APOOCADIISI 21:10 - Wanaadi A'deddu

¹⁰ Yaawä Epíiditu Santo wwä yää eneejodaawä öwwä, ñäädä amoode yaadäne yaawä jöö adai’joto, cawooto de’cäi. Öwwä cöneenejoi yaawä yää jata aashichaato wä’tädö caju ñanno, Wanaadi döiñanno, yää Jeduusadén ñano.

APOOCADIISI 21:10 ပူးပေါင်းရင်းမြစ်များ

APOOCADIISI 21:2

Öwö, Juan, weneeaqueene yää jata aashichaato wä’tädö caju ñanno, Wanaadi döiñanno, yää Jeduusadén ñano eduuwaato. Töweesomaajä’e cönä’jaacä, töiño eneeje wodi töwäätöiñonoomö töweesoma töweiye naichöje.

APOOCADIISI 17:3

Yaawä Epíiditu Santo wwä yää eneejodaawä öwwä, ñäädä amoode yaadäne yaawä jata ’jemjönö aca. Iiña wodi weneeaqueene, shuucu, odoocojaato seweichato de’wä. Ñäädä odoocojaato jäcä imennaajä cönä’jaacä jooje chäätö, conemjönö dea, Wanaadi wa’cä yäätä’taajä. Ñäädä odoocojaato ju’jä cönä’jaacä aacä amoojato, yeetai mmaane amoojadä.

APOOCADIISI 1:10

Yaawä dominco awä, Epíiditu Santo woije wäädantäne; öncadheedä a’deu cönäätai yaawä töcä’de, janau’cwa etöödö wa’cä.

DOSECHO 8:39

Yaawä na’cwacanno töwäncudaawäiñe Epíiditu Santo Jediipe cönaadäi jadheedä; Eetiyoopía ñano aneene’da cöneiyacä yaawä. Ta’cwaiñe cöntämä yaawä.

APOOCADIISI 4:2

Yaawä dea caju ña wataadojoone, Epíiditu Santo woije. Iiña weneeaqueene Cajiichaana mudei; yää mude de’wä cönä’jaacä soto wataajimaajä.

CAADATA 4:26

Ñäädä Aawadán jiñamo neene mmaane caju ñano Jeduusadén ñanoi’chädö cu’tädööje daja na dea. Ñäädä nnacoomo cönwanno.

APOOCADIISI 3:12

Ñäädä e’jodheinchanei’jödö yeichöje wijaata’täja’de Waanadiiyö jadä, Wanaadi weichojo mu’dudui ääseca’da töweiye naichöje. Waanadiiyö eetö wimenna’de chääjäcä, Waanadiiyö jataadö eetö mmaja, yää Jeduusadén ñano eduuwaato, Waanadiiyö jonnoto caju ñanno töwä’täämö. Öwö yeetö eduuwaato mmaja chääjäcä wimenna’dede.

APOOCADIISI 11:2

Jödoodo mmaane monoonejai’che, yää Wanaadi weichojo awoodhecääcä naadö. Audädä nei’ñojo yää, judhíojöncomo wwäiñe u’ajääje yeijäcä. Tönwanno naademaato’de jata aashichaato antai aacä sotooto de’wä aacä nuunä.