APOOCADIISI 2:16 - Wanaadi A'deddu

¹⁶ Yääje yeijäcä ätö’tajäätödö sha’duminchacä. Ecooneca’da aweiya’jäcä jadheedä wöta’de adöiña; yaawä yeewänä’ta’de chääjadäiñe, sauda öntaiño weja’cadö que.

APOOCADIISI 2:16 ပူးပေါင်းရင်းမြစ်များ

EUJEESIYO 6:17

Wääwanaacanä tödöötäcä aju’jocoomo ewontotoojoje. Wanaadi a’deddu awaichadööcomooje tödöötäcä, yää Epíiditu Santo nutuudu.

2 TEESADOONISENSE 2:8

yaawä jeene nääneja’de ñäädä conemjönö tödöödö edhaajä. Töwö nätäämaja’de yaawä Cajiichaana Jesuuquidiito eta’jiño que. Jesuuquidiito weejödö nawaananö’cadö que dea mma töwö nääma’de.

APOOCADIISI 1:16

Ämu’demjönö dhamäädö jäcä cönä’jaacä aacä amoojato shidiichä. Inchai cöneeja’caacä sauda seqqueeto, ääjato yeedö. Ijeedö cönä’jaacä weijotä, shii tönweijo töweiye naichö wa’cä ca’dutu ’je’da yeichawä.

APOOCADIISI 16:9

Soto cöiñatuujätöicho yaawä ta’nato joojato que. Yääje yeichaame tötö’tajäätödööcomo änsa’dumincha’da cöneiya’to. Tönwanno Wanaadi o’jodhaatoje ane’tä’da cöneiya’to, ñäädä yää wätä’maminchanä edhaajä. Cone’da mma cöna’deuwöicho chääjäcä.

APOOCADIISI 19:15

Ñäädä cawaayu de’wä cönä’ja’dö ntai cöneeja’caacä sauda dhejiiyajä, sotoocomo töja’to’como. Töwö chäädhajootoncomooje na’de, sejaadadi döaajä töwaichadööje. Töwö soto nimaaminchaato’de, eccucaatojo aca chääjedöödö etaajajä’nei töweiye naichöje. Chäwwäiñe nemja’de chääjedöödö eccudu, yää Wanaadi jäduujato wwä wätä’maminchajoonä cu’tädö.

APOOCADIISI 19:21

Tameedä shootoichomo’jödö cönä’jajoicho yaawä cawaayu tajääde’dato de’wono saudai canaadöje, yää inchaiño weja’cadö canaadöje. Tameedä tadiiñaamo cönwensu’tajäätöicho yaawä chääjäcuincheiñe.

APOOCADIISI 2:12

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Peecamo ñancomo quedeiyente edai’chäneichomo wwadäädä: “Edääje nä’döa ñäädä sauda seqqueeto ääjatoncädooto yeedö dha’me naadö:

APOOCADIISI 2:5

Yääje yeijäcä ätö’tacä awa’deene awei’jödö jäcä, yää choojonno töwe’ducca maadö. Ätö’tajäätödö sha’duminchacä; tönnöe mä’jaaquennö mmaja tödööcäde. Ecooneca’da aweiya’jäcä öwö adöiña wöta’de; adhaawa äwwä naadö que manenwajiiña’de, ätö’tajäätödö änsa’dumincha’da aweiya’jäcä.

APOOCADIISI 22:20

Ñäädä edä jäcä ecammajä’nei edääje nä’döa: —Ee, eduuwa mma wöta adöiña; quee nä’döa. Amén. Ä’cäde’de jaiñoone Cajiichaana Jesuuquidiito.

APOOCADIISI 22:7

—Eduuwa mma wöta adöiña. Ta’cwaiñe eijai ña ñäädä edä a’deu jajeeda jäcä imennaajä naadö chäänönge tödöönei.

APOOCADIISI 3:19

Tameedä umjummadö wiyäätuujaato; wichuuseijaato dea. Yääje yeijäcä ta’neene eichä; ätö’tajäätödö sha’duminchacä.