APOOCADIISI 21:8 - Wanaadi A'deddu

⁸ Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.

APOOCADIISI 21:8 ပူးပေါင်းရင်းမြစ်များ

MATEO 10:28

Aji’jä emaanei monnontätäi’che; odo’tadö emaajai’cha na töwö. Ñäädääne ñontäjai maato, odo’tadö jadä’jödöödä wa’to nwaca adheemajaichoone.

MATEO 25:25

Yääje yeijäcä monnontaaquene; ajöödatai wetoone’täne yaawä nono aca. Edä na yää ajöödatai;” quee cönä’döaacä.

MATEO 8:26

Jesuuquidiito cönä’döaacä: —¿Ane’que’nei tösaade maato dea? ¿She’caasa mma ca aneecamjödööcomo nai? quee. Yääje mma yaawä töwö cönammöi. Jejeichä cöneedennanö’joi, tuna mmaja. Tameedä uncwe’da cönä’jaacä yaawä.

MAADOCO 9:44

Dhacöödö ääma’da iiña, wa’to unqueejö’da mmaja, yeichöje.

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

2 TEESADOONISENSE 2:9

Ñäädä conemjönö edhaajä we’ajä na’de Caajuushawa woije. Töwö jäduuje na’de. Ene’ju’tojo nödööjä’a’de, täneemö mmaja, soto encu’toto’comooje.

1 TIIMOTEO 4:2

Tönwanno nätäncu’täjaato’de juutuja’como weshi’jodööcomo que. Ñanno juutuja’como naato chö’tajäätödööcomo töweecone’ma, yaatuaajä töweiye naichöje.

TIITO 1:16

Tönwanno Wanaadi ecaanö’nnamooje yäätä’tädööcomo; iiñödööcomo que mmaane täne’ju’dhe naato yeeshi’jodööcomooje yeichö. Töweecone’ma naato, töwäätuujacoone’da mmaja; she’caasa aashichaato tödööjai’cha mmädä naato.

EEWEDEO 12:24

Jesuuquidiito wwadäädä mmaja, ñäädä eduuwaato weiñä ecammaajä chäänönge tödöönei. Dhaquiiyö encu’shiimaajä wwadäädä mmaja me’täne dea, Aweede saaquidiijiisiyoi’chädö aquiiyö e’jodhaato.

EEWEDEO 13:4

Tönoiñe jötaanä tödöötäcä. Masuuduije’da tö’dha’como nei’ña’to, töiñoca’como mmaja. Ñanno masuuduija’como nätä’maminchajaato’de Wanaadi wwä.

1 JUAN 2:22

¿Änääcö ñäädä töwä’dunaato, quee ’ja? Ñäädä Jesuuquidiito Äwaanacaaneije yeichö ijo’me’dänei, ñäädä ñäädä töwä’dunaato. Yääjato wä’dödö töwä’dunaato ñäädä, Quidiito tu’de’tänei mmaja, Cumöötoncomo tömjome’dä yeijäcä, Iiñedö tömjome’dä yeijäcä mmaja.

1 JUAN 3:15

Ñäädä töweichacoono chiiñeme’nei, soto emaanei wa’cä mmaja na dea ñäädä. Änwanno odhoowanääcäiñe na soto emaanei weichö töwaatamemjönö ’je’da yeichö.

1 JUAN 5:10

Ñäädä Wanaadi nnedö ecaanö’nei yääje mmaja nichö’tajä’a dea. Ñäädä Wanaadi aneecanö’jönö mmaane Wanaadi töwä’dunaatoje ne’ta, Tönnedö jäcä Wanaadi necamma’jödö aneecamjö’da töweichö que.

APOOCADIISI 14:10

ñäädä chääjedöödö eccudu nenga’de yaawä, yää Wanaadi nejoodödö ijeenato, cancudu aca accaajä, yää tumjunne’da Wanaadi wwä wätä’maminchajoonä cu’tädö. Ñäädä odoocojaato ya’deme’nei’jödö nätä’maminchaja’de wa’to nwaca, jiyooto comootödö ña, Wanaadi amoodedö neneedöcoomoje, Oweeja nnedö’cä neneedöje mmaja. Iiña wedeinchä nengaato’de, acuudajaada dhatu’jödö jodö joqque.

APOOCADIISI 19:20

Ñäädä ecammajä’nei chäänöngemjönö yäätä cönä’ja’dea, ñäädä odoocojaato neneedöje ene’ju’tojo tönnöe cönä’ja’dö. Töwö yää ene’ju’tojo tödöödö que tönencu’täiñe cönä’jaacä odoocojaato eetö que yä’madaaca’ña’como, ñanno chu’taajä ya’deme’nnamo. Yaawä ñäädä odoocojaato cönaatajoijoi chäwwäiñe, cawaayu tajääde’dato de’wä cönä’ja’dö wwäiñe. Ecammajä’nei chäänöngemjönö mmaja cönaatajoijoi chea. A’nädäncädä nudäädä cönäätämaajoicho jiyooto comootödö ña. Iiña wedeinchä nengaato’de, acuudajaada dhatu’jödö jodö joqque.

APOOCADIISI 2:11

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö onooneja’da na’de yää ’jejaato wäämanä;” quee cönä’döaacä öwwä ñäädä soto nnedö nöngato.

APOOCADIISI 2:2

Yoowanääcä na tameedä ännödö, jooje ataadawaajui weichö mmaja, aashicha tönshinchä aweichö mmaja, conemjöncomo etaajai’cha aweichö mmaja. Amäädä mene’ju’neto ñanno anontaajäja’como wätä’tädö, ñannojöönö töweichaameiñe. Töwä’duna’comooje yeichöcoomo medantäneeto.

APOOCADIISI 21:27

Conemjönö ataamonno’jo’da na’de yää jataaca yeichöje. Omoomö’da naato’de nossaja’como tö’tajäätödö, äncu’tännamo mmaja. Ñanno mmaane nomongaato’de, chäätöcoomo töweiya’como Oweeja nnedö’cä jajeedai jäcä, yää weichojo jajeedai’chädö jäcä.

APOOCADIISI 22:15

Aneecanö’jöncomo mmaane jödo’na naato’de, jöwaiñamo mmaja, masuuduija’como mmaja, soto emannamo mmaja, chu’taajä ya’deme’nnamo mmaja, tameedä äncu’tännamo mmaja.

APOOCADIISI 9:17

Edääje weneeaquento ñanno cawaayu, yää ene’madaawä öwwä: Ye’woncomo cönä’ja’to sejaadadi döaajä tö’do’wäiñe, seweichato, sheenato mmaja, cönooto a’cödööjato mmaja. Cawaayu ju’jocoomo cönä’jaacä cawaadiimä ju’jä nönge. Inchaiñe cöneeja’caacä wa’to, wedeinchä mmaja, acuudajaadä dhatu’jödö joccato mmaja.

APOOCADIISI 9:21

Tötö’tajäätödööcomo änsa’dumincha’da cöneiya’to dea soto töneema töweichöcoomo jonno, tö’waichöcoomo jonno mmaja, tömaasuduichadööcomo jonno mmaja, tämeene töweichöcoomo jonno mmaja.