APOOCADIISI 17:2 - Wanaadi A'deddu

² Ñäädä jadä edä nono de’woncomo cajiichaanacoomo cömmasuuduichaicho. Edä nono de’woncomo soto cönä’dacuicho chääjedöödö eccudu inchudu que, yää imaasuduichadö cu’tädö; quee cönä’döaacä ñäädä amoode öwwä.

APOOCADIISI 17:2 ပူးပေါင်းရင်းမြစ်များ

JUAN 2:10

cönä’döaacä chäwwä: —Soto wocöödöcoomo chääjedöödö eccudu ecaamodö töweiye nai aashichaato awa’de; yää ’jeje jeene, a’dejja’como wwä enga’jäcä jeene aashichamjönöiche mma ecaamodö. Amäädä mmaane chääjedöödö eccudu aashichaato medeemuntäi eduuwa tängemööje; quee cönä’döaacä äwanshi ejoodödö edhaajä.

APOOCADIISI 14:8

Anejja amoode daja inchäcä cönta’dea; cönä’döaacä: —Nataamei, Waawidooniya ñano nataamei, yää jata tacaadato. Töwö tameedä soto wä’dacuuducoomo wetä chäwwäiñe tönemjo cönä’jaacä töneejodöödö chääjedöödö eccudu, yää jooje imaasuduichadö cu’tädö; quee cönä’döaacä ñäädä amoode.

APOOCADIISI 17:13

Tooni mma chö’tajäätödööcomo na’de ñanno cajiichaanacoomo. Tönwanno nä’tuaato’de odoocojaato wwä, shootoije töweichöcoomo wetä; tösootoichomo mmaja nu’aato’de chäwwä, shootoije.

APOOCADIISI 17:17

Wanaadi yääje nichö’tamme’jaato’de tumjummadö woije tödöödö wetä chäwwäiñe. Yääje yeijäcä yää dea chö’tajäätödööcomo na’de. Tönwanno nä’tuaato’de odoocojaato wwä Wanaadi a’deddu weja’dätäädö wa’cä; tösootoichomo mmaja odoocojaato wwä nu’aato’de, shootoije.

APOOCADIISI 17:5

Ijaawä chäätö imennaajä cönä’jaacä, owaanojöönö. Edääje cönä’jaacä: “Waawidooniya ñano tacaadato, masuuduija’como dhenö, tameedä nono de’wono conemjönö edhaajä;” quee chäätö cönä’jaacä.

APOOCADIISI 17:8

Ñäädä odoocojaato meneeannö jenaadä cönä’jaacä; eduuwa mmaane ei’cha na. Töwö neja’ca’de ya’tadö inwadö ’jemjönö acanno, töwännanö’emööje mma. Ñäädä eneedö’jo nono de’woncomo nääcatoncaato’de, ñanno weichojo jajeedai’chädö jäcä chäätö ’jemjöncomo edä nono tödö’jödö jonnoto’jödöödä. Ñäädä odoocojaato jenaadä töwei’jödö weichaame eduuwa ei’cha na; yaawääne, äcuude töweiyemööje dea na.

APOOCADIISI 18:23

Adhaawa niweijodö ääne’da na’de yäätä. Jötaanä tödöödawä töshiiye weiñä weneenedö ääta’da mmaja na’dede yeichöödäje. Yäätoncomo töwäätätöijaamo tacaadeiñe cönä’ja’to, anejjacoomo nono de’woncomo e’jodheiñe. Tameedä soto cönäätäncu’tojoicho ä’waichö que; quee cönä’döaacä ñäädä amoode.

APOOCADIISI 18:3

Tameedä sotoocomo ñeejodöödö que cönä’dacuicho, yää chääjedöödö eccudu. Yää cönä’jaacä imaasuduichadö cu’tädö. Edä nono de’woncomo cajiichaanacoomo chääjadä cömmasuuduichaicho. Edä nono de’woncomo töwäätätöijaamo cöninshomaatajäätöicho iiñödö joojato que; quee cönä’döaacä ñäädä amoode jäduujato.

APOOCADIISI 18:9

Yaawä ñanno edä nono de’woncomo cajiichaanacoomo cone’da nä’döjaato’de, ñanno ñäädä wodi jadä cömmasuuduichaichodö, chääjadä töwä’wa’deme’que cönä’ja’todö mmaja. Tönwanno ijunnei naamoaato’de, yäätuca’jödö wedeimödö eneea’jäcä.

APOOCADIISI 2:22

Eduuwa ñäädä Jeesaweeda wichäädäi’ña’de; chääjadoncomo masuuduichadö mmaja wimaaminchaato’dede, iiñödö nönge tödöödö ane’nomja’da yeiya’comjäcä.

APOOCADIISI 3:10

Ya’deddu woije aashicha tönshinchä awei’jödö weijäcä, öwö adhentunaanö’jo’da wa’de yeetunu eneedö cu’nädaawä, yää yeetunu tameedä nono de’woncomo neneeaato’dedö.

APOOCADIISI 9:21

Tötö’tajäätödööcomo änsa’dumincha’da cöneiya’to dea soto töneema töweichöcoomo jonno, tö’waichöcoomo jonno mmaja, tömaasuduichadööcomo jonno mmaja, tämeene töweichöcoomo jonno mmaja.