APOOCADIISI 20:2 - Wanaadi A'deddu

² Ñäädä amoode caimaana cönaajäi, ñäädä äcääyu, jenaadä cönä’ja’dö, odö’sha täätö, Caajuushawa täätö mmaja. Cöni’wadö’täi yaawä 1,000 weduuto ’cäwa’cä.

APOOCADIISI 20:2 ပူးပေါင်းရင်းမြစ်များ

MATEO 19:29

Ñäädä öwö jääcäinchädä tömmai ñännei, tacontomo, tuduichomo jeiñe mma, töjaadui’chomo jeiñe mma, ñäädä tumö, senö ñännei jeiñe mma, töjiiñamo, tönnacoomo jeiñe mma, tönaudädö jeiñe mma, öwö jääcäinchädä yää ñänga’jäcä, ñäädä wwä yää nöngato mmaja nä’tua’de jooje’cä jeene; yeichö töwaatamemjönö mmaja Wanaadi nu’a’de chäwwä.

MATEO 8:29

Tönwanno töcä’de cöna’deuwa’to Jesuuquidiito wwä; cönä’döa’to: —¿Ane’cotoojo ñaa maquiimaanä, amäädä Jesuuquidiito, Wanaadi nnedö? ¿Ñaa mamincha ca meejä chu’nädö aca ä’dö’dadä mmädä? quee cönä’döa’to.

MAADOCO 4:15

Anejja wwä Wanaadi a’deddu ecammajäätödö eta’jäcä, Caajuushawa ne’a yaawä; yää Wanaadi a’deddu etaajä chö’tajäätödö acanno nichö’taque’ja yaawä. Ñäädä cu’tädö yää ääma taawä dhadöödö cönä’meichö.

MAADOCO 5:7

Töwö töcä’de cöna’deuwacä Jesuuquidiito wwä; cönä’döaacä: —¿Ane’cotoojo caquiimaanä, amäädä Jesuuquidiito, Wanaadi o’jodhaato nnedö? Wanaadi netaadöje yääje wä’döa äwwä, cämmaminchai; quee cönä’döaacä.

JUAN 12:31

Eduuwä nä’döi edä nono de’woncomo emmencato’como aca. Eduuwä nä’döi edä nono de’wono waanontädö u’catoojo, ñäädä odo’sha.

JUAN 16:11

Odo’sha chaana’ca’jödö yää Wanaadi töne’jodheincha yeichö eneejotoojo.

DOMAANO 16:20

Wanaadi ñäädä täncanoode’da weiñä edhaajä. Eduuwaiche mma töwö Caajuushawa odho’cäiñe nemajja’de. Cädhaajotoncomo Jesuuquidiito nutuudu aashichaato äwwäiñe yei’she wa.

EEWEDEO 2:14

Ñanno “önnacoomo” quee naadö, soto ecammancädäiñe yääje nä’döa. Yääje yeijäcä Jesuuquidiito sotooje cönä’döi, töwäämadö que wäämanä edhaajä e’jodheinchadö wetä yaawä, ñäädä odo’shaje naanei.

1 PEEDHODO 5:8

Odhoowadäädäiñe eichäcä, äädai’chätääcä. Ätu’de’täneichomo odo’sha nätuujiya, mado töwaadeeto tääcaamö tunuujiye töweiye naichöje.

2 PEEDHODO 2:4

Conemjönö tödööa’jäcä Wanaadi amoodedö wwäiñe töwö Wanaadi aneewanaaca’daiñe cöneiyacä; wa’to nwaca cönenno’jaicho. Jedeesoje cönnöicho tööjano’taca, cadheena que tömööjä’e, yäätä töwäätä’maminchajooto’como cu’nädö womoocödö wetä.

JUUDHA 1:6

Ñanno Wanaadi amoodedö töweicho’como cho’nanoojöncomo’jödö töjaatadööcomo caju ñano cöne’nomjaicho. Eduuwa tönwanno Wanaadi woije dea tööjano’taca jedeesoje naato, yeichöje, cadheena que tömööjä’eiñe, wätä’maminchajootojo anootoi’chädö aca tödööene.

APOOCADIISI 12:13

Yaawä nono de’wä ema’jödööje töwäädanta’jäcä, ñäädä caimaana cönaajäntäi wodi aje’cadö, ñäädä dhanwa wennuaajä dhenö.

APOOCADIISI 12:15

Yaawä wodi ncäcä tuna cönwenaucwai ñäädä caimaana, wodi wäämadö wetä chuuma’jödö awä.

APOOCADIISI 12:17

Jooje’ca jeene caimaana cönäätömai yaawä wodi jäcä. Töwö cöntämä yaawä töweewänä’tädö wetä ñäädä wodi nnacoomo jadäiñe, ñanno Wanaadi waanontädö tödönnamo, Jesuuquidiito a’deddu woija’como.

APOOCADIISI 12:3

Anejja ene’ju’tojo cönäänea’dea yaawä caju ña, caimaana seweichato. Aacä amoojato iju’jä cönä’jaacä, yeetai amoojadä. Iju’jä de’wä cönä’jaacä canaanadi, tooni nshai chääwaadäi.

APOOCADIISI 12:4

Dha’cödö shidiichä caju ñancomo cöni’ji’cha’to, jooje, annaicho dö’se, nono de’cäi imeeancädäiñe. Töwö caimaana cöneedennai yaawä wodi tönnedö dhe’madööje cönä’ja’dö je’taca, iiñedö tänäädö wetä yaawä töwwä, yennua’jäcä.

APOOCADIISI 12:9

Caju ñanno cönootonno’jajoi yaawä caimaana, ñäädä äcääyu, jenaadä cönä’ja’dö, odo’sha täätö, Caajuushawa täätö mmaja, nono de’woncomo encu’täneichomo. Töwö nono de’cäi cönootonno’jajoi tamoodedö jadäiñe.

APOOCADIISI 13:2

Ñäädä odoocojaato weneeaqueene mado nönge, jadeemu ’judu nönge i’judu, inchadö mmaane cawaadiimä ntadö nönge. Chäwwä caimaana nutuudu cönä’jaacä ijäädudu, imuudei mmaja, cajiichaanaje yeichojo mmaja.

APOOCADIISI 13:4

Ñanno soto caimaana cönwa’deme’ca’to yaawä, ñäädä odoocojaato cajiichaanaje yeichojo utu’jödö weijäcä chäwwä. Odoocojaato mmaja cönwa’deme’ca’to dea ñanno soto. Edääje cönä’döa’to: —¿Änääcö mmaja määdhä odoocojaato wa’cä eichöde’? ¿Änääcö ane’jodheinchadööde’? quee cönä’döa’to.

APOOCADIISI 20:10

Yaawä ñäädä odo’sha, ñanno encu’täneichomo’jödö cönäätämaajoi jiyooto comootödö ña, odoocojaato naadö döiña, ecammajä’nei chäänöngemjönö naadö döiña mmaja. Iiña nätä’maminchajaato’de ano, coijai’jödöödä, yeichöödäje. Iiña wedeinchä nengaato’de, acuudajaada dhatu’jödö jodö joqque.

APOOCADIISI 20:7

Yaawä 1,000 wedu yä’döa’jäcä Caajuushawa nätu’caja’de jedeesoje yeichö jonno.

APOOCADIISI 9:11

Tönwanno chaajichaanaichomo cönä’jaacä amoode, ñäädä ya’tadö inwadö ’jemjönö ijaatadö. Aawadón, quee töwö chäätö eewedeeo a’deucwe; quidiiyeeco a’deucwe mmaane Apoodiyón, quee. Yuunacaanei, quee töwä’dö’se yeichö.