APOOCADIISI 17:8 - Wanaadi A'deddu

⁸ Ñäädä odoocojaato meneeannö jenaadä cönä’jaacä; eduuwa mmaane ei’cha na. Töwö neja’ca’de ya’tadö inwadö ’jemjönö acanno, töwännanö’emööje mma. Ñäädä eneedö’jo nono de’woncomo nääcatoncaato’de, ñanno weichojo jajeedai’chädö jäcä chäätö ’jemjöncomo edä nono tödö’jödö jonnoto’jödöödä. Ñäädä odoocojaato jenaadä töwei’jödö weichaame eduuwa ei’cha na; yaawääne, äcuude töweiyemööje dea na.

APOOCADIISI 17:8 ပူးပေါင်းရင်းမြစ်များ

MATEO 25:34

Yaawä Cajiichaana nä’döa’de ämu’demjönö dö’sencomo wwä: “Ä’täcä änwanno, Jaaja nijummadö, ijaatawä meichäiye, yää edä nono wamoodeta’jödö jonnoto’jödöödä äwwoncomooje choonecaajä naadö.

DUUCA 10:20

Yääje yeichaame odo’sha onontätäiñe yeichö jäcä’daane ta’cwaiñe eijai maato, caju ña adheetöcoomo tömennä yeichö jäcäinchädääne; quee cönä’döaacä Jesuuquidiito.

DUUCA 8:31

Ñanno odo’shancomo cönä’döa’to Jesuuquidiito wwä: —Ya’tadö inwadö ’jemjönö aca mma ñaa manenno’jai; quee cönä’döa’to.

JUAN 17:24

“Jaaja, canno öwwä mu’netoodö öwö weichojo dö’tä mmaja yei’sheiñe waato, o’jodhe weichö eneiyeto yaawä, yää äwwä jummadö weijäcä öwwä mu’nedö edä nono tödöödö owaajodä.

DOSECHO 15:18

que nä’döa Cajiichaana, ñäädä jenaadä mädä cöneecadeeme’joichö; quee cömmennoicho Wanaadi wa’deuwödö ecammannamo.

EUJEESIYO 1:4

Quidiito jäcäinchädä mmaja Wanaadi cä’tätääne edä nono wamoodetaadö owaajodä, tösooma chämjataawä cöweichöcoomo wetä, conemjönö ’je’da cöweichöcoomo wetä mmaja.

TIITO 1:2

töwaatamemjönö weichojo chäwwäiñe töweiye yeichö wetä yaawä. Edä nono woojodö’jödö owaajodä töwö Wanaadi cöneecammai yää töwaatamemjönö weichojo; ätäncu’täjöönö ñäädä Wanaadi.

1 PEEDHODO 1:20

Edä nono tödöödö owaajodä mädääje töweiyemööje Quidiito cönäätä’täjoichö’je; yaawääne’ eduuwa jeene cönäänejoi, anooto ataamejai yä’döa’jäcä jeene, änwanno äjääcäinchädäiñe.

APOOCADIISI 11:7

Ecammajäätödö jäcä yä’ca’comjäcä, ñäädä odoocojaato, ya’tadö inwadö ’jemjönö acaano’jödö weja’caajä, newäänä’ta’de chääjäcäiñe. Töwö ne’jodheinchaato’de; nöja’aato’dede.

APOOCADIISI 17:11

Ñäädä odoocojaato jenaadä cönä’ja’dö, eduuwa ei’cha naadö, ñäädä ñäädä aaduwaawä amoojatooto cajiichaanaje töweiyemö. Ñanno aacä amoojato’como jimmä dea töwö, töwännanö’emööje töwö yeichojo.

APOOCADIISI 17:2

Ñäädä jadä edä nono de’woncomo cajiichaanacoomo cömmasuuduichaicho. Edä nono de’woncomo soto cönä’dacuicho chääjedöödö eccudu inchudu que, yää imaasuduichadö cu’tädö; quee cönä’döaacä ñäädä amoode öwwä.

APOOCADIISI 20:10

Yaawä ñäädä odo’sha, ñanno encu’täneichomo’jödö cönäätämaajoi jiyooto comootödö ña, odoocojaato naadö döiña, ecammajä’nei chäänöngemjönö naadö döiña mmaja. Iiña nätä’maminchajaato’de ano, coijai’jödöödä, yeichöödäje. Iiña wedeinchä nengaato’de, acuudajaada dhatu’jödö jodö joqque.

APOOCADIISI 20:12

Weneeaquento yaawä tameedä yä’ja’a’como, ñanno täneejuca’como’jödö, soto mmädä mmaja; jiidi cönä’ja’to Wanaadi mudei je’taca. Jajeeda cönaata’ducaajätöi yaawä. Anejja jajeeda mmaja cönaata’ducai chea, yää weichojo jajeedai’chädö. Yä’ja’a’como cönä’mencajoicho yaawä, jajeedä jäcä iiñö’jocoomo imennaajä woije.

APOOCADIISI 20:15

Tameedä ñanno weichojo jajeedai’chädö jäcä chäätö imennaajä ’jemjöncomo cönäätämaajoicho jiyooto comootödö ña.

APOOCADIISI 3:10

Ya’deddu woije aashicha tönshinchä awei’jödö weijäcä, öwö adhentunaanö’jo’da wa’de yeetunu eneedö cu’nädaawä, yää yeetunu tameedä nono de’woncomo neneeaato’dedö.

APOOCADIISI 3:5

Ñäädä e’jodheinchanei’jödö tajääde’dato yoomöje na’de; chäätö anaajuudä’da wa’de weichojo jajeedai’chädö jäconno. Öwö wecamma’de sootoije yeichö Jaaja wwä, Jaaja amoodedö netaadöcoomoje mmaja.