APOOCADIISI 2:23 - Wanaadi A'deddu

²³ Iiñacoomo mmaja wöja’aato’de. Tameedä quedeiyentecoomo dhowaanäcäiñe na’de yaawä soto tö’tajäätödö jadä’jödöödä tönemmenca weichö, chääwanööcomo mmaja. Awaadäiñe maneejemaato’de ännödööcomo woije.

APOOCADIISI 2:23 ပူးပေါင်းရင်းမြစ်များ

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

DUUCA 16:15

Yaawä Jesuuquidiito cönä’döaacä chäwwäiñe: —Änwanno soto neneedöcoomoje mmädä aashicha äwäänejo’seiñe määnetääne. Wanaadi mmaane ätö’tajäätödööcomo jaiñoone dhowaanäcä na. Yaa aashichaato wa’cä soto wwäiñe yäänedö naadö, Wanaadi wwä mmaane cone’da na.

JUAN 21:17

Yaawä Jesuuquidiito cöneecamma’joi chea aaduwaawädeeto ai: —Simón, Joná nnedö, ¿cujummaanä amäädä? quee cönä’döaacä chäwwä. Peedhodo wentumje cönä’döjoi yaawä aaduwaawäde täcamma’jo’jödö weijäcä, “ ¿cujummaanä?” quee. Töwö cönä’döaacä: —Cajiichaana, amäädä tameedä odhoowanääcä na; odhoowanääcä ajummatä weichö; quee cönä’döaacä Peedhodo. Yaawä Jesuuquidiito cönä’döaacä: —Yääje yeiya’jäcä sootoi ewanshinchocooto’de, ñanno oweeja nönga’como.

JUAN 4:16

Jesuuquidiito cönä’döaacä chäwwä: —Äjääne, oiño a’dejjata; yää ’jeje ä’täcä’de.

DOSECHO 1:24

Edääje Wanaadi wwä cöna’deuwa’to yaawä ñanno quedeiyentecoomo: —Cajiichaana Wanaadi, amäädä odhoowanääcä na tameedä soto tö’tajäätödööcomo. Amäädä ämjummadö eneejocä ñaa wwä, canno aacä tömencaamo naatoodö,

DOMAANO 14:12

Yääje yeijäcä cöwaadäiñe cöweichöcoomo jäcä cätääcamma’jajaato’de Wanaadi wwä.

DOMAANO 8:27

Ñäädä Wanaadi tameedä tö’tajä’nä dhowaanäcä na; töwö dhowaanäcä na Epíiditu Santo wa’deuwödö töwwä, ñäädä Epíiditu Santo Wanaadi woije dea töwa’deuwe yeijäcä shootoi jäcäiñe.

2 CODINTIYO 5:10

Tameedä cä’mencajaato’de Quidiito wwä; yaawä cöwaadäiñe cäje’jocoomo queiyato’de chäwwä, edä nono de’wä cönnö’jocoomo jäcäinchädä, aashichaato jeiñe mma, conemjönö jeiñe mma.

CAADATA 6:5

Cöwaadäiñe töweiye na cönaadädööcomo.

EEWEDEO 4:13

Ane’cä’cä tödööajä ’je’da na Wanaadi wwä ootone’täjaicho. Tameedä täne na chäwwä, tacaade mmaja, ñäädä cämmencaneichomooje töweiyemö wwä.

1 PEEDHODO 1:17

Ñäädä Wanaadi äänöngeiñe soto tönemmenca weneene, iiñö’jocoomo woije mma. Yääje yeijäcä ñäädä Wanaadi oomotoncomooje e’ta’jäcä äwwäiñe, töwö ñontätääcä edä nono de’wä aweichöcoomo wadaadäädä.

APOOCADIISI 2:11

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö onooneja’da na’de yää ’jejaato wäämanä;” quee cönä’döaacä öwwä ñäädä soto nnedö nöngato.

APOOCADIISI 2:7

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö nameedöje wänu’a’de weichojo ejeedödö, yää Wanaadi jataawä Aashichaato ña naadö;” quee cönä’döaacä öwwä ñäädä soto nnedö nöngato.

APOOCADIISI 20:12

Weneeaquento yaawä tameedä yä’ja’a’como, ñanno täneejuca’como’jödö, soto mmädä mmaja; jiidi cönä’ja’to Wanaadi mudei je’taca. Jajeeda cönaata’ducaajätöi yaawä. Anejja jajeeda mmaja cönaata’ducai chea, yää weichojo jajeedai’chädö. Yä’ja’a’como cönä’mencajoicho yaawä, jajeedä jäcä iiñö’jocoomo imennaajä woije.

APOOCADIISI 20:13

Ñanno yä’ja’a’como cöneeja’caicho yaawä dama ’cwawonno, yä’ja’a’como weicho’como awonno mmaja. Tameedä cönä’mencajoicho yaawä töwaadäiñe tönnö’jocoomo woije.

APOOCADIISI 22:12

—Eduuwa mma wöta adöiña, neejemaatojo dha’me, soto ejeemadööcomo wetä chääwaadäiñe, iiñö’jocoomo nönge.

APOOCADIISI 6:8

Weneeaqueene yaawä cawaayu tacaada’sato. Ñäädä ye’wono eetö cönä’jaacä Wäämanä Momo, quee. Inchäcä cöne’acä yä’ja’a’como weicho’como edhaajä. Chäwwä u’ajä cönä’jaacä dhantai nono de’woncomo töja’to’como, annaicho annai. Yää töja’to’como cönä’jaacä wänä que, ämi che mmaja, cädäi che mmaja, nono de’woncomo odoocoja’como que mmaja.