1 Yääje mma yaawä weneeaqueene anejja caju, eduuwaato tödööajä daja, nono eduuwaato mmaja; yää awa’deeto’jä caju a’que cönä’jaacä yaawä, nono awa’deeto’jä mmaja. Dama ’je’da cönä’jaacä yaawä.
Mädä amoode’naajä naadö töwaatameemöje’da nä’döa’de töwaatameemöje töweichö jonno. Yääje na’de Wanaadi nnacoomo wwä aashicha töweicho’como ejoodöa’jäcä.
Cajiichaana we’tojo anooto ne’a’de yoomocöödö ’nawä, coijai tämeenato weejödö töweiye naichöje. Yaawä caju nataamea’de shoodö töwääta naichö wa’cä. Tameedä caju ña naadö niyaatua’de; nono mmaja niyaatua’dede, tameedä ye’wä naatoodö mmaja.
Cönwanno mmaane Wanaadi necamma’jödö nönge dea anejjaane quiiyomo’cato, caju eduuwaatoone, nono eduuwaato mmaja, yää chäänönge weiñä ’jano, aashichaato ’jano mmaja.
Yääje mma yaawä sa’dada de’wä wä’jaaquene yaawä, jiidi, dama jawä. Dama ’cwacanno odoocojaato wäncudu weneeaqueene yaawä. Aacä amoojato iju’jä cönä’jaacä, yeetai mmaane amoojadä. Yeetai waadäi cönä’jaacä canaanadi. Iju’jä jäcä chäätö imennaajä cönä’jaacä, Wanaadi wa’cä mmaja yäätä’taajä.
Yaawä weneeaqueene mude adai’joto, tajääde’dato. Ñäädä ye’wä shuucu cönä’ja’dö jonno cönännamjöi nono, caju mmaja; nono weichojo ’je’da cönä’jaacä yaawä, caju weichojo ’je’da mmaja.
Yaawä ñäädä mude de’wä shuucu cönä’ja’dö cönä’döaacä: —Eneecä’ma, eduuwaatoje wödööa tameedäädä; quee cönä’döaacä. Edääje mmaja cönä’döa’dea: —Imennäcä, chäänöngeene mädä a’deu yeiyajä, täcaanö’emje mmaja; quee cönä’döaacä.
Caju cönännamjöi yaawä, jajeeda wemoomödö töweiye naichöje. Tameedä jöö, tameedä dhantadö mmaja, cönääsecaajätöi töweichojo dö’tonno.