APOOCADIISI 22:2 - Wanaadi A'deddu

² Jata antaiño ääma tai cöntaacä yää tuna. Tuna jawä cönä’jaacä dee natö’taajä, weichojo dee, ääje’tacamjo. Nuunä waadäi cöneejössetaacä, amoojadooto de’wä aacäde, wedu waadäi. Dhadö cönä’jaacä sotoocomo ejiichöcoomoje.

APOOCADIISI 22:2 ပူးပေါင်းရင်းမြစ်များ

DUUCA 4:18

Epíiditu Santo ’je wa; Cajiichaana Wanaadi ye’täne wentumja’como wwäiñe aashichaato wätunnä ecammajä’neije. Töwö yaanontäne wentumja’como tö’tajäätödö i’wa’täiñe, jedeesoja’como tö’tajäätödö i’wa’täiñe mmaja, tänuuquemjöncomo enu’täneichomooje mmaja; yäntunamjödööcomo i’wa’täneichomooje mmaja töwö yaanontäne dea,

1 PEEDHODO 2:24

Quidiito dea cöcoone’nadiiyöcoomo töjääcä cönshinchäi cuduusa jäcä töweichö, conemjönö tödöödö jäcä yäämaajä nönge cöweichöcoomo wetä, aashichaato mmaane tödööcoije cöweichöcoomo wetä. Töwö yäätunui’chä’jödö que töwääjichö’tä maato.

APOOCADIISI 2:7

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö nameedöje wänu’a’de weichojo ejeedödö, yää Wanaadi jataawä Aashichaato ña naadö;” quee cönä’döaacä öwwä ñäädä soto nnedö nöngato.

APOOCADIISI 21:21

Iiñata’tadö cönä’jaacä amoojadooto de’wä aacä, mayuudu tajääde’dato nöngato döaajä. Ääma cönä’jaacä oodo iiñataajato döaajä, ta’dawaane, jeteiye töweiye naichö wa’cä.

APOOCADIISI 21:24

Ñanno sotoocomo, yääwanaaca’jocoomo, naato’de jata niyeijodö nataawä. Nono de’woncomo cajiichaanacoomo nomongaato’de yää jataaca, tönnödööcomo täjeeto dha’me. O’jodhaatoje yää jata ne’taato’de.

APOOCADIISI 22:1

Yaawä ñäädä amoode öwwä cöneenejoi weichojo tunai’chädö, Wanaadi mudei dö’tonnoto weja’cadö, Oweeja nnedö’cä mudei dö’tonnoto mmaja. Yää tuna cönä’jaacä acuuwena; ta’dawaane cönääneaacä, widiiqui töweiye naichö wa’cä.

APOOCADIISI 22:14

Ta’cwaiñe eijai ñaato ñanno töwoomöcoomo choccannamo’jödö, weichojo ejeedödö ameedö wetä töwwäiñe, jata nata’tadö ai töwoomomöödöcoomo wetä mmaja.

APOOCADIISI 22:19

Ñäädä ’quene edä a’deu imennaajä naadö dhantai antaiñuncanei’jödö Wanaadi niiñaca’de jata aashichaato aca yeichojoojato’jödö, yää edä jajeedä jäcä imennaajä naadö. Töwö Wanaadi ñäädä eetö najuuda’de weichojo jajeedai’chädö jäconno.