APOOCADIISI 22:9 - Wanaadi A'deddu

⁹ Yaawä töwö cönä’döaacä öwwä: —Ng’jn; mädääje’daane. Wanaadi anoonö öwö dea, anöngato mmaja, ajimmotoncomo nönga’como mmaja, ñanno Wanaadi wa’deuwödö ecammannamo, edä jajeedä jäcä naadö tödönnamo. Wanaadiiñe ya’deme’cä; quee cönä’döaacä ñäädä amoode öwwä.

APOOCADIISI 22:9 ပူးပေါင်းရင်းမြစ်များ

MATEO 4:9

Odo’sha cönä’döaacä Jesuuquidiito wwä: —Tameedä mädä iiñataaje naadö äwwä u’jai wa wa’demeecödööje tä’mudhe äwä’döa’jäcä je’taca; quee.

DUUCA 4:7

Wa’demeecödööje tä’mudhe äwä’döa’jäcä je’taca, tameedä mädä ännödööje na’de; quee cönä’döaacä odo’sha.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

APOOCADIISI 1:1

Edä yää Jesuuquidiito neneejo’jödö, Wanaadi nutuudu chäwwä, tanoonö wwäiñe eneejodö wetä, eduuwa mma töweeja’dä’emö. Töwö Jesuuquidiito tamoodedö cönaanontäi tanoonö Juan wwä ecammajä’e.

APOOCADIISI 1:11

Edääje cönäätaacä: —Öwö ñäädä awa’deeto, yaatameedö mmaja. Yää meneea’dedö imennäcä’de jajeeda jäcä; adoojocä’de yaawä Aasiya ñancomo quedeiyentecoomo wwadäädä, ñanno aacä amoojato ijaatadööcomo naadö, ñanno Eujeeso ñancomo, Eesimiidana ñancomo mmaja, Peecamo ñancomo mmaja, Tiiyatiida ñancomo mmaja, Saadisi ñancomo mmaja, Jiidadeujiya ñancomo mmaja, Daodiseea ñancomo wwadäädäiñe mmaja imennaajä adoojocä’dede; quee cönäätaacä a’deu.

APOOCADIISI 14:7

Ñäädä amoode töcä’de cöna’deuwacä; cönä’döaacä: —Wanaadi ñontätääcä; o’jodhaatoje e’tätääcä. Soto emmencato’como cu’nädö mädä eduuwa chäwwä. Ya’deme’täcä ñäädä caju tödöönei’jödö, nono mmaja, dama mmaja, tuna juduucomo dönei’jödö mmaja; quee cönä’döaacä ñäädä amoode.

APOOCADIISI 15:4

¿Änääcö onontä’da eichöde’, amäädä Cajiichaana? ¿Änääcö o’jodhaatoje adhe’tä’da eichöde’? ñäädä mmaane aweiyajä aashichaato. Tameedä sotoocomo ne’aato’de äwwadäädä; awa’deme’caato’de, chäänönge aweichö tacaade yeijäcä; quee soto cöneecanta’ña’to.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.

APOOCADIISI 22:10

Edääje mmaja cönä’döa’dea öwwä: —Mädä Wanaadi a’deddu imennaajä, jajeeda jäcä naadö, mana’dui’che yeeja’do’tojo cu’nädö amoinche’da yeijäcä.

APOOCADIISI 22:18

Öwö edääje wä’döa tameedä edä Wanaadi a’deddu imennaajä naadö etannamo wwäiñe: Ñäädä edä a’deu imennaajä ejannä’nei’jödö nätä’maminchaja’de Wanaadi wwä edä jajeedä jäcoono wäntunaanö’nä ñeecammadö que.

APOOCADIISI 22:7

—Eduuwa mma wöta adöiña. Ta’cwaiñe eijai ña ñäädä edä a’deu jajeeda jäcä imennaajä naadö chäänönge tödöönei.

APOOCADIISI 4:10

Yääje ya’deuwödööcomo waadäi, ñanno tooni sotooto de’wä aacäicheea’como inchoncomo tä’mudhe nä’döaato ñäädä mude de’wä shuucu naadö je’taca; niya’deme’caato ñäädä Yeichöödoto. Töcaananaadiyööcomo mude o’wawä tödöödö’jo edääje necanta’ñaato:

APOOCADIISI 9:20

Ñanno soto, yääcomo awä ä’ja’jöncomo’jödö, tötö’tajäätödööcomo änsa’dumincha’da dea cöneiya’to; aneetöma’da cöneiya’to dea conemjönö tönnödööcomo. Odo’shancomo wa’demeecödö mmaja ane’nomja’da cöneiya’to dea, chu’taajä wa’demeecödö mmaja, yää oodo döaajä, jödaata döaajä mmaja, sejaadadi döaajä mmaja, täju döaajä mmaja, dee döaajä mmaja; yää aneenejöönö, aneetajöönö mmaja, oojoimajöönö mmaja.