APOOCADIISI 22:4 - Wanaadi A'deddu

⁴ Tönwanno Wanaadi jedö neneeaato’de. Chäätö imennaajä na’de ijaawäiñe.

APOOCADIISI 22:4 ပူးပေါင်းရင်းမြစ်များ

MATEO 5:8

“Ta’cwaiñe eijai ñaato ñanno masuuduijemjöncomo tö’tajäätödö; tönwanno Wanaadi neneeaato’de.

JUAN 12:26

Ñäädä sootoije töwei’shato waanontädö woije nödö’ñojo; öwö weichö dö’tä mmaja sootoi ña’de. Ñäädä öwö woije tödöönei jäcä Jaaja nödööa’de aashichaato.

JUAN 17:24

“Jaaja, canno öwwä mu’netoodö öwö weichojo dö’tä mmaja yei’sheiñe waato, o’jodhe weichö eneiyeto yaawä, yää äwwä jummadö weijäcä öwwä mu’nedö edä nono tödöödö owaajodä.

1 CODINTIYO 13:12

Mädääje caato eduuwa; jecuude ca’dutuujato aca wääne’manä töweiye naichöje queene’maato. Yaawä mmaane chäänönge jeene queene’maato’de. Eduuwa äächädämma sejjedö na; yaawä mmaane tameedä yoowanääcä na’de, Wanaadi owaanäcä waadö wa’cä mmaja.

EEWEDEO 12:14

Tameedä soto jäcä äätu’dedööje’da aweicho’como encano’tätääcä, aashicha aweiyancädäiñe. Ñäädä aashicha yeichö ’jemjönö Cajiichaana aneene’da na’de.

APOOCADIISI 14:1

Yää ’jeje wene’maaquene yaawä; weneeaqueene Oweeja nnedö’cä, jiidi, Siyon ’jödö de’wä. Chääjadä cönä’ja’to shootoi, 144 miide. Oweeja nnedö’cä eetö tömennä cönä’jaacä ijaawäiñe, Yuumö eetö mmaja.

APOOCADIISI 3:12

Ñäädä e’jodheinchanei’jödö yeichöje wijaata’täja’de Waanadiiyö jadä, Wanaadi weichojo mu’dudui ääseca’da töweiye naichöje. Waanadiiyö eetö wimenna’de chääjäcä, Waanadiiyö jataadö eetö mmaja, yää Jeduusadén ñano eduuwaato, Waanadiiyö jonnoto caju ñanno töwä’täämö. Öwö yeetö eduuwaato mmaja chääjäcä wimenna’dede.

APOOCADIISI 7:3

—Äcuudemma, awa’dennodämma nono moncone’matäi, dama mmaja, chuuta mmaja, tuna mmaja, ijaawäiñe Wanaadi sotoi imaadaca’ñädööcomo wa’cä ñaa wwä; quee cönä’döaacä.