APOOCADIISI 3:10 - Wanaadi A'deddu

¹⁰ Ya’deddu woije aashicha tönshinchä awei’jödö weijäcä, öwö adhentunaanö’jo’da wa’de yeetunu eneedö cu’nädaawä, yää yeetunu tameedä nono de’woncomo neneeaato’dedö.

APOOCADIISI 3:10 ပူးပေါင်းရင်းမြစ်များ

MATEO 24:14

Aashichaato wätunnä, yää Wanaadi töcaajichaanaije tödöödö jäcoono, nätääcammajä’a’de tameedä jata weichö wa’cä, tameedä sotoocomo netaadöcoomoje. Yaawä jeene na’de anooto wataamedö.

MATEO 26:41

Äädai’chätääcä; Wanaadi wwä adha’deutäcä, mä’yunaacajooto’no. Jäduuje awei’she aweichaameiñe, ajuunucoomo mmaane jäduuje’da na; quee cönä’döaacä Jesuuquidiito.

MATEO 6:13

Ñaa mäiñunaacajoi’che; tösancwajoone ñaa sancwajoocä conemjönö jonno. Ñäädä mma amäädä Cajiichaana Jäduujato, aashichato wa’deuto’mato mmaja, yeichöödäje. Amén; quee caichäcä’de.

MAADOCO 14:9

Chäänönge yääje wä’döa äwwäiñe, tameedä yeichö wa’cä edä nono de’wä aashichaato wätunnä ecammajäätödaawä, määdhä wodi nödö’jödö mmaja necammaato’dede, töwö chääjäcä soto chö’tajä’to’comooje; quee cönä’döaacä Jesuuquidiito.

DUUCA 2:1

Yaawä acu’shänä Awuutu tameedä jata weichö wa’cä soto cömme’cu’täja’to, chäätöcoomo tömennä.

JUAN 17:6

“Aashicha aweichö öwö weneejone ñanno edä nono de’woncomo antawonnoiñe öwwä mu’netoodö wwäiñe. Amäädä äwwoncomooje cönä’ja’to; öwwä mu’neto yaawä. Tönwanno adha’deddu woije cönnöicho.

DOMAANO 1:8

Edääje wä’dö’se wa awa’de: Jesuuquidiito joi aashicha töwa’deuwe wäänene Waanadiiyö wwä äjääcäinchädäiñe, tameedä yeichö wa’cä tacaade aweijäcäiñe Wanaadi töneecanö’e aweichöcoomo.

1 CODINTIYO 10:13

Yää wä’yunaacanä ojoonaiñe töwe’e weneenedö tameedä soto noneejaatöcoomo dea yää. Chäänöngato ñäädä Wanaadi, töwö ayuunacaajotäiñe’da na adhe’jodheena’como que. Äwä’yunaacajoodöcoomo waadäi töwö Wanaadi nu’a äwwäiñe e’jodheinchatoojo, yää shinchädö wetä äwwäiñe.

EUJEESIYO 6:13

Yääje yeijäcä tameedä tödöötäcä Wanaadi nutuudu owoowontoto’como, conemjönö cu’nädaawä jäduuje meichäiye. Yaawä tameedä äwwäiñe tödööemö tödööa’jäcä, yäätäädä eijai maato.

2 TIIMOTEO 2:12

Chääjadä cöwäntunaanö’a’comjäcä, chääjadä cajiichaanaje caato’dede. Ijoome’da’jäcä cöwwäiñe, töwö mmaja cöjoome’daato’dede.

SANTIYAACO 3:12

Jimmä, cujeedi ejeedödööje eijai’cha na waju’nä ejeedödö. Waju’nä ejeedödööje eijai’cha na dea anejja dee ejeedödö. Chäänönge mmaja tuna, yää wätunnacaichadö ai chea äänönge’da eja’ca’da töweiye nai, saayu ’je aneedawä, aashicha aneedawä, quee ei’cha.

1 PEEDHODO 4:12

Jimmä umjummadö, cone’da ä’döjo’da eichäcä joojato conemjönö odhoonejaato’como äjääcäiñe yä’dödaawä; yääje töweiyaamoje’da aweiyaatäiñe mma määcanö’täi’che.

2 PEEDHODO 2:9

Mädääje Wanaadi ñanno cöneewanaacaicho. Töwö dhowaanäcä na dea töwoija’como ewaanacaadöcoomo yä’yunaacajoodöcoomo jonno. Töwö dhowaanäcä mmaja töwoijemjöncomo maminchadööcomo, wätä’maminchajootojo anootoi’chädö neene jona tödööene.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 11:10

Nono de’woncomo na’cwainchaato’de yaawä yä’jajo’jocoomo weijäcä. Täjemjönö’cä nu’jä’aato’de töjimmä wwäiñe, ta’cwaiñe töweichöcoomo e’nei, nono de’woncomo yuunacannamooje yei’jocoomo weijäcä ñanno aaco’como Wanaadi wa’deuwödö ecammannamo.

APOOCADIISI 13:10

Ñäädä jedeesoje soto tödöönei jedeesoje mmaja nä’döja’de; ñäädä sauda que soto emaanei sauda canaadöje mmaja nääma’de. Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja.

APOOCADIISI 13:14

Töwö odoocojaato nono de’woncomo cönencu’toicho täneemö tönnödö que. Chäwwäiñe cönnöjoi awa’deeto odoocojaato cu’taajä. Chäwwä yääje soto tödööto’como u’ajä cönä’jaacä awa’d eto odoocojaato neneedöje, ñäädä sauda que töwäätunui’chä’jödö weichaame cönaadoincaichö.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.

APOOCADIISI 14:12

Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja, tameedä ñanno Wanaadi waanontädö tödönnamo, Jesuuquidiito ecaanö’nnamo dea; quee cönä’döaacä ñäädä aaduwaawoto amoode.

APOOCADIISI 14:6

Weneeaqueene yaawä anejja amoode waiñömöödö caju dacääcä. Yeichöödoto aashichaato wätunnä dha’me cönä’jaacä nono de’woncomo wwäiñe täcammajä’emö, tameedä soto weichöcoomo wwäiñe täcammajä’emö, ñanno tameedä nono weichö de’woncomo, aata’deucwemjöncomo, tameedä jata waadoinchomo.

APOOCADIISI 16:14

Ñanno cönä’ja’to odo’shancomo. Tönwanno ene’ju’tojo tönnöe cönä’ja’to. Cajiichaanacoomo wwadäädä cöntonto tameedä nono weichö wa’cä, i’jummaiñe, töweewänä’tädööcomo wetä Wanaadi jäduujato nichu’nä’tä’jödö anootoi’chädö awä.

APOOCADIISI 17:2

Ñäädä jadä edä nono de’woncomo cajiichaanacoomo cömmasuuduichaicho. Edä nono de’woncomo soto cönä’dacuicho chääjedöödö eccudu inchudu que, yää imaasuduichadö cu’tädö; quee cönä’döaacä ñäädä amoode öwwä.

APOOCADIISI 17:8

Ñäädä odoocojaato meneeannö jenaadä cönä’jaacä; eduuwa mmaane ei’cha na. Töwö neja’ca’de ya’tadö inwadö ’jemjönö acanno, töwännanö’emööje mma. Ñäädä eneedö’jo nono de’woncomo nääcatoncaato’de, ñanno weichojo jajeedai’chädö jäcä chäätö ’jemjöncomo edä nono tödö’jödö jonnoto’jödöödä. Ñäädä odoocojaato jenaadä töwei’jödö weichaame eduuwa ei’cha na; yaawääne, äcuude töweiyemööje dea na.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.

APOOCADIISI 3:8

Yoowanääcä na tameedä ännödö. Odhoowajo mönaatata wata’ducaajä wödööa; anejja a’dujai’cha na äwwä. Jäduuje’daiche aweichaame ya’deddu ane’nomja’da meiyaqueene; joome’dä’da meiyaquennea.

APOOCADIISI 6:10

Tönwanno töcä’de cöna’deuwa’to; cönä’döa’to: —¿Ächännauwä’coto mädä, amäädä Cajiichaana aashichaato, chäänöngato mmaja, ñaa jo’tä’da manä nono de’woncomo jäcäiñe, ñaa jajo’jödö jäcä? quee cönä’döa’to.

APOOCADIISI 8:13

Weneeaqueene yaawä amoode, caju dawä waiñönnäje. Töcä’de cöna’deuwacä; cönä’döaacä: —Jooje wentumje naato’de nono de’woncomo, canno aaduwaawä amoode wäädetööa’como naatoodö wwäiñe töjaanau’cwaichomo etööa’jäcä; quee cönä’döaacä.