APOOCADIISI 2:3 - Wanaadi A'deddu

³ Amäädä töwäntunaanö’e määnene; aashicha tönshinchä määnene dea. Jooje na junnei aweetadaawa’cajo’jödö, aweejäduuqueancädä’da.

APOOCADIISI 2:3 ပူးပေါင်းရင်းမြစ်များ

MAADOCO 15:21

Yää ai soto cöneeja’dä’acä, audaajä acaano’jödö yeejödö. Sideene ñano cönä’jaacä, Simónje chäätö, Aadejantudu, Duuju umöötoncomo. Ñäädä wwä Jesuuquidiito cuduusai cönaadojoicho.

DUUCA 14:27

Ñäädä jaadä töweichö wetä öwö jääcäinchädä äntunaanö’jaichojöönö, cuduusa jäcä äämajaichojöönö mmaja, noowanoomadööje eijai’cha na.

DUUCA 18:1

Edä mmaja Jesuuquidiito chäwwäiñe cöneecammai chea, yö’seenoje, töweejäduuque’ancädä’da weiñäje Wanaadi wwä wa’deunä jäcä.

DUUCA 21:19

Yää shinchädö que aweichöcoomo michaana’caato’de.

DUUCA 5:5

Simón cöneccujä’acä, cönä’döaacä: —Owaanomaanei, coijaicho wadaadä ñaa netaadawa’cajoi ajäiyeeje’da. Yääje yeichaame amäädä adha’deddu woije mma jaji wema’ñojo; quee.

DUUCA 8:15

Yää dhadöödö aashichaato nono de’wä cönä’meichö mmaane, chäänönge tötö’tajäätödööcomo que Wanaadi a’deddu etannamo cu’tädö yää. Ñanno chö’taqueejö’da netaato, yoije tönnöe yaawä. Chäänönge töweichöcoomo que nejössataato yaawä.

JUAN 15:21

Tönwanno mädääje ayöödöaato’de sootoije aweichöcoomo jo’tädööje, towaanäcäiñe’da yeijäcä yaanontänei’jödö.

DOMAANO 12:12

Ta’cwaiñe eichäcä onwomoocödööcomo jäcä. Aashicha shinchätääcä äwäntunamjödööcomo. Yeichöje Wanaadi wwä adha’deutäcä.

DOMAANO 16:12

Tidiijeena wwä mmaja, Tidiijoosa wwä mmaja, ñanno Cajiichaana tadaawaajui jäconcomo wetaadawa’cajoodö; Jeesida wwä mmaja, ñäädä Cajiichaana tadaawaajui jäcä töweetadaawa’cajo weneenedö.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

DOMAANO 8:25

Äänejöönööne quiiyomo’cato; yääje yeijäcä chincha’da yoomo’jai caato.

1 CODINTIYO 13:7

Töwö tameedä töiñetunca ecaanö’ancädä dea, tameedä tönwomo’que mmaja, tönshinchä mmaja.

1 CODINTIYO 16:16

Yääje yeijäcä yääja’como i’wa’täjai maato, tameedä ñönga’como mmaja, anejjacoomo ’wa’tännamo mmaja, töweetadaawa’caja’como mmaja.

2 CODINTIYO 10:15

Mänseedä deja’da mmaja ñaa nääcamma dea, anejja tadaawaajui’jödö ecammadööjönö ñaa wwä. Jooje’cä jeene aneecamjödööcomo yä’dö’se ñaa na, jooje’cä jeene adhantawäiñe ñaa etaadawa’cajoiyede yaawä, ñaa wwä tödöötojo Wanaadi necamma’jödö ija’dä’jancädä’daane.

2 CODINTIYO 11:23

Tö’jecaato wa’deuwödö nönge ya’deuwa. ¿Jesuuquidiito anoonö ca tönwanno? Öwö cho’jodheiñe’cä, cho’jodheiñe weetadaawa’cajo’jödö weijäcä, cho’jodheiñe mmaja waataiju’jojäätö’jödö, cho’jodheiñe mmaja jedeesoje wä’döjoojätö’jödö; aneedawä töwäämaichajo wäänene dea.

2 CODINTIYO 4:1

Yääje yeijäcä ejääduqueejö’da ñaa na, Wanaadi nödööjo’jödö yeijäcä edä ñaa tadaawaajuije naadö, wentumje äneetä töweichö woije ñaa wwä cuntuichö.

2 CODINTIYO 4:16

Yääje yeijäcä ejääduqueejö’da ñaa weneene. Ñaa ejö wataametaame, ñaa do’tacaano mmaane anooto waadäi töwaatö’nä’e’cä mma naatö’nä’a.

2 CODINTIYO 5:9

Yääje yeijäcä Cajiichaana Jesuuquidiito a’cwaimadö encano’täjai caato, nudä cöweiya’comjäcä, töwääma cöweiya’comjäcä jeiñe mma.

2 CODINTIYO 6:5

töwaataiju’jojootödaawä mmaja, jedeesoje töwä’döjoodawä mmaja, töjääcä wewoodoichanaawä mmaja, tötaadawaajui tödöödawä mmaja, wetu dhetuncadaawä, ämi dhetuncadaawä mmaja.

CAADATA 6:2

Äämetaacäi adhe’wa’tätääcä anaadädööcomo jäcä, mädääje Quidiito waanontädö tödööjai maato.

CAADATA 6:9

Yääje yeijäcä chincha’da queicho’ñojo aashichaato tödöödö jäcä. Chu’nädö aca yä’döa’jäcä aashichaato nä’tua’de cöwwäiñe, ejääduqueejö’da cöweiya’comjäcä.

JIDIIPENSE 2:16

weichojo a’deu ecammajä’ancädä. Mädääje aweiya’comjäcä äjääcäinchädäiñe ta’cwaiñe eijai wa yaawä Quidiito we’a’jäcä, töwäädämma’da töwäämannä’e wei’jödö weijäcä, töwäädämma’da taadawaajui’jödö weijäcä mmaja.

JIDIIPENSE 4:3

Äwwä mmaja yääje wä’döa dea, amäädä weetadaawa’cajoodö weichacoono chäänöngato: I’wa’täcooto ñanno wodiiñamo, we’toichodö. Tönwanno ö’wa’täneeto aashichaato wätunnä ecammajäätödö jäcä. Quedeemente mmaja i’wa’täcä’dede, anejjacoomo ö’wa’tännamo’jödö mmaja, chäätöcoomo naadö weichojo jajeedai’chädö jäcä.

CODOOSENSE 1:11

Töne’ca’e ñaa weneene dea Wanaadi wwä äjäädu’toto’como töwö ijäädudu aashichaato que, adha’cwaniiyöcoomo que tameedä tönshinchä aweichöcoomo wetä yaawä, chincha’da aweichöcoomo wetä mmaja.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

1 TEESADOONISENSE 2:9

Änwanno jimmä, odhoowanääcäiñe na jooje töwäntunamjödö que töweetadaawa’cajo ñaa wei’jödö, täwanshiñö cana’catoojo ejoodödö jäcä. Töweetadaawa’cajo ñaa cönä’jaacä ano, coijai’jödöödä, ännödööcomo anaatameecö’da ñaa weichö wetä, ñaa wwä Wanaadi wätunnäi aashichaato ecammajäätödaawä äwwäiñe.

1 TEESADOONISENSE 5:12

Änwanno jimmä, edääje ñaa äwäätuujaato: Tönoiñe eneetäcä ñanno äjääcäiñe töweetadaawa’cajo weneenetoodö, Jesuuquidiito jäcäinchädä adhe’se’tännamo, ñanno äwäätuujannamo.

2 TEESADOONISENSE 3:13

Jimmä, chaaquejö’da eichäcä aashichaato tödöödö jäcä.

2 TEESADOONISENSE 3:5

Cädhaajotoncomo ä’wa’taato Wanaadi jummadö äwwäiñe yeichö wetä, yäätäädä ätö’tajäätödööcomo weichö wetä mmaja, yää Jesuuquidiito nutuudu que.

2 TEESADOONISENSE 3:8

täjeema’da’da töwääwashinchä ñaa cönä’ja’dea. Ñaa dea töweetadaawa’cajo ñaa cönä’jaacä ano, coijai’jödöödä, töwäntunamjödö que, töwänshiñö ejoodötoojo cana’cadö wetä, adheemu’däneichomooje’da ñaa weichö wetä.

1 TIIMOTEO 4:10

Mädä jäcäinchädä dea töweetadaawa’cajo cäänetääne, töwäätana’tojo cäänetääne dea, Wanaadi nudooto ecamjödö weijäcä cöwwäiñe, ñäädä tameedä soto Ewaanacaaneichomo, töwaacö’je ñanno täcaanö’nnamo.

1 TIIMOTEO 5:17

Ñäädä ansiyaano chäänönge soto edai’chäneichomo jooje’cä ijummajai maato, töwaacö’je ñanno ecammajäätödö jäconcomo wetaadawa’cajoodö, owaanomaadö jäconcomo wetaadawa’cajoodö mmaja.

EEWEDEO 10:36

Aaquiñu’tä’da aweicho’como tujunne na äwwäiñe, Wanaadi woijato tödöödö wetä yaawä äwwäiñe, ñeecamma’jödö mejoodötäiye yaawä.

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.

EEWEDEO 13:13

Yääje yeijäcä Jesuuquidiito wwadäädä cöötätäiye cönwanno, jata tö’cäi; töshinchääne quiishinchätäiye Jesuuquidiito jo’tädööje cöquiiñemeecödööcomo.

EEWEDEO 6:10

Chäänöngato ñäädä Wanaadi; ataadawaajuichomo’jödö aneenejäätö’da’da töwö na. Äwwäiñe tujummadö jäcäinchädä quedeiyentecoomo ’wa’to’jocoomo mmaja aneenejäätö’da’da na dea töwö, mädä tönnöe määnetäänedö.

EEWEDEO 6:12

Töquiiñe aweichonse’da ñaa na. Ñanno wei’yejeiñeene aweichonse ñaa na, ecamjödö que mmaja, aaquiñu’tä’da töweichöcoomo que mmaja Wanaadi necamma’jödö ejoodönnamo wei’yejeiñeene.

EEWEDEO 6:15

Yaawä aaquiñu’tä’da yoomocö’jödö weijäcä Aawadán wwä, töwö cöneeneaacä töwwä Wanaadi necamma’jödö.

2 PEEDHODO 1:6

towaanojo’ne weiñä jadä ’quene, wäädai’chänä; wäädai’chänä jadä ’quene, yäätäädä tö’tajä’nä; yääje weiñä jadä ’quene Wanaadi woije weiñä;

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 3:10

Ya’deddu woije aashicha tönshinchä awei’jödö weijäcä, öwö adhentunaanö’jo’da wa’de yeetunu eneedö cu’nädaawä, yää yeetunu tameedä nono de’woncomo neneeaato’dedö.