APOOCADIISI 2:5 - Wanaadi A'deddu

⁵ Yääje yeijäcä ätö’tacä awa’deene awei’jödö jäcä, yää choojonno töwe’ducca maadö. Ätö’tajäätödö sha’duminchacä; tönnöe mä’jaaquennö mmaja tödööcäde. Ecooneca’da aweiya’jäcä öwö adöiña wöta’de; adhaawa äwwä naadö que manenwajiiña’de, ätö’tajäätödö änsa’dumincha’da aweiya’jäcä.

APOOCADIISI 2:5 ပူးပေါင်းရင်းမြစ်များ

MATEO 5:14

“Änwanno maato adhaawa nönge, edä nono de’woncomo yeijonnamooje. Jata jöö de’wono ootone’tojoojai’cha na.

MATEO 5:15

Adhaawa emjannaajä wöwa o’nä ännö’da weiñä nai. Dha’täi ye’wääne tödöödö, tameedä yää maa tacancomo yeijodööcomo wetä.

MAADOCO 12:9

“ ¿Ane’cäämö tödööjai ñai ñäädä audaajä edhaajä, quee ’ja? Töwö ne’a ñanno audaajä edai’chännamo töja’eiñe; anejjacoomo wwä audaajä edai’chojoodö wetä.

DUUCA 1:17

Ñäädä Juan Cajiichaana owaajo necammajä’a’de. Edía jäduudu cönä’ja’dö wa’cä mmaja ijäädudu na’de, chö’tajäätödö chäänönge mmaja. Töwö soto niyäätuujaato’de töwenneca’como tötö’tajäätödööcomo iiñacaiyeto tönnacontoncomo wwadäädä, Wanaadi waanontädö tödö’semjöncomo mmaja oowanoomaiyeto Wanaadi woije töweichöcoomo jäcä. Mädääje töwö soto nichoonecaato’de Cajiichaana weejödö owaajo; quee cönä’döaacä amoode Saacadía wwä.

DUUCA 20:16

Töwö e’jai ña ñanno audaajä edai’chännamo töja’eiñe, anejjacoomo wwä audaajä edai’chojoodö wetä; quee cönä’döaacä Jesuuquidiito. Yää eta’jäcä töwwäiñe ñanno soto cönä’döa’to: —Mädääje Wanaadi ännö’daane yei’she; quee.

CAADATA 5:4

Änwanno jenaado’jä waanontänä tödöödö que Wanaadi jadoncomooje töwei’sha’como, Quidiito jonno töwä’sancwajo maato. Wanaadi nutuudu aashichaato jonno to’nomja maato.

JIDIIPENSE 2:15

Mädääje täcammajä’aamoje’da eijai maato, tämentaamoje’da mmaja. Mädääje Wanaadi nnacoomo chäänönga’comooje eijai maato soto conemjöncomo antawaiñe, ñanno chäänöngemjöncomo. Änwanno adhaawa nönge dhantawäiñe miyeijaato edä nono tööjato de’wä,

EEWEDEO 10:32

Ätö’tatääcä jenaadä awei’jocoomo jäcä; yaawä ä’weijoonöje aweichöcoomo joojato wäntunaanö’nä tönshinchä mä’ja’quene.

2 PEEDHODO 3:17

Dhowaajodä äwwäiñe täcamma na, jimmä umjummadö. Yääje yeijäcä äädai’chätääcä, conemjöncomo nencu’tädö que mma mä’sadiijannä’cajooto’no, jäduuje aweichöcoomo jonno äjääduque’to’node.

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.

APOOCADIISI 1:20

Yaawä ñäädä soto nnedö nöngato cönä’döa’dea: —Edääje töwä’dö’se yeichö mädä chu’tädö meneeannö, ñanno aacä amoojato’como shidiichä yaamädö ämu’demjönö jäcä meneeantodö, aacä amoojato adhaawa a’täi meneeannö mmaja, yää oodo döaajä: Ñanno aacä amoojato’como shidiichä aacä amoojato amoode weichöcoomo cu’tädööje nä’janto, ñanno aacä amoojato ijaatadööcomo naadö quedeiyentecoomo edai’chännamo. Yää aacä amoojato adhaawa a’täi meneeannö mmaane, quedeiyentecoomo cu’tädööje nä’jaanä, ñanno aacä amoojato ijaatadööcomo naadö; quee cönä’döaacä öwwä.

APOOCADIISI 16:9

Soto cöiñatuujätöicho yaawä ta’nato joojato que. Yääje yeichaame tötö’tajäätödööcomo änsa’dumincha’da cöneiya’to. Tönwanno Wanaadi o’jodhaatoje ane’tä’da cöneiya’to, ñäädä yää wätä’maminchanä edhaajä. Cone’da mma cöna’deuwöicho chääjäcä.

APOOCADIISI 2:16

Yääje yeijäcä ätö’tajäätödö sha’duminchacä. Ecooneca’da aweiya’jäcä jadheedä wöta’de adöiña; yaawä yeewänä’ta’de chääjadäiñe, sauda öntaiño weja’cadö que.

APOOCADIISI 2:19

Yoowanääcä na tameedä ännödö, äwwä jummadö mmaja, aneecamjödö mmaja, ataadawaajui mmaja, aashicha tönshinchä aweichö mmaja. Yoowanääcä na öwwonooje jooje töweetadaawa’cajo aweichö eduuwa, awa’de awei’jödö e’jodhe’cä.

APOOCADIISI 2:2

Yoowanääcä na tameedä ännödö, jooje ataadawaajui weichö mmaja, aashicha tönshinchä aweichö mmaja, conemjöncomo etaajai’cha aweichö mmaja. Amäädä mene’ju’neto ñanno anontaajäja’como wätä’tädö, ñannojöönö töweichaameiñe. Töwä’duna’comooje yeichöcoomo medantäneeto.

APOOCADIISI 3:19

Tameedä umjummadö wiyäätuujaato; wichuuseijaato dea. Yääje yeijäcä ta’neene eichä; ätö’tajäätödö sha’duminchacä.