APOOCADIISI 17:14 - Wanaadi A'deddu

¹⁴ Tönwanno newäänä’taato’de Oweeja nnedö’cä jadä. Töwö Oweeja nnedö’cä ne’jodheinchaato’de, cajiichaanacoomo Cajiichaanaichomooje töweijäcä, ädhaamo Edhaajotoncomooje töweijäcä mmaja. A’dejja’como ñanno Oweeja nnedö’cä jadoncomo, Wanaadi neichö mmaja, chäänönga’como mmaja; quee cönä’döaacä amoode öwwä.

APOOCADIISI 17:14 ပူးပေါင်းရင်းမြစ်များ

MATEO 22:14

Jooje a’dejja’como naatoodö’je; e’ta’como jaiñoone mmaane äächädä mma; quee cönä’döaacä Jesuuquidiito jaadiseeo wwäiñe.

MATEO 25:40

Yaawä Cajiichaana chäwwäiñe nä’döa’de: “Chäänönge yääje wä’döa äwwäiñe, tameedä sootoi jäcä mödöötäneedö, mäccö mmädä yeichaame töwö, öwwonooje dea yää mödöötäne;” quee nä’döa’de.

MATEO 28:18

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

JUAN 15:16

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

DOMAANO 1:6

Ñanno mmaja änwanno dea chäwwäiñe täcammajä’aamo, Jesuuquidiito sotoije Wanaadi ne’tädö.

DOMAANO 8:30

Ñanno töne’tä’jödö Wanaadi cöna’dejjaicho dea; töna’dejja’jödö töjaadonooje cönnöicho; töjaadonooje tönnö’jödö aashicha töweiyaamoje mmaja cönnöicho dea.

DOMAANO 8:37

Yääje yeichaame, töwäntunaanö’emööje cöweichaameiñe, to’jodheinchaane e’jodheinchajai caato ñäädä cujummaneichomo ni’wa’tädö que.

1 CODINTIYO 15:24

Yaawääne yaatameedö na’de. Yaawä Quidiito nacoichaja’de tameedä cajiichaanaje weiñä, acu’shänääje weiñä mmaja, jäduuje weiñä mmaja. Töwö Tumö Wanaadi wwä nu’a’de yaawä cajiichaanaje weichojo.

1 TIIMOTEO 6:15

Töwö Jesuuquidiito Wanaadi woije nääneja’de tucu’nädö awä. Ñäädä mma ñäädä Wanaadi jäduujato, aashichaato mmaja, yäätonno ’jemjönö, tameedä cajiichaanacoomo Cajiichaanaichomo, tameedä ädhaamo Edhaajotoncomo mmaja.

2 TIIMOTEO 2:4

Ñäädä töweewänä’täämö anejja dödö jäcä ääjönca’da töweiye nai, töweewänä’täämöje täwaacanei’jödö nanontädö tödööcoije töweichö wetä.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 11:7

Ecammajäätödö jäcä yä’ca’comjäcä, ñäädä odoocojaato, ya’tadö inwadö ’jemjönö acaano’jödö weja’caajä, newäänä’ta’de chääjäcäiñe. Töwö ne’jodheinchaato’de; nöja’aato’dede.

APOOCADIISI 16:14

Ñanno cönä’ja’to odo’shancomo. Tönwanno ene’ju’tojo tönnöe cönä’ja’to. Cajiichaanacoomo wwadäädä cöntonto tameedä nono weichö wa’cä, i’jummaiñe, töweewänä’tädööcomo wetä Wanaadi jäduujato nichu’nä’tä’jödö anootoi’chädö awä.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.

APOOCADIISI 2:13

Yoowanääcä na tameedä ännödö; ajaatadö mmaja yoowanääcä na dea, Caajuushawa waanontotoojo dö’tä yeichö. Yääje yeichaame ye’nomja’da ma amäädä. Ñanno soto Caajuushawa weichojo dö’tä Antipa cöneemaicho, ñäädä ya’deddu ecammajä’nei, yaanonö chäänöngato mmaja. Ñäädä emaadawä chäwwäiñe yeecamjödö omjome’dä’da meiyaqueene.

APOOCADIISI 3:21

Ñäädä e’jodheinchanei’jödö öwö jaadä wödööa’de cajiichaanaje. Yääje mmaja we’jodheinchane öwö; cajiichaanaje wä’döne dea yaawä Jaaja jadä.