APOOCADIISI 20:11 - Wanaadi A'deddu

¹¹ Yaawä weneeaqueene mude adai’joto, tajääde’dato. Ñäädä ye’wä shuucu cönä’ja’dö jonno cönännamjöi nono, caju mmaja; nono weichojo ’je’da cönä’jaacä yaawä, caju weichojo ’je’da mmaja.

APOOCADIISI 20:11 ပူးပေါင်းရင်းမြစ်များ

MATEO 11:22

Yääje wä’döa äwwäiñe, wätämmencajootojo anooto awä änwanno mäntunaanö’ato’de, Tiido ñancomo e’jodhe’cä, Sidhón ñancomo e’jodhe’cä mmaja.

MATEO 24:35

Caju mmaja, nono mmaja, nataamea’de, öwö ya’deddu mmaane ataamejai’cha na.

MATEO 25:31

“Cajiichaanaje töweichö wetä Soto nnedö we’a’jäcä, tamoodedö aashicha’como töjaadä, yaawä töwö nataajima’de tumuudei ye’wä, tawaanato töjääcä.

DOMAANO 2:5

Töwäätuujacoone’da aweijäcä dajaane aweichö änsa’dumincha’da ma; yääje yeijäcä äwäätä’maminchajootojo mejoodöja wätämmencajootojo anootoi’chadö jona tödööene. Yää anooto awä Wanaadi neneeja’de chäänönge tönemmenca töweichö.

2 PEEDHODO 3:7

Wanaadi a’deddu woije mmaja edä caju eduuwa naadö tödhau’cwaamöje tösooma na, edä nono mmaja. Yaawä nä’dhau’cwaja’de, wätä’maminchajootojo anootoi’chädö awä, Wanaadi woijemjöncomo nä’ja’aato’dedö awä.

APOOCADIISI 12:8

Tönwanno cönooto’jodheinchajoicho Miqueede wwäiñe. Yeicho’como ’je’da cönä’jaacä yaawä caju ña.

APOOCADIISI 16:20

Tameedä dhantadö cönännanö’jätöi yaawä, tameedä jöö mmaja.

APOOCADIISI 19:11

Yaawä weneeaqueene caju wata’ducaadö. Yäätä cönääneaacä cawaayu, tajääde’de. Ye’wono eetö cönä’jaacä Aashichaatoje, Chäänöngatooje mmaja, chäänönge tönemmenca yeijäcä, töweewänä’tä mmaja.

APOOCADIISI 20:2

Ñäädä amoode caimaana cönaajäi, ñäädä äcääyu, jenaadä cönä’ja’dö, odö’sha täätö, Caajuushawa täätö mmaja. Cöni’wadö’täi yaawä 1,000 weduuto ’cäwa’cä.

APOOCADIISI 21:1

Yääje mma yaawä weneeaqueene anejja caju, eduuwaato tödööajä daja, nono eduuwaato mmaja; yää awa’deeto’jä caju a’que cönä’jaacä yaawä, nono awa’deeto’jä mmaja. Dama ’je’da cönä’jaacä yaawä.

APOOCADIISI 21:5

Yaawä ñäädä mude de’wä shuucu cönä’ja’dö cönä’döaacä: —Eneecä’ma, eduuwaatoje wödööa tameedäädä; quee cönä’döaacä. Edääje mmaja cönä’döa’dea: —Imennäcä, chäänöngeene mädä a’deu yeiyajä, täcaanö’emje mmaja; quee cönä’döaacä.

APOOCADIISI 4:2

Yaawä dea caju ña wataadojoone, Epíiditu Santo woije. Iiña weneeaqueene Cajiichaana mudei; yää mude de’wä cönä’jaacä soto wataajimaajä.

APOOCADIISI 6:14

Caju cönännamjöi yaawä, jajeeda wemoomödö töweiye naichöje. Tameedä jöö, tameedä dhantadö mmaja, cönääsecaajätöi töweichojo dö’tonno.