Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




APOOCADIISI 22:11 - Wanaadi A'deddu

11 Ñäädä conemjönö tödöönei, conemjönö tödöödöje dea nei’ñojo’de. Ñäädä nossajaato tö’tajäätödö, nossaje dea nichö’tajäätö’ñojo’dede. Ñäädä chäänöngato, chäänöngeedä nei’ñojo’de. Ñäädä aashichaato, aashichaadä nei’ñojo’dede; quee cönä’döaacä ñäädä amoode.

အခန်းကိုကြည့်ပါ။ ကော်ပီ




APOOCADIISI 22:11
22 ပူးပေါင်းရင်းမြစ်များ  

Mädääje nei’ña’to. Tönwanno tänuuque’da naato, tänuuquemjöncomo mmaja ne’se’taato. Tänuuquemjönö wwä tänuuquemjönö mmaja adääa’jäcä, a’nädä ejuccajai ñaato yaawä sö’jato aca; quee cönä’döaacä.


Ääma dö’tä waju’nä ñaatö’taajä cöneedantäi. Cöntämä yaawä chäwwadäädä. Täjösse’da cöneedantäi yaawä, dhadö’jödö mma jooje. Töwö cönä’döaacä waju’nä wwä: —Ejössata’da ma’de yeichöje; quee cönä’döaacä. Yääje ya’deuwö’jödö ncäcäädä mma yää waju’nä cuiñu’tai yaawä.


Tödhaawadööcomo ejeemataame ñanno aneene’jutu’jöncomo wwäiñe töjöötaamö cönä’döi yaawä. Ñanno chäänönga’como’jödö cönoomomöicho yaawä chääjadä jötaatojo taca. Mönaatata cönaata’dui yaawä.


Mädääje Oomotoncomo caju ñano nnedööje eijai maato. Töwö shii tömja’canö’jo weneene tameedä soto weiyuuducoomoje, aashicha’como weijoneichomooje, conemjöncomo jadä’jödöödä. Yääje mmaja conoojo tönne’jo weneene dea aashicha’como jäcäiñe, conemjöncomo jäcäiñe mmaja.


“Ta’cwaiñe eijai ñaato ñanno chäänönge töwei’sha’como, töwoocödö enö’se weiñä naichöje, ämiije weiñä naichöje mmaja; chäänönge yeicho’como chäwwäiñe nä’tua’de.


Edääje mmaja Jesuuquidiito cönä’döa’dea chäwwäiñe: —Öwö wöta’de; änwanno a’que cujiiyato’de. Mä’ja’aato’de ocoone’nadiiyöcoomo ’je dea. Öwö öötotoojo döiña täjai’cha maato; quee cönä’döaacä.


Yaawä töwö Quidiito towaadäädä quedeiyentecoomo nödööaato’de aashicha yeichöcoomo ’je, conemjönö ’je’da mmaja, chäänöngemjönö ’je’da mmaja, tameedä yää nöngato ’je’da mmaja, tösoomaiñeene, chäänöngeiñe mmaja.


Quidiito wäämadö que, yaawä sotooje cönä’ja’dawä cönäämaichö. Töwö Wanaadi mädääje ayöödötääne töwwonooje aweichöcoomo wetä, tösoomaiñe, conemjönö ’je’da mmaja, täcammajä’aamoje’da mmaja.


Ñanno conemjöncomo mmaane, äncu’tännamo mmaja, cone’da töweichöcoomo jonno jooje’cä mma necoone’maato’de; äncu’tännamo tönwanno, yäätäncu’täja’como mmaja.


Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.


Yaawä caju ñanno i’chajö adai’jocoomo cönä’mei soto de’cäcäiñe. Tamiiñeiñe cönä’jaacä, aaduwaawä saacuto jiyooto ’cäwa’cä. Wanaadi jäcä cone’da soto cöna’deuwöicho yaawä i’chajö que tömaaminchadööcomo e’nei, jooje cone’da yeijäcä.


A’que na’de cone’da täcammaamö. Yäätä na’de Wanaadi mudei, Oweeja nnedö’cä mudei mmaja; shootoi niya’deme’caato’de.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ