APOOCADIISI 2:13 - Wanaadi A'deddu

¹³ Yoowanääcä na tameedä ännödö; ajaatadö mmaja yoowanääcä na dea, Caajuushawa waanontotoojo dö’tä yeichö. Yääje yeichaame ye’nomja’da ma amäädä. Ñanno soto Caajuushawa weichojo dö’tä Antipa cöneemaicho, ñäädä ya’deddu ecammajä’nei, yaanonö chäänöngato mmaja. Ñäädä emaadawä chäwwäiñe yeecamjödö omjome’dä’da meiyaqueene.

APOOCADIISI 2:13 ပူးပေါင်းရင်းမြစ်များ

MATEO 10:23

Anejja jataawä amaamincha’comjäcä, äänejeetäcä’de aneetaja. Chäänönge yääje wä’döa, tameedä iisadaaediitacoomo jataadöcoomo mämja’dä’tä’dadä Soto nnedö ne’a’de.

MATEO 24:9

“Yaawä soto ayu’ato’de amaaminchadööcomo wetä, ajaajodööcomo wetä mmaja. Tameedä soto aquiiñeme’cato’de sootoije aweichöcoomo jo’tädööje.

MATEO 4:10

Yaawä Jesuuquidiito cönä’döaacä odo’sha wwä: —Äjääne amäädä Caajuushawa. Yääje Wanaadi a’deddu imennaajä nä’döa: “Adheedhajä Wanaadi mmaane ya’deme’jai ma; chäwwä mmaane tödööjai ma;” quee nä’döa Wanaadi a’deddu imennaajä; quee cönä’döaacä Jesuuquidiito.

DUUCA 21:17

Änwanno mä’quiiñeme’cajaato’de tameedä soto wwäiñe sootoije aweichöcoomo jo’tädööje.

DOSECHO 22:20

Adhaanonö Eteewa emaadawä yäätä wä’jaaquene; waacö’je mma ñäädä adha’deddu ecammajä’nei cöneemaicho. Ñanno emannamo’jödö womö edai’chäneije wä’jaaquene yaawä;” quee wä’döaaquene Cajiichaana Jesuuquidiito wwä.

DOSECHO 9:14

Eduuwa sadä ye’ajä na jajeeda imennaajä dha’me, Wanaadi wwä töwa’deuwaamo nutuudu chäwwä, tameedä adheecanö’nnamo jedeesoje adooto’como; quee cönä’döaacä Aananía.

1 TEESADOONISENSE 5:21

Tameedä chäänönge imencatääcä; aashichaato dea äwwäiñe tödöötäcä.

1 TIIMOTEO 5:8

Ñäädä töjimmä ani’wa’täjöönö, töwä’jimmä’tädö ani’wa’täjöönö mmaja, töneecamjödö nijoome’da, quedeiyentejöönö o’näde na töwö.

2 TIIMOTEO 1:13

Yää chäänönge monoowanoomaneedö woije eichä, ecamjödö ’je aweiyancädä, wä’jummanä ’je mmaja, yää Jesuuquidiito jadä weiñä que naadö.

2 TIIMOTEO 2:12

Chääjadä cöwäntunaanö’a’comjäcä, chääjadä cajiichaanaje caato’dede. Ijoome’da’jäcä cöwwäiñe, töwö mmaja cöjoome’daato’dede.

EEWEDEO 10:23

Yäätäädä cötö’tajäätödööcomo cöödöto’ñojo cöwo’womoocödööcomo jäcä, cöweejäduuqueancädäiñe’da, cowaanäcäiñe yeijäcä chäänönge Wanaadi wwä tödöötojo yää cöwwäiñe töneecamma’jödö.

EEWEDEO 3:6

Quidiito mmaja chäänönge na dea Wanaadi sotoi edai’chädööcomo jäcä. Yaawääne’, Wanaadi nnedööjeene töwö na, dhanoonöje mma’da. Ñanno cönwanno Wanaadi sotoi tädai’chaamo, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, ta’cwaiñe cöweiya’comjäcä mmaja yää cönwomoocödööcomo jäcäinchädä.

SANTIYAACO 2:7

¿Ñanno dea jönca Quidiito jäcä cone’da töwa’deuwe weneeneto, ñäädä tönontäämö, chäätö joi tä’tä maatoodö?

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 11:3

Öwö wanontaato’de aacä ya’deddu ecammajä’nnamo; tönwanno öwö untudu woije necammajä’aato’de 1,260 anooto, camiisha juduumato döaajä yoomöcoomoje; quee cönäätäcammai öwwä.

APOOCADIISI 12:11

Ñanno cöjimmotoncomo tämentäneichomo’jödö cöne’jodheinchaicho Oweeja nnedö’cä wääma’jödö que, dha’deddu ecammajäätödö que mmaja. Tönwanno töwäämadööcomo onnontä’da cönä’ja’to tämaadöcoomo jonaane.

APOOCADIISI 13:2

Ñäädä odoocojaato weneeaqueene mado nönge, jadeemu ’judu nönge i’judu, inchadö mmaane cawaadiimä ntadö nönge. Chäwwä caimaana nutuudu cönä’jaacä ijäädudu, imuudei mmaja, cajiichaanaje yeichojo mmaja.

APOOCADIISI 14:12

Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja, tameedä ñanno Wanaadi waanontädö tödönnamo, Jesuuquidiito ecaanö’nnamo dea; quee cönä’döaacä ñäädä aaduwaawoto amoode.

APOOCADIISI 17:14

Tönwanno newäänä’taato’de Oweeja nnedö’cä jadä. Töwö Oweeja nnedö’cä ne’jodheinchaato’de, cajiichaanacoomo Cajiichaanaichomooje töweijäcä, ädhaamo Edhaajotoncomooje töweijäcä mmaja. A’dejja’como ñanno Oweeja nnedö’cä jadoncomo, Wanaadi neichö mmaja, chäänönga’como mmaja; quee cönä’döaacä amoode öwwä.

APOOCADIISI 17:6

Töwä’dau’cwe weneeaqueene ñäädä wodi, Wanaadi sotoi aquiiyö que, Jesuuquidiito jäcäinchädo’como wä’jajo’jocoomo aquiiyö que mmaja. Eneedö’jo töwääcatonca mma wääcatoncane.

APOOCADIISI 2:2

Yoowanääcä na tameedä ännödö, jooje ataadawaajui weichö mmaja, aashicha tönshinchä aweichö mmaja, conemjöncomo etaajai’cha aweichö mmaja. Amäädä mene’ju’neto ñanno anontaajäja’como wätä’tädö, ñannojöönö töweichaameiñe. Töwä’duna’comooje yeichöcoomo medantäneeto.

APOOCADIISI 3:11

Eduuwa mma wöta adöiña. Täijeene ajäichä yää äwwä naadö, adheeje’jödö que mma mätänwajiiñajo’no.

APOOCADIISI 3:3

Yääje yeijäcä ätö’tacä owoowanooma’jödö jäcä; yää tödööcä eduuwa; ätö’tajäätödö sha’duminchacä. Äädai’chä’da aweiya’jäcä adöiña wöta’de tämeenato wötäädö töweiye naichöje, ätö’tajäätödö ’nawä.