APOOCADIISI 22:1 - Wanaadi A'deddu

¹ Yaawä ñäädä amoode öwwä cöneenejoi weichojo tunai’chädö, Wanaadi mudei dö’tonnoto weja’cadö, Oweeja nnedö’cä mudei dö’tonnoto mmaja. Yää tuna cönä’jaacä acuuwena; ta’dawaane cönääneaacä, widiiqui töweiye naichö wa’cä.

APOOCADIISI 22:1 ပူးပေါင်းရင်းမြစ်များ

JUAN 13:32

Aashicha Wanaadi weichö töneenejo weijäcä eduuwaiche mma töwö neneeja dea aashicha öwö weichö.

JUAN 15:26

“Ä’wa’täneichomo we’a’jäcä, ñäädä äwwadäädäiñe wanonta’dedö, töwö aashicha necammajä’a’de öwö jääcä. Jaaja nanontädö ñäädä Epíiditu Santo, chäänöngato a’deu edhaajä.

JUAN 4:14

Öwö untudu ennei mmaane emjätö’se’da na’de yaawä yeichöje. Öwö untudu na’de tuna weja’catoojo nönge yo’taca, yeichöödäje yeichojooje; quee cönä’döaacä Jesuuquidiito.

DOSECHO 2:33

Töwö Jesuuquidiito caju ña cönaatannä’joi yaawä; Wanaadi nnäcä na eduuwa, ämu’demjönö dö’se. Yuumö cuntui chäwwä Epíiditu Santo, ñäädä töneecamma’jödö dea. Tameedä mädä mene’maatoodö, metaatoodö mmaja, Jesuuquidiito nutuudu woije na.

APOOCADIISI 1:1

Edä yää Jesuuquidiito neneejo’jödö, Wanaadi nutuudu chäwwä, tanoonö wwäiñe eneejodö wetä, eduuwa mma töweeja’dä’emö. Töwö Jesuuquidiito tamoodedö cönaanontäi tanoonö Juan wwä ecammajä’e.

APOOCADIISI 21:11

Wanaadi nnataadö chääjäcä cönä’jaacä. Ta’dawaane cönääneaacä yää jata, yaamante täjeeto wa’cä. Jáasepe nönge cönä’ja’dea, widiiqui wa’cä mmaja ta’dawaane yeichö.

APOOCADIISI 21:6

Yaawä töwö cönä’döaacä öwwä: —Tödööe na. Öwö ñäädä awa’deeto, yaatameedö mmaja. Ñäädä emjätö’sato wwä täje’da wänu’a’de weichojo tunai’chädö, yää acuuwena weja’cadö.

APOOCADIISI 21:9

Yaawä öwwadäädä amoode cöneejä, ñanno aacä amoojato’como amoode jimmä, ñanno aacä amoojato cancudu dha’me cönä’ja’todö, yää wätä’maminchanä yaatameetojo cu’tädö. Ñäädä amoode cönä’döaacä öwwä: —Ä’cäde sadä, yäätöiñonooajä weneejoiye äwwä, ñäädä Oweeja nnedö’cä jiñamo; quee cönä’döaacä.

APOOCADIISI 22:17

Epíiditu Santo mmaja, Oweeja nnedö’ca jiñamo mmaja edääje nä’döaato: —Ä’cäde; quee. Ñäädä etaanei mmaja mädääje ä’döjai ña dea: —Ä’cäde; quee. Ñäädä emjätö’sato neejö’ñojo; ñäädä enö’sato weichojo tunai’chädö nenö’ñojo, täje’da.

APOOCADIISI 22:6

Yaawä ñäädä amoode cönä’döaacä öwwä: —Chäänöngato a’deu mädä, täcaanö’emje mmaja. Cajiichaana Wanaadi, ñäädä ta’deddu ecammannamo tö’tajäätödö edhaajä, tamoodedö cönaanontäi tanoonö wwäiñe eneejo yää eduuwa mma töweeja’dä’emö; quee cönä’döaacä.

APOOCADIISI 3:21

Ñäädä e’jodheinchanei’jödö öwö jaadä wödööa’de cajiichaanaje. Yääje mmaja we’jodheinchane öwö; cajiichaanaje wä’döne dea yaawä Jaaja jadä.

APOOCADIISI 5:13

Yääje mma yaawä tameedä Wanaadi namoode’nädö wa’deuwödööcomo wetaaquennea, caju ñancomo mmaja, nono de’woncomo mmaja, co’dhejeiñancomo mmaja, dama ’cwaca naatoodö mmaja, tameedä. Tönwanno cönä’döa’to: Mä’dä mude de’wä shuucu naadö, mä’dä Oweeja nnedö’cä mmaja, aashicha wa’deutojooje naato, aashicha tödööto’me mmaja, o’jodhaatoje tä’täämöje mmaja, jäduujatooje täcammaamöje mmaja, yeichöödäje; quee cönä’döa’to.

APOOCADIISI 5:6

Yaawä inchoncomo antawäiñe weneeaqueene Oweeja nnedö’cä, jiidi, amiiñä’caajä nönge. Cajiichaana mudei yö’tä töwö cönä’jaacä, ñanno aacäicheea’como amoode’na’como dö’täiñe mmaja. Yeetai cönä’jaacä aacä amoojato, aacä amoojato mmaja chäänudu. Yää chäänudu na aacä amoojato’como Epíiditu cu’tädö, tameedä nono weichö wa’cä Wanaadi nanontädö naatoodö.

APOOCADIISI 7:17

Oweeja nnedö’cä tädai’chäneichomooje yeijäcä, ñäädä mude dö’tä naadö. Töwö nadääaato’de acuuwena judu wwadäädä, yää weichojo tuna. Wanaadi nichocca’de yaawä tameedä chäänacuuducoomo; quee cönä’döaacä inchomo öwwä.