APOOCADIISI 20:4 - Wanaadi A'deddu

⁴ Yaawä weneeaqueene wanna mude, ye’woncomo wataajimaadö mmaja. Chäwwäiñe u’ajä cönä’jaacä soto emmencato’como. Weneeaquento dea ñanno Jesuuquidiito a’deddu ecammajäätödö jo’tädööja’como ijöncä’jä’a’como’jödö ecaatocoomo, ñanno Wanaadi a’deddu jo’tädööja’como wä’jajo’jocoomo, ñanno odoocojaato änwa’deme’jöncomo’jödö, chu’taajä mmaja. Ñanno dea cönä’ja’to odoocojaato wwä töjaawäiñe ä’madaaca’ñäjoojöncomo’jödö, tamäädöcoomo jäcä mmaja. Ñanno waadoncadööcomo weneeaqueene. Cajiichaanaje naato’de 1,000 wedu Quidiito jadä.

APOOCADIISI 20:4 ပူးပေါင်းရင်းမြစ်များ

MATEO 19:28

Jesuuquidiito cönä’döaacä chäwwäiñe: —Chäänönge yääje wä’döa äwwäiñe, yaawä tameedä eduuwaatoje yenwacaama’jäcä, Soto nnedö tumuudei ye’wä nataajima’de o’jodhaatoje. Yaawä änwanno, jaadoncomo’jödö, mude de’wä mmaja mataajimaato’dede iisadaaediitacoomo cajiichaanaichomooje, ñanno amoojadooto de’wä aacä iju’jä naatoodö.

MATEO 24:10

Jooje soto töneecamjödööcomo ne’nomjaato’de yaawä. Töjimmotoncomo soto nu’aato’de; nä’quiñeme’caato’dede.

MAADOCO 6:16

Jesuuquidiito ecaadö eta’jäcä Edoodhe wwä, töwö cönä’döaacä: —Juan ñäädä, wijöncä’joneedö; töwäämaajo jonno cönaadoncai; quee.

MAADOCO 6:27

Yaawä dea mma cajiichaana Edoodhe suddau cönaanontäi Juan Wautiita ju’jä wetä.

MAADOCO 9:11

Yaawä tönwanno Jesuuquidiito cöneecamma’joicho: —¿Ane’que’nei owaanomannamo awa’de Edía we’tojo töneecamma weneeneto? quee cönä’döa’to.

DUUCA 1:17

Ñäädä Juan Cajiichaana owaajo necammajä’a’de. Edía jäduudu cönä’ja’dö wa’cä mmaja ijäädudu na’de, chö’tajäätödö chäänönge mmaja. Töwö soto niyäätuujaato’de töwenneca’como tötö’tajäätödööcomo iiñacaiyeto tönnacontoncomo wwadäädä, Wanaadi waanontädö tödö’semjöncomo mmaja oowanoomaiyeto Wanaadi woije töweichöcoomo jäcä. Mädääje töwö soto nichoonecaato’de Cajiichaana weejödö owaajo; quee cönä’döaacä amoode Saacadía wwä.

DUUCA 14:14

Yaawä ta’cwaiñe eijai ma, ñanno adheejemaajai’cha yeichomjäcä. Yaawä jeene määjemaaja’de, chäänönga’como waadoncato’como awä jeene; quee cönä’döaacä Jesuuquidiito.

DUUCA 22:30

Jaadä määwashinchaato’de yaawä cajiichaanaje weichö; mude de’wä mmaja mataajimaato’dede ñanno Iisadaaeeda weichö cajiichaanaichomooje, ñanno amoojadooto de’wä aaco’como iju’jä naatoodö; quee cönä’döaacä Jesuuquidiito.

JUAN 14:19

Numa’da mma na eduuwa eetä weichojo, yäätonno yaawä edä nono de’woncomo yeene’da naato’de; änwanno mmaane cäneeato’de. Öwö nudä weijäcä änwanno nudä mmaja maato’dede.

DOMAANO 11:15

Wanaadi wwä judhíocoomo wo’joomaja’comjäcä tameedä soto ääweichacoonoje cönä’döicho Wanaadi jadä. Töwaacö’je aashichaato eja’cajai ña ñanno judhío wecooneca’comjäcä. Yää yeeconeecadööcomo ä’dhe’majai ña yä’ja’a’como waadoncato’comooje.

DOMAANO 8:17

Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de

2 TIIMOTEO 2:12

Chääjadä cöwäntunaanö’a’comjäcä, chääjadä cajiichaanaje caato’dede. Ijoome’da’jäcä cöwwäiñe, töwö mmaja cöjoome’daato’dede.

APOOCADIISI 1:2

Töwö Juan chäänönge cöneecammajäätöi tameedä töneene’jödö jäcä, Wanaadi a’deddu mmaja, Jesuuquidiito necammajäätö’jödö mmaja.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 11:11

Yää ’jeje aacäicheeato anoototo annai yä’döa’jäcä, Wanaadi täta’jiiñö cöna’jimmai ñanno ta’deddu ecammajä’nnamo do’taiñe; cönammöicho yaawä. Ñanno eneedöcoomo’jo tameedä soto cönääcatoncaicho yaawä jooje.

APOOCADIISI 11:15

Yaawä aacä amoojatooto amoode töjaanau’cwai cöneetöi. Wa’deunä cönäätaacä yaawä caju ña, jooje. Edääje ya’deuwödööcomo cönäätaacä: Tameedä nono de’woncomo, ñanno cajiichaanacoomo sotoi, naato eduuwa Cädhaajotoncomo sotoije, dhanoonö Quidiito sotoije mmaja. Töwö Cajiichaanaje na’de yeichöödäje; quee cönäätaacä.

APOOCADIISI 11:3

Öwö wanontaato’de aacä ya’deddu ecammajä’nnamo; tönwanno öwö untudu woije necammajä’aato’de 1,260 anooto, camiisha juduumato döaajä yoomöcoomoje; quee cönäätäcammai öwwä.

APOOCADIISI 11:7

Ecammajäätödö jäcä yä’ca’comjäcä, ñäädä odoocojaato, ya’tadö inwadö ’jemjönö acaano’jödö weja’caajä, newäänä’ta’de chääjäcäiñe. Töwö ne’jodheinchaato’de; nöja’aato’dede.

APOOCADIISI 12:11

Ñanno cöjimmotoncomo tämentäneichomo’jödö cöne’jodheinchaicho Oweeja nnedö’cä wääma’jödö que, dha’deddu ecammajäätödö que mmaja. Tönwanno töwäämadööcomo onnontä’da cönä’ja’to tämaadöcoomo jonaane.

APOOCADIISI 14:11

Yeichöödäje wedeinchä näänea’de, yää yäätä’maminchajooto’como wedeimödö. Ñanno odoocojaato ya’deme’nnamo’jödö, odoocojaato cu’taajä ya’deme’nnamo’jödö mmaja, yäädeetato’como ’je’da na’de yeichöje, ano, coijai’jödöödä, tameedä ñanno odoocojaato eetö que yä’madaaca’ñäja’como’jödö.

APOOCADIISI 15:2

Yaawä dama nöngato weneeaqueene; ta’dawaane cönääneaacä, jeteiya aca wa’to wäänedö töweiye naichöje. Weneeaquento dea ñanno odoocojaato e’jodheinchannamo’jödö, odoocojaato cu’taajä e’jodheinchannamo’jödö mmaja, ñanno chäätö me’cudu e’jodheinchannamo’jödö mmaja. Jiidi cönä’ja’to dama ta’dawaanato jawä. Jantuuda dha’me cönä’ja’to, Wanaadi nutuudu.

APOOCADIISI 17:8

Ñäädä odoocojaato meneeannö jenaadä cönä’jaacä; eduuwa mmaane ei’cha na. Töwö neja’ca’de ya’tadö inwadö ’jemjönö acanno, töwännanö’emööje mma. Ñäädä eneedö’jo nono de’woncomo nääcatoncaato’de, ñanno weichojo jajeedai’chädö jäcä chäätö ’jemjöncomo edä nono tödö’jödö jonnoto’jödöödä. Ñäädä odoocojaato jenaadä töwei’jödö weichaame eduuwa ei’cha na; yaawääne, äcuude töweiyemööje dea na.

APOOCADIISI 2:26

Ñäädä e’jodheinchanei’jödö, yaatameedö jonaane ya’deddu tödöönei’jödö, wödööa’de sotoocomo cajiichaanaichomooje,

APOOCADIISI 20:6

Ta’cwaiñe eijai ña ñäädä awa’deenato waadoncatoojo awoono weja’cadö; aashichaato ñäädä. Ñanno yääja’como yää ’jejaato wäämatoojo awä ääma’da naato’de. Wanaadi wwä töwa’deuwaamoje naato’de, Quidiito wwä töwa’deuwaamoje mmaja. Quidiito jadä cajiichaanaje naato’de 1,000 wedu.

APOOCADIISI 22:5

Coijaicho ’je’da na’de yaawä. Adhaawa tujunne’da na’de chäwwäiñe, shii tujunne’da mmaja, Cajiichaana Wanaadi niyeijodö nataawä yeijäcäiñe. Tönwanno cajiichaanaje naato’de yeichöödäje.

APOOCADIISI 3:21

Ñäädä e’jodheinchanei’jödö öwö jaadä wödööa’de cajiichaanaje. Yääje mmaja we’jodheinchane öwö; cajiichaanaje wä’döne dea yaawä Jaaja jadä.

APOOCADIISI 4:4

Cajiichaana mudei awoodhecääcä cönä’jaacä anejja mude mmaja, tooni sotooto de’wä aacäichea. Yää de’wä shuucu weneeaquento tooni sotooto de’wä aacäichea inchoncomo, tajääde’dato awäiñe. Iju’jocoomo de’wä cönä’jaacä canaanadi, oodo döaajä.

APOOCADIISI 6:9

Yaawä ijaatoodeaato ajoijo’jödö ajämjaca’jäcä Oweeja nnedö’cä wwä, saaquidiijiisiyo tödöötojo o’nä weneeaquento ñanno Wanaadi a’deddu jo’tädööja’como wä’jajo’jocoomo ecaatocoomo, ñanno dha’deddu ecammajäätödö ane’nomjajöncomo ecaatocoomo.

APOOCADIISI 7:3

—Äcuudemma, awa’dennodämma nono moncone’matäi, dama mmaja, chuuta mmaja, tuna mmaja, ijaawäiñe Wanaadi sotoi imaadaca’ñädööcomo wa’cä ñaa wwä; quee cönä’döaacä.