APOOCADIISI 13:14 - Wanaadi A'deddu

¹⁴ Töwö odoocojaato nono de’woncomo cönencu’toicho täneemö tönnödö que. Chäwwäiñe cönnöjoi awa’deeto odoocojaato cu’taajä. Chäwwä yääje soto tödööto’como u’ajä cönä’jaacä awa’d eto odoocojaato neneedöje, ñäädä sauda que töwäätunui’chä’jödö weichaame cönaadoincaichö.

APOOCADIISI 13:14 ပူးပေါင်းရင်းမြစ်များ

2 TEESADOONISENSE 2:4

Tu’de ñäädä. Töwö nä’jädu’ta’de tameedä Wanaadi nödöödö jäcä, tameedä soto nijummadööcomo jäcä mmaja. Wanaadi weichojo tawä töwö nataajima’de. Wanaadije nätä’ta’de yaawä.

APOOCADIISI 12:9

Caju ñanno cönootonno’jajoi yaawä caimaana, ñäädä äcääyu, jenaadä cönä’ja’dö, odo’sha täätö, Caajuushawa täätö mmaja, nono de’woncomo encu’täneichomo. Töwö nono de’cäi cönootonno’jajoi tamoodedö jadäiñe.

APOOCADIISI 13:1

Yääje mma yaawä sa’dada de’wä wä’jaaquene yaawä, jiidi, dama jawä. Dama ’cwacanno odoocojaato wäncudu weneeaqueene yaawä. Aacä amoojato iju’jä cönä’jaacä, yeetai mmaane amoojadä. Yeetai waadäi cönä’jaacä canaanadi. Iju’jä jäcä chäätö imennaajä cönä’jaacä, Wanaadi wa’cä mmaja yäätä’taajä.

APOOCADIISI 13:15

Ñäädä odoocojaato wwä u’ajä cönä’jaacä awa’deeto odoocojaato cu’taajä nudä tödöötojo, a’deudeme’jotoojo mmaja, änwa’deme’jöncomo töja’to’como mmaja.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.

APOOCADIISI 14:11

Yeichöödäje wedeinchä näänea’de, yää yäätä’maminchajooto’como wedeimödö. Ñanno odoocojaato ya’deme’nnamo’jödö, odoocojaato cu’taajä ya’deme’nnamo’jödö mmaja, yäädeetato’como ’je’da na’de yeichöje, ano, coijai’jödöödä, tameedä ñanno odoocojaato eetö que yä’madaaca’ñäja’como’jödö.

APOOCADIISI 14:9

Yaawä aaduwaawoto amoode cöntaacä inchäcäiñe. Töcä’de cöna’deuwacä; cönä’döaacä: —Anejja wwä odoocojaato ya’deme’ca’jäcä, chu’taajä mmaja ya’deme’ca’jäcä, chäwwä töjaawä yä’madaaca’ñäja’jäcä mmaja, tamäädö jäcä jeiñe mma,

APOOCADIISI 15:2

Yaawä dama nöngato weneeaqueene; ta’dawaane cönääneaacä, jeteiya aca wa’to wäänedö töweiye naichöje. Weneeaquento dea ñanno odoocojaato e’jodheinchannamo’jödö, odoocojaato cu’taajä e’jodheinchannamo’jödö mmaja, ñanno chäätö me’cudu e’jodheinchannamo’jödö mmaja. Jiidi cönä’ja’to dama ta’dawaanato jawä. Jantuuda dha’me cönä’ja’to, Wanaadi nutuudu.

APOOCADIISI 16:13

Yaawä weneeaquento aaduwaawä conemjöncomo weja’cadööcomo. Tönwanno cöneeja’caicho caimaana ntaiño, odoocojaato ntaiño mmaja, ecammajä’nei chäänöngemjönö ntaiño mmaja. Ñanno conemjöncomo codoocodo nöngeiñe cönä’ja’to.

APOOCADIISI 16:2

Yaawä awa’deeto amoode cöntämä; töcancudui acaano cöni’chomoi nono de’cäi. Soto cuncunnujäätöicho yaawä, tameedä ñanno odoocojaato nimaadaca’ño’jocoomo, ñanno chu’taajä ya’deme’nnamo dea. Töcääque cönä’jaacä chunnujäätödööcomo, se’ne jooje.

APOOCADIISI 18:23

Adhaawa niweijodö ääne’da na’de yäätä. Jötaanä tödöödawä töshiiye weiñä weneenedö ääta’da mmaja na’dede yeichöödäje. Yäätoncomo töwäätätöijaamo tacaadeiñe cönä’ja’to, anejjacoomo nono de’woncomo e’jodheiñe. Tameedä soto cönäätäncu’tojoicho ä’waichö que; quee cönä’döaacä ñäädä amoode.

APOOCADIISI 19:20

Ñäädä ecammajä’nei chäänöngemjönö yäätä cönä’ja’dea, ñäädä odoocojaato neneedöje ene’ju’tojo tönnöe cönä’ja’dö. Töwö yää ene’ju’tojo tödöödö que tönencu’täiñe cönä’jaacä odoocojaato eetö que yä’madaaca’ña’como, ñanno chu’taajä ya’deme’nnamo. Yaawä ñäädä odoocojaato cönaatajoijoi chäwwäiñe, cawaayu tajääde’dato de’wä cönä’ja’dö wwäiñe. Ecammajä’nei chäänöngemjönö mmaja cönaatajoijoi chea. A’nädäncädä nudäädä cönäätämaajoicho jiyooto comootödö ña. Iiña wedeinchä nengaato’de, acuudajaada dhatu’jödö jodö joqque.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.

APOOCADIISI 20:10

Yaawä ñäädä odo’sha, ñanno encu’täneichomo’jödö cönäätämaajoi jiyooto comootödö ña, odoocojaato naadö döiña, ecammajä’nei chäänöngemjönö naadö döiña mmaja. Iiña nätä’maminchajaato’de ano, coijai’jödöödä, yeichöödäje. Iiña wedeinchä nengaato’de, acuudajaada dhatu’jödö jodö joqque.

APOOCADIISI 3:10

Ya’deddu woije aashicha tönshinchä awei’jödö weijäcä, öwö adhentunaanö’jo’da wa’de yeetunu eneedö cu’nädaawä, yää yeetunu tameedä nono de’woncomo neneeaato’dedö.