APOOCADIISI 18:18 - Wanaadi A'deddu

¹⁸ Tönwanno cönaamoa’to yaatuca’jödö wedeimödö eneedö’jo. Edääje cönä’döa’to: —¿Äsha mädä ’jeje mädä wa’coto jata tacaade nai’chede? quee cönä’döa’to.

APOOCADIISI 18:18 ပူးပေါင်းရင်းမြစ်များ

APOOCADIISI 13:4

Ñanno soto caimaana cönwa’deme’ca’to yaawä, ñäädä odoocojaato cajiichaanaje yeichojo utu’jödö weijäcä chäwwä. Odoocojaato mmaja cönwa’deme’ca’to dea ñanno soto. Edääje cönä’döa’to: —¿Änääcö mmaja määdhä odoocojaato wa’cä eichöde’? ¿Änääcö ane’jodheinchadööde’? quee cönä’döa’to.

APOOCADIISI 14:11

Yeichöödäje wedeinchä näänea’de, yää yäätä’maminchajooto’como wedeimödö. Ñanno odoocojaato ya’deme’nnamo’jödö, odoocojaato cu’taajä ya’deme’nnamo’jödö mmaja, yäädeetato’como ’je’da na’de yeichöje, ano, coijai’jödöödä, tameedä ñanno odoocojaato eetö que yä’madaaca’ñäja’como’jödö.

APOOCADIISI 16:19

Yaawä yää jata tacaadato cöneedatoocai; aaduwaawä yeedatoocaajä cönä’jaacä. Anejja jata mmaja cöne’ducaajätöi chea. Wanaadi cöntö’tai yaawä Waawidooniya ñano jata jäcä, yää tacaadato. Chäwwä cönemjoi chääjedöödö eccudu, yää töwwä yäätä’maminchajootojo cu’tädö.

APOOCADIISI 18:16

edääje nä’döaato’de: —Wentumje nai eduuwa yää jata tacaadato’jödö. Iiñataaje cönä’jaacä töwö, wodi camiisha tajääde’dato döaajä wewontaajä awä töweiye naichö wa’cä, jiyeichä eccuduujato awä mmaja, seweichato awä mmaja, oodo que yensoma’taajä wa’cä mmaja, yaamante ’jano mmaja, tömaayuduichato mmaja.