwä u’ajä na camiisha tajääde’dato döaajä awä yeewontotoojo. Iiñataaje yoomö na, weijotä; quee cönä’döa’to ñanno caju ñancomo. Aashicha Wanaadi sotoi nödö’jocoomo cu’tädö yää camiisha tajääde’dato.

APOOCADIISI 2:9

Yoowanääcä na tameedä ännödö, yeetunu eneedö äwwä, tönsomaaque’da aweichö mmaja, Wanaadi nödöödö jäcä tönsomaaque aweichaame jooje. Yoowanääcä na adheementädö ñanno judhíoja’como wätä’tädö wwäiñe, judhíoje’da töweichaameiñe, Caajuushawa sotoiñe.

APOOCADIISI 3:17

Edääje äwä’dödö amäädä: “Tönsomaaque wa öwö; jooje öncana’cadö na. Tujummaamö ’je’da na eduuwa öwwä;” quee äwä’dödö. Yaawääne’ äntö’tammecö’da ma wentumje aweichö, ema’jödööje aweichö mmaja, tönsomaaque’da aweichö mmaja, tänuuque’da aweichö mmaja, töwonque’da aweichö mmaja.

APOOCADIISI 4:4

Cajiichaana mudei awoodhecääcä cönä’jaacä anejja mude mmaja, tooni sotooto de’wä aacäichea. Yää de’wä shuucu weneeaquento tooni sotooto de’wä aacäichea inchoncomo, tajääde’dato awäiñe. Iju’jocoomo de’wä cönä’jaacä canaanadi, oodo döaajä.

APOOCADIISI 7:13

Yaawä tooni inchomo cönä’döaacä öwwä: —¿Änä’camo canno tajääde’deiñe yoomöcoomo naadö? ¿Äshancomo we’a’como canno? quee cönä’döaacä.