APOOCADIISI 15:3 - Wanaadi A'deddu

³ Tönwanno cöneecanta’ña’to Oweeja nnedö’cä wecanta’ñotoojo jäcä, Moisé wecanta’ñotoojo jäcä mmaja, ñäädä Wanaadi anoonö. Edääje cöneecanta’ña’to: Adai’joto tönnöe määnene, tönoiñato mmaja, amäädä Cajiichaana Wanaadi jäduujato. Chäänönge töweiye määnene amäädä, aashicha mmaja, amäädä soto cajiichaanaichomo.

APOOCADIISI 15:3 ပူးပေါင်းရင်းမြစ်များ

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

1 TIIMOTEO 1:17

Yääje yeijäcä aashicha tödööto’me na ñäädä Cajiichaana yeichöödoto, aashicha wa’deutojooje mmaja yeichöödäje. Töwäämamjönö töwö, töwäänemjönö mmaja, ñäädä mma Wanaadi, töseedujä’nato. Amén.

EEWEDEO 3:5

Moisé chäänönge cönä’jaacä tameedä Wanaadi sotoi edai’chädööcomo jäcä; Wanaadi anoonöje cönä’jaacä töwö. Töwö chaadawaajui cönä’jaacä äcuude Wanaadi wwä täcammaamö ecammadö.

APOOCADIISI 1:8

“Öwö ñäädä yaajäntä’jödö, yä’cadö mmaja;” quee nä’döa Cajiichaana jäduujato, ñäädä eduuwa naadö, jenaadä cönä’ja’dö dea, äcuude na’dedö dea.

APOOCADIISI 11:17

cönä’döa’to: Aashichaatoje ñaa na’deuwa äwwä, Cajiichaana, Wanaadi jäduujato, amäädä eduuwa maadö, jenaadä mä’jaaquennö dea, äcuude ma’dedö dea, äjäädudu eneejodö awaajäntä’jödö weijäcä, Cajiichaanaje äwä’dö’jödö weijäcä mmaja.

APOOCADIISI 14:3

Wecanta’ñotoojo eduuwaato jäcä cöneecanta’ña’to mude je’taca, ñanno aacäicheea’como amoode’na’como je’tacaiñe mmaja, inchoncomo je’tacaiñe mmaja. Anejja oowanoomajai’cha cönä’jaacä yää wecanta’ñotoojo jäcä; ñanno 144 miide mmaane, ñanno nono de’woncomo antawonnoiñe yääwanaaca’como.

APOOCADIISI 14:8

Anejja amoode daja inchäcä cönta’dea; cönä’döaacä: —Nataamei, Waawidooniya ñano nataamei, yää jata tacaadato. Töwö tameedä soto wä’dacuuducoomo wetä chäwwäiñe tönemjo cönä’jaacä töneejodöödö chääjedöödö eccudu, yää jooje imaasuduichadö cu’tädö; quee cönä’döaacä ñäädä amoode.

APOOCADIISI 17:14

Tönwanno newäänä’taato’de Oweeja nnedö’cä jadä. Töwö Oweeja nnedö’cä ne’jodheinchaato’de, cajiichaanacoomo Cajiichaanaichomooje töweijäcä, ädhaamo Edhaajotoncomooje töweijäcä mmaja. A’dejja’como ñanno Oweeja nnedö’cä jadoncomo, Wanaadi neichö mmaja, chäänönga’como mmaja; quee cönä’döaacä amoode öwwä.

APOOCADIISI 19:16

Yoomö jäcä chäätö imennaajä cönä’jaacä, ijeetö jäcä mmaja. Cajiichaanacoomo Cajiichaanaichomo, ädhaamo Edhaajotoncomo mmaja, quee chäätö imennaajä cönä’jaacä.

APOOCADIISI 19:2

chäänönge soto tönemmencaiñe yeijäcä. Töwö wodi nimaaminchai, ñäädä masuuduijato, tacaadato’jödö, ñäädä tömaasuduichö que nono de’woncomo cone’maneichomo’jödö. Töwö Wanaadi nijo’täi tanoonö jajo’jocoomo chäwwä; quee cönä’döa’to caju ñancomo.

APOOCADIISI 4:8

Ñanno aacäicheea’como amoode’na’como cönä’ja’to ta’denqueiñe, chääwaadäiñe tooni amoojato dhajä’saichomo. Dhajä’saichomo jäcä cönä’jaacä chäänuduucomo, jooje, ye’wä mmaja, dho’nä mmaja. Etaajö’da cönä’ja’to töweecanta’ñädööcomo, ano, cöijai’jödöödä. Edääje cöneecanta’ña’to: Aashichaato, aashichaato, aashichaato, Cajiichaana Wanaadi jäduujato, ñäädä jenaadä cönä’ja’dö, eduuwa naadö dea, äcuude na’dedö dea; quee cöneecanta’ña’to.