APOOCADIISI 13:6 - Wanaadi A'deddu

⁶ Ñäädä odoocojaato cone’da cöna’deuwöi yaawä Wanaadi jäcä, Wanaadi weichojo ämääajä jäcä mmaja, caju ñancomo jäcä mmaja.

APOOCADIISI 13:6 ပူးပေါင်းရင်းမြစ်များ

MATEO 12:34

Äcääyu nönga’como änwanno. Aaquene aashicha adha’deutädööde’, cone’daane aweiya’como. Tötö’tajäätödö nönge wa’deunä töweiye nai.

MATEO 15:19

Soto tö’tajäätödö acaano weja’caajääne conemjönö weiyajä, yää cone’da tö’tajä’nä, soto emaadö mmaja, anejja jiñamo ajoojodö mmaja, masuuduichanä mmaja, wemeenönnä mmaja, jönaawä soto ementädö mmaja, wätunnä dha’me weiñä mmaja.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

DOMAANO 3:13

Chäänöcoomo na äwa a’duccaajä nönge; töwa’deuwödööcomo quee töwäätäncu’tä weneeneto. Äcääyu ’madaawai nönge dha’dedducoomo weneene, se’ne;

CODOOSENSE 1:19

Wanaadi woije dea tameedä Wanaadi weichö Quidiito wwä na.

CODOOSENSE 2:9

Quidiito wwääne na tameedä Wanaadi weichö.

EEWEDEO 9:2

Edääje yää Wanaadi weichojo amääajä cönä’jaacä: Aacä acä’jaajä cönä’jaacä. Awa’deeto acä’jaajä taca cönä’jaacä adhaawa a’täi, meesa mmaja, uu tödööajä a’täi. Yää uu cönä’jaacä Wanaadi neneedöje tödööajä. Yää acä’jaajä eetö cönä’jaacä Aashichaatoje.

EEWEDEO 9:24

Quidiito cönoomomöi Wanaadi weichojo neene taca, yää soto namäädöjöönö. Yää soto namä’jödö cönä’jaacä Wanaadi weichojo neene cu’taajäje mma. Caju ñaane Jesuuquidiito cöntämä. Töwö na eduuwa Wanaadi döiña, cöjääcäinchädäiñe töwa’deuwemööje.

APOOCADIISI 11:12

Yaawä ñanno ecammajä’nnamo waadonca’como a’deu cöneetaicho caju ña. Jooje cönäätaacä: —Sadä adhäänu’täcä; quee. Tönwanno cönäncuicho yaawä caju ña, ca’dutu de’cäi, tutu’de’tännamo’jödö neneedöcoomoje.

APOOCADIISI 12:12

Yääje yeijäcä adha’cwainchatääcä änwanno caju ñancomo. Nono de’woncomo mmaane wentumje naato’de, änwanno mmaja dama ’cwawoncomo, odo’sha adöiñaiñe yä’tä’jödö weijäcä, jooje töwäätömaadöje. Töwö töwäätöma na dhowaanäcä yeijäcä numa’da töweichojo yeichö; quee a’deu cönäätaacä.

APOOCADIISI 15:5

Yääje mma yaawä weneeaqueene Wanaadi weichojo wata’ducaadö caju ña, yää Wanaadi necamma’jödö imennaajä ewöötö.

APOOCADIISI 18:20

Yaatame’jödö weijäcä adha’cwainchatääcä änwanno caju ñancomo, änwanno mmaja Wanaadi sotoi, anonta’como’jödö mmaja, Wanaadi wa’deuwödö ecammannamo’jödö mmaja. Ta’cwaiñe eichäcä Wanaadi wwä ojo’to’jocoomo weijäcä chääjäcä.

APOOCADIISI 21:3

Caju ña a’deu wetaaquene yaawä. Jooje cönäätaacä; cönä’döaacä: —Eneecä’ma, soto jadäiñe Wanaadi weichojo na eduuwa. Töwö nejaata’ta’de chääjadäiñe; tönwanno naato’de shootoije. Töwö dea na’de chääjadäiñe, Yaanadiiyöcoomoje.

APOOCADIISI 4:1

Yääje mma yaawä caju ña weneeaqueene mönaatata, ta’duque’da. Yää a’deu, janau’cwa wäätadö nönge awa’de öwwä cönäätaichö mmaja, cönäätai chea yaawä; edääje cönäätaacä: —Sadä adhäänu’cä, äwwä weneejoiye äcuude töweeja’dä’emö; quee cönäätaacä.

APOOCADIISI 4:4

Cajiichaana mudei awoodhecääcä cönä’jaacä anejja mude mmaja, tooni sotooto de’wä aacäichea. Yää de’wä shuucu weneeaquento tooni sotooto de’wä aacäichea inchoncomo, tajääde’dato awäiñe. Iju’jocoomo de’wä cönä’jaacä canaanadi, oodo döaajä.

APOOCADIISI 5:13

Yääje mma yaawä tameedä Wanaadi namoode’nädö wa’deuwödööcomo wetaaquennea, caju ñancomo mmaja, nono de’woncomo mmaja, co’dhejeiñancomo mmaja, dama ’cwaca naatoodö mmaja, tameedä. Tönwanno cönä’döa’to: Mä’dä mude de’wä shuucu naadö, mä’dä Oweeja nnedö’cä mmaja, aashicha wa’deutojooje naato, aashicha tödööto’me mmaja, o’jodhaatoje tä’täämöje mmaja, jäduujatooje täcammaamöje mmaja, yeichöödäje; quee cönä’döa’to.

APOOCADIISI 7:15

Yääje yeijäcä Wanaadi mudei je’taca naato. Wanaadi wwä netaadawa’cajaato ano, coijai mmaja, töwö yeichojo taca. Ñäädä mude de’wä naadö niñeejontaato’de.

APOOCADIISI 7:9

Yää ’jeje weneeaquento jooje soto, ime’cu’tädö e’jodhe jooje yeichöcoomo. Jiidi cönä’ja’to mude je’taca, Oweeja nnedö’cä je’taca. Ñanno soto cönä’jato tameedä nono weichö de’woncomo’jödö, tameedä soto weichöcoomo wa’cä, tameedä jata waadoinchomo’jödö, tameedä aata’deucwemjöncomo’jödö. Yoomöcoomo cönä’jaacä tajääde’deiñe; wasai adö dha’me cönä’jato.