APOOCADIISI 14:7 - Wanaadi A'deddu

⁷ Ñäädä amoode töcä’de cöna’deuwacä; cönä’döaacä: —Wanaadi ñontätääcä; o’jodhaatoje e’tätääcä. Soto emmencato’como cu’nädö mädä eduuwa chäwwä. Ya’deme’täcä ñäädä caju tödöönei’jödö, nono mmaja, dama mmaja, tuna juduucomo dönei’jödö mmaja; quee cönä’döaacä ñäädä amoode.

APOOCADIISI 14:7 ပူးပေါင်းရင်းမြစ်များ

MATEO 25:13

Edääje mmaja Jesuuquidiito cönä’döa’dea yaawä: —Yääje yeijäcä äädai’chätääcä, odhoowanääcäiñe’da yeijäcä Soto nnedö we’tojo anooto cu’nädö.

DUUCA 17:18

¿Anejja ennaca’da ca neiya aashicha a’deuwe Wanaadi jäcä, määdhä mma, aneiñajaano mma? quee cönä’döaacä.

DOSECHO 14:15

—Mädääje’daane jimmä, quee cönä’döa’to, soto mmaja ñaa dea, anönga’como mmaja. Mädä nöngato jäcä ecammajä’nnamooje ñaa cöneejä sadä, mädä weicho’jönö mödööaatoodö me’nomjatäiye yaawä, Wanaadi nudootoone mecaanö’täiye, ñäädä caju tödöönei’jödö, nono mmaja, dama mmaja, tameedä dhacaiñe naadö mmaja.

1 PEEDHODO 4:7

Tameedä yaatameetojo amoinche’da na. Yääje yeijäcä odhoowadäädäiñe eichäcä, acu’shämje mmaja. Yeichöje Wanaadi wwä adha’deutäcä.

APOOCADIISI 11:13

Yaawä dea mma nono cönäätu’mei jooje. Dhantai maa yää jataawono cönaata’dojoojätöi; 7,000 soto cönä’jajoicho yää nono wätu’medö canaadöje. Yaawä ñanno yä’ja’jöncomo’jödö cönääcatoncaicho jooje; Wanaadi caju ñano o’jodhaatoje cöne’ta’to yaawä.

APOOCADIISI 11:18

Sotoocomo cöneewodoicha’to töwäätömaadöcoomoje; äwwä yäätä’maminchajooto’como anooto cu’nädö aca nä’döi eduuwa, yä’ja’a’como imencato’como cu’nädö aca mmaja, adhaanonö ejeemato’como mmaja, ñanno adha’deddu ecammajä’nnamo’jödö, tameedä osootoi mmaja, ñanno tönoiñe adheenennamo, tameedä täneejuca’como mmaja, soto mmädä mmaja. Nono de’woncomo imaaminchannamo töja’to’como cu’nädö aca nä’döi eduuwa; quee cönä’döa’to ñanno inchoncomo.

APOOCADIISI 15:4

¿Änääcö onontä’da eichöde’, amäädä Cajiichaana? ¿Änääcö o’jodhaatoje adhe’tä’da eichöde’? ñäädä mmaane aweiyajä aashichaato. Tameedä sotoocomo ne’aato’de äwwadäädä; awa’deme’caato’de, chäänönge aweichö tacaade yeijäcä; quee soto cöneecanta’ña’to.

APOOCADIISI 16:9

Soto cöiñatuujätöicho yaawä ta’nato joojato que. Yääje yeichaame tötö’tajäätödööcomo änsa’dumincha’da cöneiya’to. Tönwanno Wanaadi o’jodhaatoje ane’tä’da cöneiya’to, ñäädä yää wätä’maminchanä edhaajä. Cone’da mma cöna’deuwöicho chääjäcä.

APOOCADIISI 18:10

Tönwanno tösaadöcomje amoinchenno yäätä’maminchajoodö nene’maato’de. Edääje nä’döaato’de: —Wentumje ma eduuwa Waawidooniya ñano, jata tacaadato’jödö, jäduuja’como jataadöcoomo’jödö. Jadheedä nä’döi äwäätä’maminchajootojo; quee nä’döaato’de ñanno cajiichaanacoomo.

APOOCADIISI 18:17

Jadheedä nataamei tameedä mädä mösooma; quee nä’döaato’de ñanno töwäätätöijaamö’jödö. Tameedä ñanno jidaawa edhaamo, na’cwainchomo waademaadö mmaja, cudiiyada e’se’tännamo mmaja, tameedä jidaawa awoncomo wetaadawa’cajoodö mmaja, amoinchenno cöneene’ma’to.

APOOCADIISI 18:19

Jooje cone’da cönä’ja’to. Töwaamoancädäiñe nono wedennäjaato cönnöicho tuju’jocoomo de’wä, wentumje töweichöcoomo ene’ju’tojooje. Töcä’de cöna’deuwa’to; cönä’döa’to: —Wentumje nai eduuwa yää jata tacaadato’jödö. Yäätä tameedä jidaawa edhaamo cöninshomaataicho jata nsomaadö que, ñanno dama ’cwainchomo waademaadö. Jadheedä mma tameedä mädä necoone’mai; quee cönä’döa’to.

APOOCADIISI 19:5

Yaawä mude dö’tä a’deu cönäätaacä: Aashicha adha’deutäcä Cöwaanadiiyöcoomo jäcä, änwanno shootoi, änwanno mmaja ñontännamo, täneejuca’como mmaja, soto mmädä mmaja; quee cönäätaacä.

APOOCADIISI 4:11

Ñäädä mma amäädä Cajiichaana Wanaadi; aashicha wa’deutojooje ma, aashicha tödööto’me mmaja ma dea, jäduujatooje täcammaamöje mmaja, tameedä tödöönei’jödööje aweijäcä. Amäädä ämjummadö woije cönaamodeetai tameedä naadö; quee cöneecanta’ña’to.

APOOCADIISI 4:9

Weiñäje ñanno amoode’na’como aashicha na’deuwaato ñäädä mude de’wä shuucu naadö jäcä, ñäädä Yeichöödoto. Tönwanno o’jodhaatoje ne’taato, iiñödö niya’deme’caato dea.

APOOCADIISI 8:10

Yaawä aaduwaawoto amoode wwä töjaanau’cwai etööa’jäcä, caju ñanno cöne’duccai yaawä shidiichä adai’joto. Tänne cönä’jaacä, adhaawa emjannaajä wa’cä. Na’cwaca cöneejuccai, tunaacomo juduucomo ’cwaca mmaja, annaicho dö’se tödööene.