APOOCADIISI 19:1 - Wanaadi A'deddu1 Yääje mma yaawä caju ña wetaaquene a’deu; jooje cönäätaacä. Yää a’deu cönä’jaacä jooja’como soto wa’deuwödööcomo. Tönwanno cönä’döa’to: Aadeduuya. Äwaanacaanei mä’dä Cöwaanadiiyöcoomo, jäduujato mmaja, aashicha wa’deutojooje mmaja, အခန်းကိုကြည့်ပါ။ |
Yaawä aacä amoojatooto amoode töjaanau’cwai cöneetöi. Wa’deunä cönäätaacä yaawä caju ña, jooje. Edääje ya’deuwödööcomo cönäätaacä: Tameedä nono de’woncomo, ñanno cajiichaanacoomo sotoi, naato eduuwa Cädhaajotoncomo sotoije, dhanoonö Quidiito sotoije mmaja. Töwö Cajiichaanaje na’de yeichöödäje; quee cönäätaacä.
Caju ña a’deu wetaaquene yaawä. Jooje cönäätaacä; cönä’döaacä: —Eduuwa chäänönge nä’döi wääwanaacatoojo, Cöwaanadiiyöcoomo wwä töjäädudu eneejotoojo mmaja, cajiichaanaje töweichö eneejotoojo mmaja, dhanoonö Quidiito cajiichaanaje yeichojo mmaja. Caju ñanno cönootonno’jajoi eduuwa ñäädä cöjimmotoncomo ementäneichomo’jödö, ñäädä ano, coijai’jödöödä Wanaadi wwä töneementäiñe töweiye cönä’ja’dö.